المجاراة الأولى ( تحالف العدوان يستهدف جبهتنا الداخلية عبر ادواته وعملائه ) !!

 

البداية للشاعر #عكام_القصاد

الشعب فاهم باالحروب البارده
قد اكتشف كيد المنافق والعميل

من بعد ثامن عام ماشي فايده
تخلخلونا والنفس عاده طويل

كذاب يامن قلت صنعاء فاسده
ونته مع العدوان في صنعاء وكيل

#ابورواسي_ارحب

صنعا بعيده والمسيره صامده
وموقف أفواه العداء موقف هزيل

أتيقضوا ياهل العقول الراشده
من من هدفهم عن قضيتنا نميل

ومانراه أمامنا ونشاهده
في التواصل للنفاق أكبر دليل

#براق_المنبهي

القصف والارجاف عمله واحده
واحنا بنعرف نكهة الفكر الدخيل

والناعمة والحامية والنايدة
نسبة نجاح الحلف فيها مستحيل

ولا مع المدسوس منهم عايده
غير المهانه والخزا ربح الذليل

#عابد_المدم

ياشعب عنوان الدروس الصاعدة
الصبر ساعة مابقي غير القليل

يارُبّ قاعد يشتغل للقاعدة
مرجف مبلبل شغلته قالت وقيل

الله شاهد والمواقف شاهدة
مابا نفرط في دمانا مستحيل

#الشاعر_أحمد_درهم

حسب العلوم الراصدة والواردة
أكبر هدف وآخر مخطط للدخيل

يستهدفوا جبهة يمنا الصامدة
بأبواق مأجورة لتقبيح الجميل

والشعب قد صمم وشمَّر ساعده
نلعن أبايبهم وموقفنا نبيل

#سامي_عبيد

باقي خلايا وسط صنعأ راقده
واليوم بدوا روسهم كمن ذليل

وشعبنا قد قال كلمه واحده
واقسم على درب الكرامه مايميل

بطانيه عفاش عادي شاهده
ومن بدا راسه وقع له بالصميل

#ضيف_الله_سلمان

تخسا شياطين الخليج الماردة
وتخسى امريكا وتخسى اسرئيل..

با نخرس ابواق النفاق الحاقدة
واحنا مع الله شعب ما ضل السبيل..

ونارنا في كل موقع واقده
واحنا رجال الباس والاخذ الوبيل..

