|
المجاراة تحية من الشعب اليمني بقيادة السيد عبدالملك الى غزة وأهلها الابطال #أبو_عبيدة_يحيي_اليمن
البداية #سلطان_خضران
أبوعبيدة يحيي شعـــبنا فى اليـــمن
واحنا نحييه في غزه وكــل اهلها
ونقول ماقــاله السيد لــهم فى الـــعلن
ان (لستم لوحدكم فالحرب واحنا لها)
#بندر_السقاف
يسلم ويحيى مخفف ضيقنا والحزن
صوت الاباء والشجاعه والشرف كلها
انتم وشعب اليمن روحين داخل بدن
ضل العلم ذي توفي كلمته فعلها
#ابوالمازن_الشريف
تحية الشعب والقايد وكل الوطن
لابطال غزه وقادتها عدد رملها
نقصف عدونا ونقطع خط سير السفن
وامر الملاحه بايدينا طرف حبلها.
#الشاعر_جبر_المهدمي
وقفة مهابة لغزة قف لها يازمن
وارفع تحياتنا لها ولاابطالها""
وابوعبيدةنقُله دوس واحنا معاً(ن)
في صف واحد على اسرائيل واذيالها""
#ابوصالح_العملسي
يا مـــــــرحبا مرحبا بالشاعر المؤمن
والشعب الأنصاري اصبح مضرب امثالها
قـــد كــــلشي لاهنا يا اصحابنا بيّن
والـــمــــعركة بيننا من شالها شالها
#ابوعيسى_هيسان
عليكم ازكــــــى التحيه عد ما الرعد حن
من شعب الايمان واقحاح العرب واصلها
منّا وفينا اهل الغـــــــــزه حرب ولا هِدَن
وويلها امريـــــــــــــك واسرائيل ياويلها
#هادي_حسين_الرزامي
يستاهل الشعب تكريمه بهذا الزمن
لأنه أرعب طغاة الأرض وانذالها
شامخ شموخ الرواسي رغم كل الفتن
ماهزته قوة أمريكا ولا اهوالها
#ناجي_القطيبي
ابوعبيده تحدّث بعد سيدي حسن
عن العروبه وقال ان اليمن اصلها
القدس ارض العرب مهما يكون الثمن
والمحور اليوم كلّه مجتمع حولها
#ماجد_المطري
يابو عبيدة تحيه من رجال اليمن
والموت نهديه لاsرائيل يوصل لها
نرسل لغزه سلام ارواحنا والبدن
ولاجل غزة سيوف الحرب نستلها
#الشاعر_أخوهيثم_نضال_حُميد
باسم اهل مأرب وباسم احفاد بن ذي يزن
سلام يملي فلسطين الإباء كلها
بالروح والدم نفديها ونعلن علن
إنا معاها نقاتل من رضي قتلها
#صالح_النقيب
نحيي احرار يحمو دينهم والوطن
مواقف العز هي تضرب عليها أصلها
طوفان وصل رساله عاجله للخون
والبحر الحمر متى جات السفن شلها
#علي_الشعيثي
تحيت السيد القايد وكل الوطن
لبوعبيده وارض القدس وبطالها
وحنا لها لاترجع مننا لاوهن
لو حلقت فوقنا اسرائيل وذيالها
#عدنان_جحوح
لبو عبيدة ومن كانوا معه يا زمن
ابعث تحية من الجبهات ورجالها
والله ما نقبل الصهيون والممتهن
يدخل بغزة شبر وحنا على رملها
#ابواياد_المطري
احنا معاكم سوى في حرب والّا هُدن
وشعبنا كم لعن للصهينه شكلها
لن نترك القدس والاقصى وكلّا ولن
نفرّط اليوم في غزه وفي أهلها
#اشرف_الحسني
تـحـية السيد القايد وشـعـب اليمن
لابـوعبيدة ومـسـرى المصفى كـلها
ياغزة العز ما نرضى حياة والوهن
واجــــب نـحـرر قضيتنا ونثأر لها
#الشاعر_ابوجهاد_صبر
صحت لسانه وروحـه والجسد والبدن
ابو عبيدة ذي اقــوالـه خـطــر بالها
والله يحيي اليمن والشام طول الزمن
ويحيّي احـرار عـافـت عيشة إذلالها
#الـكـرار_الـعـقـيـبـي
سلام باســــم القياده وشعب اليمن
لبو(عبـيده) (وغــزه) (وكــل اهلها)
