|
نقسم بمن قــــال (لا اقسم بـهذا البـلد)
لو يومه اهدر دمــــانـــا والعظام اسمله
صباح جمعة صبــاح السبت ولا الأحـد
نهاية العــــــــــام ولا اول سنـة مقبــلة
لا نوصله نوصــله يبعد وكــم مـــابتعد
يبعد وكـم مابتـعد با نــوصــــله نوصله
ما يضبط النفس مهدور البـلد والجسد
ولا مـــــدوّر وطــــــالب حق بايبــــذله
للقنبلة يــاضعيف النـفس مفعول اشـد
انت اضبط النفس وانـــا اوقـت القنبلة
لا اتفجرت نـــــارها مــاتـخمـد الا وقـد
عالي كيـان اليهود الغـــــاصبين اسفله
حتى ولـو وسّعـوا مشروع نشر الغــدد
معنــــــا لمشروعهم مشروع يستــاصله
طال الامد يابني صهيون طــال الامـد
عزران حدد مسـار القتـــــل والجنــدلة
والاخـره وعـدها وعـــد الــــذي لا وعد
يوفي علــى الوعـــد ماتغــيــر ولا بدله
اذا اول السيـل طوفان اكتسح كل سد
في اوسطه صوت صيحة واخره زلزلة
لمثل ذا اليــوم قابلنا الجـــلــد بالجـلـد
والصفعة المذهــــــلة بالصفعة المـذهلة
لمثل ذا اليوم كم في كــل مرصد قعد
مؤمن مسبّــح ودسّم شــــاربه جـرمله
لمثل ذا اليــــــــوم ضحـينا بكمـن ولـد
هذا ارسـل ابنــه وهـــذا جثـة استقبله
لا حربنا السـابعة والتضحية فـي صدد
لقصى وهــذا الهـدف من حــربنا الاوله
من طـــوْر مـــران ذي رتب وجهز وعد
الموت صرخة شعار الموت في مجمله
ماضي زئير الاسد حاضر شموخ الاسد
مستقبل احــرق على صهيون مستقبله
لا ما اصبح اليوم كــابوس العـدو الالـد
وحيث مــايثقفه فـــي الارض بايقتــله
يااصل العرب يانواة العـــز عن معتـقد
يامنبع الـدين الاســـــــــلامي ويامنهله
العــار هو والعقيــــــدة والـعروبة طـرَد
واسلامنـــــــا ماسلم من لعنة المـرحـلة
سوْها القود امس واثنوها عيـال القـوَد
قبحهم الدهـر والتــــــــاريخ والمزبــلة
جــانب امِن منه الملعون..ملعـون جــد
الذل في الـــــدم والجينات متــــأصلة
من ضعفهم كـل ما طرفه تكحــل رقـد
واحنــــــــا نكـــدّر منامه كل ما كحـله
عتاد مثل الهبــــاء واعداد لاكـــن بــدد
غربال الاحـداث غربـــل زيفــكم غربلة
توِدّوا الخيــر لسرائيــــل ذي مـــــا توَد
الخيــــر لحَّــد و هيــهات انـــــها تفعله
معقِـدين المسائـل ماتـفكــــــوا عقـــــد
مكبِلين النـــقاء من جيـــــــــز من كبّله
منكِدين المعـــــايش ماتــزيحـــوا نكـد
حلولــكم نفسها تشتي لـهــــــــا حلحلة
انتوا لكم يـــد في تقيـــيـد غــزة وحد
مع العدو بس مـــاتغزوه قيـــــــد أنملة
واحنا بلا حد جينا القــــــدس يداً بيد
والـدم سا بين غــــــزة واليمــاني صلة
ياصاحب الراية الخضراء عدوّك سجد
ومرحب الخيبري ضايق على حــرمـلة
عِد المنــــــايــــا ورسلها لخـيبر عـــدد
مادام ساعي بريدك (ذوالفقــار) ارسله
قفّل بمندب مضيق الباب ذي لا اتصــد
بـــــايفتــح النصـر بوابـــــــاتــه المقفلة
نكّل وشرّد بهم واقضي علـى من شرد
وشد حبل المسد في جيــد من يجهله
الثـــــار للدم والدمعه على كــــــل خد
ومثلنـــــــا يمهل اخذ الثـــــار ما يهمله
مدد مدد يـــــافلسطيــــن الحبيبة مدد
ينفذ بسلطان دمعة مثـكــلة وارمــــــلة
اليوم بالطايــــــرات وبالكــــراعـات غد
مشاه فــي مابدعنـــــــا فيـه نستــكمله
يا ونتصرنـــــــــا لمضلـومية المستـَــبد
او انتصرنا وغيــــر النــصر مــــــا نقبله
الغيـــر وارد فــي الجمهوريـــــة لا ورد
في القدس فحنـــا بلا غيــرة ولا قبيلة
احنـا السند والمدد وأهل المدد والسند
والمرجله ثــم مـــــاادراك ما المــرجــلة
فزعة مع مؤمن استنجـد وهو مضطهد
تمسح وتحــرق على شانه بـلــد بأكمله
وكــــــل ماســــــار بالقوه فلن يستـــرد
الا بقــــــــوة تشـــــــله غصب ما تسئله
وذي دمه كل ما الاقصى ينــــــادي برد
باتشعل النــــــــار فــي داره ولا تشعــله
اعصاب الاعراب تبـــرد لا الوطيس اتقد
في القدس وعصابنا تحرق من اجله وله
هـم فرطوا فيه هم وتخـاذلوا لا الابــــد
واحنا ابد لـن نفـــرط به ولن نخـــــــذله
#إتحاد_الشعراء_والمنشدين
في الإثنين 27 نوفمبر-تشرين الثاني 2023 10:22:30 م