#أبوعساف_الدهمي

بـه نـاس والـعدوان جبهة واحدة
والـناس ذولا ما لهم غير الصميل

قــال الـمـثل عـز الـقبيلي سـاعده
الـعز مـا يـأتيك مـن موقف هزيل

إلـى ضـربت إضـرب بقوة جامدة
تـخمد بـها رأس الـمنافق والعميل

الـمـرحـلة تـحـتاج يـقـظة زايــدة
وأحنا لنا وقفات لا شب الفتيل

#فارس_المعزبي

ثمان ... والعدوان مابش فايده
يدّه قصيره لاكن إلــ سانه طويل

معتاد باقدامه يدوس المايده
وابطالنا داسوا على راسه صميل

الصّف واحد والمسيرة خالده
فينا ومنصوره على الفكر الدخيل

#الشاعر_صالح_النقيب_الجوفي

نقسم علا سورة سبأ والمايده
ما هزنا هرج المنافق والعميل

قد قالها بو صقر كلمه واحده
لو يرجع المولود مانرضا البديل

خبث العماله لا دخل فزايده
نقتصها من داخل البطن العليل

#ابويحيى_القهدة

قل لليهودي والذي بيسانده
بالدجل الاعلامي ومن هذا القبيل

تطبيلكم بالشارده والوارده
ما فرق الشعب اليماني والأصيل

والشعب ذي واجه زحوف القاعده
ما ينخدع بالسم وسط الزنجبيل

جريح الحرب #رفيق_زرعان

على خطى الصماد امة صامدة
تسير في دربه ولا يمكن تميل

تقضي على ابواق النفاق الكايده
وتدحر العدوان بالسيف الصقيل

ومن يريد الصيد في ماء راكده
اكيد ما ينفع معه غير الصميل

#ابو_بدر_ذيبان

يالمرتزق والداعشي والقاعده
وكل متصهين ومتامرك عميل

الشعب فاهم لعب تحت المايده
واصبح بيقرا الخط ذي خلف الدليل

واهل العقول الخاويه والفاسده
لاماوعت عيقع لها ضربه صميل

#ابو_برق_الظرافي

الأمر واضح في سبأ والمايده
والغازي اصبح وجبة الشعب الاصيل

من يوم جده ما توصّى والده
لايقترب نحو اليمن مقدار ميل

مدبر ذنوبه حول موته ساجده
شاصه مجهز لاجهنم باالرحيل

#ابوصالح_العملسي

لعراب شـطر البيت البيض ساجده
واحنا لغيــر الله نسجد مسـتحيل

نعلم الاعـــداء دروس الـــمـــائده
وماقد حصل للحـلف منا الا القليل

عاد اللـــيالي بالبـــشاير واعـــده
يالندن إ-من المنطقه حان الرحيل

#ابوحسن_الشبطي

ابواق لعداء مامعاها فايده
والمستحيل ياشعب يبقئ مستحيل

من باع شعبه وارخصه للقاعده
ومدّ داعش فالمواني وارخبيل

مابا يقحّط ع المواطن ساعده
لوقد صقط نصف اليمن كله قتيل

#ياسين_الفروي

شعب اليمن واثق بحكمة قايده
ومواصل المشوار جيلا بعد جيل

و كل دوده في يمنا زايده
لابد ما يعمل لها شعبي مزيل

وبلغ امريكا ونجد الحاقده
يا يجنحوا بالسلم والا بالصميل

#عبدالواسع_صايل_الغولي

ماعد معك يالحلف الارعن فايده
الشعب ماحد بايضله مستحيل

لو كل جيش الكون لك متجنده
ما اظن تركع شعبنا الحر الاصيل

وصفنا واحد وامه واحده
والعز يا اهل العز في راس امصميل

#ابوهكام_الحشيشي

الجسم لاقد فيه دوده زايده
مورمه باتجعل الصاحي عليل

يستأصلوها بالنوايا الكايده
عند الاطبا بعدها راس الصميل

اما المنافق لو ندور قايده
مضمون باتلقاه لمريكا عميل

#أبوحسين_العصري

الزيف والتضليل سلعة كاسده
من ظنها سلعة نفيسة ذا هبيل

ما تنطلي في شعب مصدر رافده
من هدي ربي والملازم كالسبيل

الوعي ياهل الوعي ضربة جامده
تقصم ظهور الكفر والوغد العميل

#ناجي_القطيبي

لاعاد نفس المرتزق بتراوده
انّه يحقّق نصر من قولت وقيل

ردو على هرجه بكلمه واحده
اسكت وبانتحاور احناوالكفيل

قد به معانا له حكاوي واجده
وباينفذها رضا. والا صميل

#عزالدين_جحاف

قولوا لأصحاب القلوب الحاقده
شعب اليمن محروس بالرب الجليل

والله في كل المراحل قايده
نعم النصير نعم الولي نعم الوكيل

من رحمته هيأ مسيرة راشده
وحكمة السيد تداويك (ياعليل)