لابــــد مايـدفــع آلآحــتـلال الثمــن
ياويل (خبير) من (الكـرار) ياويلها
#رفيق_ابو_علي
لله بعنا جماجمنا وبعنا البدن
نقول مـوتً لاسرائيل واحنا لها
صنعاء وغزة سوا بلادنا والوطن
مانختلف عنها وحـــالنا حالها
#مختار_البحري
منهوا مع الله حنا له طوال الزمن
ارض اليمن جاهزة والحرب نزههه لها
ابناء قريضة ضروري يدفعون الثمن
تستبشر القدس بكرة نكسر اقفالها
#الشاعر_جلال_السكري
مشكور يابوعبيده مننا دايمن
هذه رسالة تحية مننا شلها
مواقف ابطال غزة باتعيد الزمن
لاعهد خيبر وتكسر كامل اقفالها
#مقبل_جرام
صنعا وغزه كما روحين داخل بدن
بانصرخ الموت لاسرائيل ونذلّها
نبقى وتبقى مواقفنا بطول الزمن
مع فلسطين حتى دحر محتلّها
#عبد_القادر_داود
بـقـيـت يا ابـو عبـيدة ما تبقى الزمن
وما الصـواريخ في قلب العدو نصلها
يا روح من روحنا صنعاء و غزة بدن
لا صاب غزة أذى صـاب الـيمن كلها
#ابـومـازن_الـرازحـي
الشكــر للـه، يـا قســام ولـه الـمـنـن
ولكم تحيـة، يتـرجـم قـولـهـا فعـلـهـا
وشعب الأنصار بقيادة، حفيد الحسن
متحمِّـلـيـن القـضـيـه، رغـم أثقـالهـا
#الكرار_المشراقي
سلام من موطن الانصارعبر الزمن
الى فلسطين من ارض اليمن شلها
على خطا القدس بانمضي معاابن الحسن
نحرر القدس وندوس انف محتلها
#ابتسام_شرف_المحطوري
تحيه من احفاد لانصار لمن لها القلب حن
أرض العروبة فلسطين من اليمن ظلها
احنا لك الــدعم والاســـناد ســـر وعلــن
وماعاش من يتركك آه في الدنا كلها
#مناع_شريم
اصدق تحيه وموقف عبر هذا الزمن
من اليمن خاص الى غزه وابطالها
صدق بوعده ابوجبريل هوالمؤتمن
زلزل عروش الطغاه وحطم ارتالها
#ابوبدر_ذيبان
صنعاء للاقصى عضدها في جميع المحن
واحنا لارض القداسه جندها واهلها
تحيا فلسطين حره مايفيها ثمن
والموت حايم على صهيوني احتلها
#أبوخارف_ابوشوصاء
من أرض لنصار موطن سيف بن ذي يزن
مهد العروبه وكل الكون يشهد لها
نرفع تحيه لغزه رغم جور المحن
سلام ربي على غزه وابطالها
#ابوكنعان_الروس
حيا دنينك وحيا منطقك والشجن
يانبض غزة وسيف القدس ياأصلها
صنعاء لك الزاد والامداد وايضا سكن
وشعبها هم سنادك في حماء هولها
#ابوحمزه_المقاش
صـهـيـون صـيـده وصـيـد الـمكـر هو والفـتـن
من عـاش مـديـون لامـريـكـاء فـهـو نـجـلـهـا
انـصـار يـا قـدس نـتـزيـن بـحـب الـوطـن
ونـحـب غـزه ونـعـشـق في الـوغـاء رمـلـهـا
#محمد_الاخرم
مع فلسطين ما تعرف هممنا وهن
وغيرنا بالشــــذوذ المـــختلط فلَهَا
قد قال بسام يبقى الممتهن ممتهن
من خاف درب المعزة قول له خلها
#ابوفتح_الجرادي
حكمة وايمان انصار النبي في زمن
اتحالف الكون ضـدّه والدول كلـها
واليوم هيـــهات نتـراجع وكلا ولن
عن عهدنا يـافلسطين الأبا واهـلها
#أبوحسين_العصري
ما احنا من اللي يقدم لأهل غزة كفن
ولا من القوم ذي خان الدما و آلها
قضية الكل الأقصى من قديم الزمن
والدم والحال واحد حالنا حالها
#ابومحمد_سحار
الله يحييك ياناسف عباد الوثن
ازكى التحيات من ارض اليمن كلها
انتم هم احنا واحناانتو وكل الوطن
