تبعــثر العمــر ما بين"القـضــاء"و"السلف"
ظلـم المقاديــر مستقوي عــلى إنصافــها

ذي ما أحــتزم للشــدايـد بالهوان ألتحف
ولا نَهَل مِــن"سِلُــوم"الجــود و"أعــرافها"

يا مَن حَـرَث"صَالبة"غــيره وسَقَّى و"نَف"
لا يـــرتجي "ريــــع"غَلَّتها"و"شـــريافـــها"

بــلاني اللَّــه في"عـــايب رمــــاني نصَـف
لو قابلتني حشــــــود الجـــن ما أخـــافها

ومِـن خســاسة رفيقي باعني فـ"الطـرف"
مادونهـــا"ألطـــاف" شلَّتني عــلى أكتافها

لا"العيش والملح" بـيَّن في"لعين الجدف"
ولا"الرفاقـة"تنـــاول شي مِـن أطـــرافهــا

صُدفة وسُقنــا عَليهـا لا سقـاها "صُــدف"
يا ريت ما شـافتـه عيني ولا شــــافــــهــا

غلطـــة كبـيرة وخــيبة ظـــن يا للأســف
مِن بعـدها في"رِخـاص"القـوم وأشرافـهـا

خلتني أحذر وأجدول كل شي في ملــف
وأدرس طبـايع قلـوب الناس وأوصافـهـا

صحيح كف الرَّكَانة والغـلا بـ"الـف"كــف
بواطـلـه جـــور يا مجــــور تِعِسَّــــافـهــا

لكـن"عَـــليّْ"عــار لو قد حـالتي فـ"التلـف"
مـ أسمح لنظرة خبيثــة تـسلي أجـوافهــا

ماحيل يندم ويتحَسَّــر جـزاء مـ أقـترف
يعض يـــده ونفســه تِلعـن إجحــــافــــها

مَا باعني✋🏻باع نفسه وأشترى لو عـرف
هـــوان بقعــاء ولو هــزَّت لــه أردافهـــــا

لي ديني"أقسـِم" وله دينه عديم الشـرف
مـا تحتـوينا ســمــاء الدنيــا ولا أكنـافـها

عليك ياللَّــه في سُخّْــف الزمـان الخَــلفَ
وفصل في طي ذكــرى خاطــري عافـهـا

يشفى ويشفى ويشفى الجَرح مهما نزف
دام"الحيـل"و"المـكــايد"فشلت أهـدافهـا

#إتحاد_الشعراء_والمنشدين