#ذوالفقار_سفيان

قل للممالك والملوك البايدهـ
عاد المعارك حامله كمن ثقيل

لان هذا الشعب ربي قائدهـ
نعم المهيمن والمؤيد والجليل

لازم يكون الوعي حاله سايدهـ
من اجل نتحتدا المنافق والعميل

#ابوسياف_البيحاني

هي واحده هي واحده هي واحده
مايردع العدوان ذا غير الصميل

فالكل يتجهز يحرك. يساعده
يبذل جهوده والنفس يبقى طويل

وكل مرجف ينتمي. للقاعده
ولا محرض يستعدوا. لرحيل

#علي_بن_علي_مسرع

لعنة عليكم يالعقول الجاحده
ما تعقل الا ضرب من عرض الصميل

آيات بعد الواحدة جت واحدة
هل تنفع الآيات في النذل العميل

ما حد يدور علم عند الشاردة
والحلف خضعي يستشير عند الهبيل

#ابتسام_شرف_المحطوري

لابد ما يُفضح وتُقطع ساعده
من به مرض ولأجل اسياده عليل

لايحتسب ان الرجاجيل راقدة
يقضه ويقضتها تواري المستحيل

في كل جبهه باتراها صامدة
مابيزعزعها منافق أو عميل

#ناجي_محسن_المحجري

يامرتزق ماشى معاكم فايده
ولاالعماله تنفعك عندالعميل

الشعب جاهزلك مشمر ساعده
يصبحك بارودويغديك صميل

انته بتجحت حق قوت الوالده
حق النبات والقشر والا الزنجبيل

#هادي_حسين_الرزامي

بالوعي والإيمان أمه صامده
مابايخلخلنا المنافق والعميل

دام الهدى موجود واهله واجده
ماباتزعزعنا اشاعات الرذيل

قولوا لأمريكا وجيش القاعده
هذا يمن ليمان والشعب الأصيل

#عبدالله_حسين_مسعود

الحرب كبرى والخُطا متباعده
والصهينه مشروعها عاده طويل

ربي فضحهم في القلم والمائده
الحق واضح والتراجع مستحيل

بالوعي با نفشل نوايا الكايده
فينا ثقه بالله والله الوكيل

#ابوشهيد_القطمي

راحت ليالي الناعمة و الباردة
وطاحت مكايد كل متغطرس رذيل

دام الهداية في بلادي السايدة
محال نسمع كل من ظل السبيل

لا تقفدوا النعمة بركض المايدة
ومن فعلها با يعيش عمرة ذليل

#شهاب_المتوكل

يادهر قل لاهل النفوس الفاسده
والمرتزق ذي وسط صنعاوالعميل

لا يحسبوا عين النشاما راقده
ويفكروا تفكير باشعال الفتيل

والله لايلقوا السيوف الحاصده
لرقابهم واللي لمحياهم تزيل

#عبدالله_بحنان

الحق واضح والمواقف شاهده
والسيد القائد وانصاره دليل

وامرأة (سلمان )بحمله واقده
في جيدها وعي المواطن والفتيل

اتباعها الكذاب وشله حاقده
ترجع من المنفذ بلا قصه وذيل

#ابوناصح_العزي

من سورة الاحزاب هي والمايده
سلاحنا من محكم القول الفضيل

وكيد المنافق هو و كيد الكايده
مردود في وجه العميله والعميل

ما دام وايدينا عليهم واحده
كلين من توه رضى ولا صميل

#الشاعر_ابوحيدر_عامر

الحق واضح والخلايق شاهده
واحنا علينا العار مانقبل عميل

دام الثقه بلله فينا زايده
بانسحق المندس والغازي الذليل

نقسم بفاطر والعلق وال مائده
والصف والانفال مانقبل دخيل

#ابراهيم_الشرفي

يا كل مرجف مـا مـع امّـك فايده
من زوبعاتك والصوايـح والعـويل

فاحـذر تـصـدّق كــل دوده زايـده
وَلَا تحمِّل نفـسـك الـحِـمـل الثقيل

وانّك تبى شـق الصفوف الواحده
(فالقتل والتعزير فـي حقك قليل)

