ماينفع الصاروخ ذي مايطلقه جيش اليمن
السر هو في الأيدي الصاروخيه ذي تطلقه
والأسلحه دون اليمانيّين ماتسوى ثمن
من يعصم الإبرامز لا شلّ اليماني بندقه
كم من فتى يهجم هجوم الطقم دعّاس الوهن
متحزّم الرشّاش في كتفه ويدّه مطرقه
من غيرنا الشعب العظيم الشامخ العملاق من
ياثورة الشعب اليماني زلزلي بالمنطقه
جات الصواريخ اليمانيّه لشيطان الفتن
الله منحنا بأس بالستي وقوه مُطلقه
احنا الثواقب والزلازل والكوارث والمحن
ذي جابنا ربي على الحلف السعودي نسحقه
اذا تنهّدنا تنهّد بعدنا التوشكا و حن
غضْباتنا تسبق، ويارب انتقمهم. تلحقه
واسكود موّناه بالإيمان للباغي طحن
ومن مآسينا صنعنا الكاسحات المحرقه
تسلم أيادي الجيش ولجانه أساطير الزمن
ذي مرّغوا قوّات امريكا وحلف البقبقه
أشّر لنا ياسيّدي نخسف بأعداء الوطن
الثار ثاير والقبايل عاطشه متشوقه
اهل اليمن قاموا، وما أدراك ما أهل اليمن
فوارس الدنيا للأعداء آخره متحققه
احنا الهلاك اللي تجاهلنا السعودي وارتهن
واحنا لأمتنا الكرامه والحياه المشرقه
طباعة الصفحة
قصائد ضد العدوان
فيسبوك 
تويتر 
يوتيوب 