واحد ونفس القضيه كلنا لاجلها
#عبدالقوي_البطل
واحنا فدى القدس والاقصى وغزة ولن
نشوفها وحدها بتصارع أهوالها
لو نبذل الارواح والانفس لها اغلى ثمن
وندك جند الكيان ذي قتل اطفالها
#ابومحمد_المهذري
غزه جسد واليمن روح الجسد والبدن
ترخص لها ارواحنا ونموت من اجلها
يشهدلنا الوقت والتاريخ طول الزمن
ان اليمن للعروبه اصل واحنا اصلها
#أبوصخر_الجوحمي
كل التحيه مع الاجلال منا اليمن
بقيادة السيدالقائد وترسل لها
تهدى الى غزة الاحرار اعظم وطن
في التضحيه والاباء برغم مانالها
#ماجد_عبدالله_القادري
غزه اليمن ثم فلسطين اليمن
هي تعتبر منا واحنا بالعباره منها
الروح واحد والجسد ثم البدن
ياابوعبيده والتحيه قالها أبطالها
#ابوالعز_القيدله
واحنا معه والقسم بلله طول الزمن
والقدس والله نقسم مانفلت لها
والبحر الاحمر بفضل الله صاد السفن
عاد البشاير قريب ماقل توصل لها
#طه_الرازحي
ازكى تحايا من الشعب اليــماني عــلن
با القايد الــــحُر ابو جــبريل مِرسالها
لابطـال غزة سرايا والكـــــتايب مــعاً
لي ينكلوا بالعـدو فيــــــها وما حولها
#الشاعر_أبوعزام_الشامي
مـليار تحيــه ترسم في جـدار الزمن
لأهـــل غـــزه بأحــرف نور توصلها
من اليمن موطن الحكمه ووئد الفتن
وسوف نحرر فلسطين ممن أحتلها
#ابو_احمد_العفيف
مني ومن لسن ابوجبريل شهم الزمن
نـرد كل التحيه نحو من قالهـــــــــــا
والله يابـــــــو عبيده مايجينا وهــــن
في نصرة القدس وفلسطين وابطالها
#ابوطه_الروس
حُييت يابوعبيده من رجال اليمن
تحية السيدالقائد لكم خصها
نحن انتم وانتم نحن واحد معاً
نحرر القدس والاقصى وماحولها
#الأشتر_هادي_الرزامي
يا من تخلا عن الأقصى فأحنا اليمن
با ننصره هو وغزه دام واحنا اهلها
السيد القايد الكرار أعلن علن
بالموت لمريك واسرائيل جا فعلها
#إسحاق_اللكومي
والحرب عند اليماني من قديم الزمن
سهله ونـّزُٓه وشعب الـــــعز قد شا لها
وغزه اليوم مـاهيه وحــــدهاء لآ ولن
احناء معاها وابن الـــــــبدر قد قالها)
#ضبيان_فرحان
بأرسل تحية عزيزة من ربوع الوطن
توصل الى القدس والضفة وما حولها
والمبتدأ بأهل غزة ثاني اطهر مدن
ذي نكلوا بالعدا بالرغم ما جالها
#ابوجبريل_ شريف
من اليمن للكتايب والسرايا معا
سنقتلع غدة الاجرام من اصلها
وقالهاقائدالثوره وقالهاالسيد حسن
تمادت اسرائيل في الاجرام في فعلها
#الشاعـر_ابوكـيان_الجـابـري
شـعــب اليمن شمَّــر من اعماق المحن
نـحـو القـضـيـه لأجـل غـــــزه لأجـلـهـا
سـارع بِـمَا وَصَّا الحـبـيـب الـمـؤتـمَـن
يابو عبيده ذَوِّب اسرائيل وامحِي نسلها
#مقبل_العماري
ابو عبيده مـــع(السيد) وسيدي حسن
نالوا شجاعه من الله مـــــــاحدا نالها
رغم الجروح العميقة والوجع والمحن
قاموا بشده و خاض الحرب واهوالها
#نشوان_همدان
بسم المسيرة وقايدها وشعب اليمن
أزكى التحايا لغزة قُمت بـ ارسالها
(لا تبتئس)يالفسطيني بفعل الخون
(إني أنا أخوك) وابو جبريل قد قالها
#إتحاد_الشعراء_والمنشدين
في الجمعة 24 نوفمبر-تشرين الثاني 2023 07:49:45 م