#الشاعر_ماجد_عذري

والشعب واحدصف يتبع قايده
رغم انف الامريكي وانف الهنذويل

والنفسيات المارده والحاقده
على يمنا مالهم فيها مقيل

برق اليمن يزغف وحنحن راعده
ولجل شعبي بانكيل ونستكيل

#علي_العسكري_المكلي

رجال و اشبال المسيرة صامدة
متحصنه بالهدي و الوعي النبيل

ما ضرها ارجاف اليهود الكايدة
و بلبلات اعلامهم قالت و قيل

و شعب ابو جبريل هذا قائده
هيهات يتزعزع ثباته مستحيل

#الشاعر_ابوفضل_المتوكل

على كتاب الله ........وامه واحده
يخسو بني صهيون والفكر الدخيل

الزيف والبهتان نهج ......المارده
وما نراه اليوم هو اكبر ....دليل

كل الذيول الباغيه والحاقده
باتمتسح من كل شبر وكل ميل

#احمد_الشعبي

شعب اليمن كامل يتمم ساعدة
عند التخلخل يظهر الشعب الدليل

ماغير من نفسة رديئة فاسدة
تلقاه في حالة نخاسية عميل

يبتاع بيع الكلب عند الفايدة
ويرتضي بالذل عن عزة بديل

#كليم_النجار

مهما مكر حلف الغزاة الماردة
مهما زرع في وسطنا كمن عميل

تخسى قواهم والذي بيساعده
والشعب واعي ضخم مايقبل دخيل

اما الخلايــا ذي وسـطنا راقـده
محال تقلق امننا بالمستحيل

#ذولفقار_قوزع

حلف التصهين و النفاق والقاعدة
تخلخلو في أرضنا وصبح قتيل

زحفه وتجميع الكلاب الشاردة
خابت مساعيهم وخابت بصميل

كمن خليه ف المسيرة شاهده
بعد انقضاض الأمن وسقاط العميل

#ابواياد_المطري

الشعب شمر للمنافق ساعده
وبالهدى والوعي يتحدى العميل

وكل من مثل النعاج الشارده
اكيد ماله في اليمن غير الصميل

وكل خــاين بالشكوك الوارده
يا مرحبا به لاوسط شب الفتيل

#صفاء_الحرازي

يلعن ابوها كل دوله حاقـده
والله لانصمد وابد مابانميل

ضدالعماله والنفوس الفاسده
ضدالغبي سلمان وابنه والكفيل

وذي غزانا مستعد نجــاهـده
والله مانخضع جيلن بعدجيل

#ابن_دغشر_الشومي

مادام إبن البدر لشعبي قائده
ماهمنا غزوا التحالف والعميل

ومادام والأبطال زالت صامده
للأن ثامن عام شاهد بالدليل

نصيحتي يا أهل العقول الفاسده
عطف رحيلك قبلما يقرح صميل

#فاطمه_فقعس

الله اكبر نار حمراء مؤصده
بها نودي للمنافق وسط ويل

عاد الميادين فالبطولات شاهده
وأشجع رجل منهم يولئ بالعويل

بالمختصر ماغير كلمه واحده
أما سكتوا باالرضئ ولاالصميل

#شاعر_بلاد_الروس

ملعون من طبل ونفسه جاحده
باترتجم ياذاك من راس النقيل

ماتاب من له نفس عاشة فاسده
الثور يبقا ثور. والأهبل. هبيل

يامن خلق مبخوس أيش الفايده
اتسميه رجال وهو تابع. وذيل

#الشاعر_ابورصيد_المرهبي

دام المواقف و الاراء متباعده
والسلم اصبح باالتحاور مستحيل

الشعب فوض با الخيارات قايده
اما لهدنه او الى حربآ طويل

ذي ما تحقق في حوار المائده
الشعب قادر ان يخذها باالصميل

#علي_الشاوش

يا شعبنا وأقرا( دروس المائدة)
واحذر من التضليل لا تصبح ضليل

زيف الخلايا النايمة والراكدة
يبان و الأحداث والواقع كفيل

وذي رسالة للتحالف واردة
((مهزوم)) واقبلها رضى ولا صميل

#ابوالعباس_الرزاحي

مادام وبن البدر شعبي قايده
الوضع سابر واهتزامه مستحيل

نملك عقول وارواح دايم صامده
من المحال يحتلنا الفكر الدخيل

باقول كلمه خلها لك قاعده
قال المثل مايدخل الجنه عميل

#أسـامـة_المـعبـاء

بـ النــاعمة والســاخنة والبـاردة
بيحاربوا الشعب اليماني الاصيل

ويحــاولوا جعل الاوادم فاســدة
بلعهر والتضليـل والفكـر الـدخيل

بس شعبنا "عبدالملك"هو قايدة
قاده من القـرآن في خير السبيل

#الشاعر_نبيل_الجعدبي

شُهدائنا عند المعظم خالده
وقتلا التحالف لا جهنم لا بديل

ومصر لا رادت حطبنا واقده
وباب مندبنا دخوله مستحيل

حتى ولو تُفتحلهم الاعمده
لاكن خروجه وعد أن يخرج قتيل

#ابوهاجس_الشومي

يامرحبا من عاد حلفه وارده
يرحب على نيران لاكباده تشيل

في شعبناء ماغير ضربه راعده
تنعش اخر عرق في أرض السبيل

الكفر والتضليل. وجب انجاهده
ونكافح المحتل والغازي العميل

#أبوصخر_الجوحمي

ياشعب وحذر من سموم البارده
اخطر وسائل تنتشر عبرالعميل

نعرف جميع الوارده والشارده
في كل اراضينا نبلغ بالدخيل

لابد نتمعن دروس المائده
من اجل نعرف مكرهم في كل جيل

#ابورعد_مصلح

شعبنا افـشل خـلايـا فـاسـده
بفضل ربي اكتشف كيد العميل

شعب واعـي حـر شمر ساعـده
وصد كيد التحالف واذليل

عاد النشام في الميادين صامده
وعاد النفس فينا طويل

#الكرار_المشراقي

في ارضنا واللــه مـاهـي وارده
قل ابن زايدوبن سلمان العميل..

شعب اليمن للحرب شمرساعده
للقدس نضرتنا وغزة والجليل..

بانقـلـع الغــــذه ودود الزايــــده
والقادم اعظم بلغ الفكرالدخيل

#إيمان_الانصار

جباهنا لله عادي ساجده
واحنا نسبح ربنا الحق الجليل

وعدونا جا بالكلاب الشارده
لكن ربي مبطل الفعل الرذيل

واحنا ضروري نوقفه ونجاهده
غازي بلادي كيف نبقى له وسيل

#فارس

صنعاء عصيه والمسيره خالده
محال للكفر والباطل تميل

قل القوى المتامره والحاقده
وذنابه الانذال من منافق وعميل

شعب اليمن للحرب شمر ساعده
وللخلاي أنايمه صبره جميل

#يوسف_غاشي

ياشعب كن مثل السنين الشاهده
في الوعي والتسليم والصبر الجميل

وجني ثمار التضحيه والفايده
لمواجهة كيد المنافق والعميل

ابواق لشيطان شله كايده
يحاولو تمزيق شعبي مستحيل

#مختار_البحري

كل اليهود الي علينا حاقدة
تستخدم التضليل في حرب الاصيل

عجزوا في الميدان اتوا بلباردة
سواء سواء تبحث لموتك ياعميل

ماحربنا إلا ذل حروب الواردة
ضد النعومة حربنا يلصي الفتيل

#الشاعر_يوسف_الحداد_ابوحيدر

لي منعكم ياهل العقول الراشده
ياصانعين بالله كل المستحيل

نهجم على العدوان هجمه واحده
ندق طبل الحرب ونشب الفتيل

البادره نصدها بالــــــــــواقده
والوعي والايمان جيلا بعد جيل

#عماد_النهاري (ابوسجَّاد)

العـاصـفـه والنـاعمـه والـبارده
صارت قواها بين مجروح وْقتيل

امام هـذا الشعب مابـش فايده
وفي شهر ديسمبر لكم اكبر دلـيل

لا تحـلموا يٱهل النفوس الفاسده
تحققوا حـاجـه وهـذا مستحـيل

#حسين_القيش

من آل عمران نعتصم والمائده
بالله والقرآن منهجنا الأصيل

نركب سفينه سبط طه قايده
نرفع شعار الحق جيلاً بعد جيل

قل للخلايا والنفوس المارده
الويل منا للمنافق والعميل

#ابورائد_السعدي

قل للمنافق ريحته متزايده
بالحرب يفشل والنفاق اقرب سبيل

العفو منا مابقي له فائده
باتصبح احلام السماحه مستحيل

ذرات علم الوارده والشارده
تحت الرقابه صبح وظهيره وليل

#ابو_يحيى_الشوكاني

بالوعي والايمان امه واحده
بقيادة ال البيت والبدر الاصيل

نبقاء معه نبذل دماناء واورده
هيهات نتراجع ولا عنه نميل

باس الله الجبار جبهه صامده
والامن بالمرصاد للحلف العميل

#ابوفتح_الاشول

وجهين في عُمله وخُدعه قاصده
تخدع لمن عاد الهُدى عنده ضئيل

ما فاد شيطان الرياح الراكده
والبارده تفشل على نار الغليل

اهل الخيانه كل جثه هامده
ما هي تضّر الجسم والروح الفضيل

#الشاعر_ماجد_القادري

شعب اليمن والعز دائم قائده
مايقبل الذله ولا حتى العميل

لازم صفوف العز تبقى واحده
وربها بالنصر في الدنياء وكيل

يمين مانختل وكلمة صاعده
يبقى دروب النصر جيل بعد جيل

#ابوهادي_صيفان

يالعن ابوتلك الوجيه الفاسده
الحاقد المحتل واذناب وعميل

شلة بني صهيون هي والقاعده
ذي شوهو الاسلام باالدين الدخيل

واجب على الامه تكون مجاهده
وتحصن الااجيال بالدين الاصيل

#ماجد_النوعة

مهما فعل حلف اليهود الحاقدة
مع اليهودي والمريكي والعميل

فالشعب واعي بالحروب الفاسدة
والشق في صف اليمن ذامستحيل

با تخسروا منه ولا به فايدة
لانه مع رب العلا نعم الوكيل

#أبوأيمن_رقبان

عجزت ياحلف الرداء والشارده
في حربنا مابش معك غيرالرحيل

وشعبنا صامد وعزه قاهره
يدعس على خشم المنافق والعميل

لااقدرت في الجبهات او في البارده
نكل بكم شعب اليمن في كل جيل

#عمار_حاشيه

قال المثل ياالنايمة والباردة
من نفس ماكال المكيّل يستكيل

ذي مايريد العز ماهو واجده
من مد يده للعدا صبّح ذليل

شوفوا الشواهد والتواريخ شاهده
واقروا نهاية كل خاين أو عميل

#مناع_شريم

فك الحصار والحرب كلمه واحده
فلا نباحك بايفيدك والعوايل

ما نفعتك داعش ابد والقاعده
والشعب جاهزه باالمسير والصميل

دم الشهيد والتضحيات الخالده
ووصايه الخارج ترجع مستحيل

#ابوشرف_خولان

كم ياشلل في عاصمتنا واجده
وفاالقرى شغال في قالت وقيل

البعض منهم مامعه شي فايده
والبعض خايف لايقع له باالصميل

لكن رجال الامن ماهي راقــــده
ولجاننا وإحنا نتابع كل ذيـــــل

#الشاعر_زياد_زيـد

نقسـم بــ فاطر والفلق والمائده
مانترك العدوان والحلف العميل

ياويـل مـن للمرتزق بي سانـده
يصلانقيع الموت بسيف الصقيل

لازم نـإدب كـل قــوه فــاســده
وغير درب الـعز مانرضى بديـل

#ابوكهبوب_المشراقي

منهار حلف اشر منهار مثل فرعون
جهنم بحرهم بايصبحوفيها ضحيه

تحرق قواهم ويحرقو بكرتـــون
وامريكا واسرائيل راس العــنــيه

الموت ثم الموت لهم مضــمـــون
في الاارض ماتبقا رايتهم منـتهيه

#ابوالفتح_الجرادي

حرب العدو راحــت واخـرا وارده
ابشع واخطر معركه تشعل شعيل

تقودهـــا شله شياطــــين مــارده
مهامهم افساد ومـن هذا القبيــــل

هدم القيم تدجين ضربه جـامـده
الناعمه تئثيرها فـــــاق الجِلـــيل

#ابوعلي_جعفر

يستهدفونا من طريقه فاسده
كمن يهودي كلب متغطرس عميل

لاكن بوحي (القارعه) والمائده
نفشل جميع الغزوا واذناب العميل

وشعب اليمن قادم وسيدي قايده
يحرر العالم ولاشي مستحيل

#الشاعر_ابوفاطمة_الشريف

النهج واحد والقضية واحدة
ومن اجلها بانصنعك يالمستحيل

و قلوبنا متالفه متوحده
ولن يفرقنا منافق او عميل

ويالعن ابو منهو يافلت قايده
عبد الملك ذاك الاصيل ابن الاصيل

#علي_الشويطر

قد قلت لك من قبل مابه فايدة
ومس أمن الشعب اكبر مستحيل

لاتركض النعمه سع اهل المايدة
ذي ماقبل بالحق فالباطل بديل

ثنتين وانت اختار منها واحدة
اما حياة العز او تقتل ذليل

#ابوحرب_العتب

الشعب متجهز لهم في مصيده
تصطاد من قلبه مريض وإلا عليل

الويل ثم الويل له من عانده
ذاشعب الانصارينتصرجيلا بجيل

قولوا لأمراض القلوب الحاقده
ياويل من يخرج رجوعه مستحيل

#أبوهمدان_المعتكف

قلنا لكم هي بس كلمةواحدة
شعب اليمن في الوعي مابش له مثيل

مرت عليه احداث كبرى واجده شاهدة
تثبت بأنه للخيانة مايميل

مع أبوجبربل شمر ساعده
في سلم أو في حرب جيلا بعد جيل

#شبل_شدا۽

حرب العدو شامل ومنها البارده
والكل مستهدف يودولو نميل

بالله والسيد ثقتنا زايده
مابا يزعزعها منافق اوعميل

خايب وخاسر مامعاهم فايده
فاشل رهانه والتقدم مستحيل

#الشاعر_أبوزيد_العابص

ذي مانجح بلعاصفه والقاعده
مابايحقق له هدف سبله وذيل

مادام صنعاء واليمن متحاشده
باتخرص أبواق الفتن وأضرع سهيل

مافايده مافايده مافايده
والبدرمتحزم على السيف الصقيل

#أخت_شهداء_البكالي

الشعب واعي والحقايق شاهده
منها تخطينا حدود المستحيل

ثمان والانفس لدينا صامده
نبقى على درب التفاني مانميل

مكشوف الاعيب الخلايا الحاقده
ريح العفن فواح من كمن عميل

#علي_عقاب

ياهل العقول النيره والواكده
اتبينوا نقد المنافق والعميل

بعد الهزايم ذي تلقوا جامده
صارالتحالف يدعم النذل الذليل

عبرالتواصل بيشمر ساعده
واحنا مهمتنا التصدي للدخيل

#الشاعر_ماجد_غانم

فعل المحرض مثل فعل القاعده
نفس العبوه يختلف نوع الفتيل

اجرامهم واحد ويتلقو (اوامر) واحده
تكتيك امريكي تمثل بلمنافق والعميل

واليوم للفرقه بيسعو واشواهد شاهده
عبر والمدهده والمئرجف والذليل

#ابوبراءة_الديلمي

جند اليمن هي خير جند امجاهده
وانصار ربي دايمآ هم خير جيل

لا قد غزوا مثل الوحوش الوافده
تزيل صهيون اليهوديه تزيل

باالمختصر امه عظيمه زاهده
ولا غزتهم تشعل الدنياء شعيل

#ابـومـازن_الـرازحـي

رهط العمالة في اليمن كالزايده
ان ما نزعناها فبا يبقى عليل

لا فرق بين الحامية والبارده
ولا المحايد والذي شب الفتيل

تُكنس جراثيم الرموز البائده
وأي مرجف.منتهج قيله وقيل

#ابوموسى_الشيخ

شعب اليمن رجاله مجاهده
ماعاد منا من منافق عميل

في اليمن حقيقه ودايم وراده
علاج من لا يوبع براس الصميل

من ززع الصف لفتنه راقده
نسكر له الرس وهاذا قليل

#بشار_عباس_الشومي

هذا اليمن لا زال كلمه واحده
يدآ بيد في كل خطوه لا يميل

قولوا لأمريكا وحلف. القاعده
مابا نفرط لو بذلنا المستحيل

يا اهل العماله والعقول. الفاسده
أعمالكم بانت على الشعب الأصيل

#محمد_محمد_زيد

الله اكبر يا الرجال البارده
ذي ما لكم نخوه ولا فيكم جميل

الشعب يقتل والجرايم واجده
قتل النسا والطفل يا كمن عميل

لا كن علينا العار معذر نبعده
من ارضنا با الغصب والا با الصميل

#يوسف_غايب_الرازحي

بفضل ربي والقياده الراشده
لا تحلم امريكا ترا شعبي يميل ،،،،

قد شاف كيف انا اقتلعنا القاعده
وكيف داعش طاح في صبح(ن) وليل،،،

أمة عظيــمة صابــــره ومجاهده
لن تنخدع للكفر والفكر والدخيل

#ابومشعل_ذويب

اقسم بطـٰـه والفلق والمائده
إنامع السـيدولايمكن نميل

لويزحف العالم بقوة حاشده
يامصرمايستلم الشعب الأصيل

واتخبراجدادك وقل للوالده
تخبرك عن قبر جدك ياالعميل

#ابوحزام_سامي_المضري

والله مانخشى الـعداء المتكايده
كلا والا نخضع فهاذا مستحيل

متوقعين الشـــارده والــوارده
على مداءالتاريخ جيلن بعد جيل

عاش اليمن شامخ وعبده قايده
وكل خاين فيه بادمه يسييل

#الشاعر_عمر_الأهدل

قولوا لبعران الخليج الجاحده
ذي طبعت بالجهر مع إسرائيل

الشعب هوه ملتف وكلمه واحده
إبشر بعزك سيدي بُو جبريل

والداعشي والمرتزق والقاعده
احنا لهم في المعركه عزرائيل

#عدنان_ سالم_الذويبي

كل الحروب الي علينا وارده
من كيد امريكا هيا فعل الذليل

مابا تمشيها علينا المارده
لو ينتهي من بعدنا 50 جيل

البارده والقاسيه والحاده
با تقتلب فوق اليهودي والعميل

#ابو العز_سعد

الشعب واعي والمـواقف شاهدة
عـلـى صمــودنا وذى أكـبر دلـيـل

مـا تـزعـزعنـا الا كـاذيب الواردة
من خادم امريكا العينه واسرئيل

ودروسـنا مـن التـوبة والـمـائدة
كيـف نتزعـزع هـاذى مستـحـيل

#صدام_شايف_الغولي

بفضل ياسين والقلم والمايده
نكشف بقايا حزب الاصلاح الهبيل

مادام ابو جبريل شمر ساعده
مابش قلق من اشاعات الذليل

#جبر_المسعدي

الله يصيب اهل النفوس الحاقده
ذي دقو الوحده وباعو لارخبيل

وفرقو بين الولد والوالده
ولقو جليله فارقت عبدالجليل

قولو لهم بالمختصر والناجده
لايمشي القتال في نعش القتيل

#ناديه_السقطي

هيهــات افكار العدو الجاحده
تنـال من شعبي اليماني الاصيل

جبـــهه يمــانيه قويه رائــده
ماخلخلوها من عصور الكربئيل

بالوعي باننهي العـــدو ونبالده
مهما اختلفنا قط لايمكن مانميل

#صالح_حسين

بعض البشر ياخوي نفسه شارده
للكذب والبوره ونكران الجميل

اكسر لقوفه بالكفوف الحاده
كمن ردي لوما جسد راسه يميل

اذناب يتفشو وعيني بارده
ان البلا والوقت فضاح الذليل

#الشاعر_علي_الوزير

الصف واحد والمسيرة واحده
قل للمنافق لايكثر في الطبيل

ان وده يهدي فقـدهي واهـده
اماالخبل ماله علاج الاالصميل

ذي خرج اذناب اليهود الحاقده
لاربع خالي عُرض من راس النقيل

#ابومصطفى_الرضي

مرضى القلوب واهل النفوس الحاقده
اداة امريكا الجديدة والبديل

بعد الفشل للجنجويد والقاعده
وسرب صماد فعل الخط الطويل

الشعب عارف للفلول الفاسده
ومستحيل بايرجعوا بعد الرحيل

#ابوعلي_البريهي

مارالت النيران تظهر واقدة
تحت الرماد وربنا شاهد وكيل

واليوم تنفخها الكلاب الشاردة
أبواق أ م ريكا لإشعال الفتيل

وبيننا بالسم هم كالزائدة
لو تنفجر ياشعب باتصبح قتيل

#إتحاد_الشعراء_والمنشدين