ضيف الله سلمان

المجاراة بعنوان الشعب اليمني اوفى شعوب الارض وانبلها لم يكل او يمل عن نصر المستضعفين في #غزة

البداية #أبويوسف_القاري

الله له من شعب ماكل أو مل
ايمانه الايمان والصبر صبره

مازاغ عن غزة والأقصى ولاضل
عن نصرها ونعم بالانصار نصره

ولاحنى راسه للأعداء ولا ذل
لوالثمن في نصرة القدس قبره

#ضيف_الله_سلمان

اوفى شعوب الارض واشرف وانبل
واعز واكرم شعب لله درّه

شديد ما يقبل بخاين ومحتل
وقايده مقدام والعصر عصره

يشهد له التاريخ في الصف الاول
كل القضايا شلها فوق ظهره..

#هادي_حسين_الرزامي

أنا أشهد انه شعب مؤمن توكل
على إله الكون في كل أمره

ماخاف أمريكا وربي تكفل
بعزته رغم التآمر لقهره

واصل جهاده للمواقف تحمل
ولا خنع لحروب وحصار ضره

#ابوناجع_المنبهي

الكل في طوفان الاقصى تغربل
وبان لي ينفع من اللي يضره

حتى موعض أمس ماعاد قبل
لي كان يخشع بالصلاة الف مره

عاش اليمن واعظم قياده وأنبل
اللي لهم صوله وجوله وكره

#جميل_الكامل

حاشا وكلا قط للضيم يقبل
وما يسيئ الناس حاشا يسره

عاقل على اهل الضيم يجهل ويجهل
صالح يعوذ الشر من خوف شره

جاهز لأجل الحق يقتل ويقتل
يبذل صنوف الخير ويكف ضره

#الشاعر_فرحان_السلامي

هـذا اليمـن من فـزعتـه ينتـج الحـل
وفـــاه يتحـــدا ضـروفـــه و فقــــره

يوم الغضب في ساحة المرجلة طل
أنـا اشهــد انـه شعـب مـا قــل قـدره

تـاريـخ يتعظـم علـى الـدهـر مـا قــل
بحكمــــة القــايــد و تكتيــك أمـــــره

#ابوعيسى_هيسان

اي والله انه شعب لاقال يفعل
مايرعبه ذا الكون قِلَّة وكُثره

اذا برز يبرز ولا شلها شل
وحضرته وقت المهمات حضره

على الشرف والعرض يُقتِل ويُقتَل
وبايظلي هكذا طول عمره

#ابوجابر_صبره

كنا ولا زلنا للإخلاص (معمل)
في كل وقت وكل جوله ومره

ما نهمل الإسلام اذا غيرنا اهمل
نقدسه ونعظمه حق قدره

فاذا به اي انسان ما قد ترجل
لا يشتي الرجله.. يجي شعب "مطره"

#عبد_القادر_داود

هذا هو الشعب العظيم المبجل
هــذا هـو اللي حيّر الكون أمره

هذا اليـمن قـران كـامـل مـرتـل
والأوس والخزرج حروفه وحبره

هذا اليمن ذي موقفه ما تبدل
قايد و شعب و جيش لله دره

#شداد_حُميد

يا شعب عزمه صاب الاعداء بمقتل
عالم بكل تاه في وسع صدره

يتبدل العالم وهو ما تبدل
ولا تغير مثل مثقال ذره

امه وقايد حر لا قال يفعل
لبيه واحنا كلنا تحت امره

#الشاعر_بدر_أحمد_الكهالي

الدين في الشعب اليماني تمثل
في الذي لا نــد له فــي المجرة

من زلزل العالم وهــــو ماتزلزل
لأجل غــزة داس أنـف المضرة

زوال إسرائيل والمـوت الأزول
بيد قائد جاء من اشعاب مطرة

#ابواياد_المطري

يا رب تتقبّل عملنا وتقبل
جهادنا من دون منّه وبطره

واحنا معك بعد الحفيد المبجل
با نمحي اللوبي ومكره وشره

على يدينا ينتهي كل محتل
وتصبح اسرائيل للناس عبره

#الشاعر_خالد_البصيري

شعب اليمن معروف من عاد يجهل
من الذي ما يعرف اليوم قدره

اذا وعد يوفي ولا قال يفعل
من يشبهه من في صموده وصبره

له موقفه والبعض حول وبدل
يقبض على الناموس لو كان جمره

#عزالدين_جحاف

الله حبا الشعب اليماني وأهَل
لنصرة الإسلام والأمر أمره

من البداية هو نصر خير مرسل
وحارب الطاغوت واجتث كبره

واليوم بامريكا وصهيون نكل
تستنفر اجواءه وبره وبحره

#ابوحيدر_الراشدي

وانعم بشعب العـــز في كل محفل
حاز الصداره عـــــن جداره وقدره

واجه قوى الطغيـــان، دمر وزلزل
عروشهم واسقـاهم الموت حسره

في ظل قائد ناصر الحق، واستل
سيفه مع غـــــزه،، بنخوه وعسره

#مانع_البوساني

شعب اليمن لاقد دعئ السيّد اقبل
متسلِِّح الإيمان عِزه وفخرِه

لو ينتهي من شآن غزه ويُكمل
ما يختلف عن منهجه طول عُمرِه

قد الزمن دوَّن خصاله وسجَّل
واتكفَّل التاريخ يوفِي بنشرِه

#ابوضيف_الله_اللاحجي

يا ازكى وانقى شعب وانبل واعدل
كل الشعوب الصامتة مـن كـرّة

لنصرة الاقصى وسحق المحتل
باقي على عهدة الى اخر عمرة

في كل ساحة ماضعف واتزلزل
ثابت لحتى يقضي الله امــرة

#الحسين_المحضار

شعب المراجل من رجاله ترجل
والفخر لا قيل اليمن زاد فخره

مواقف العزه به اتعز واتجل
اصدق من المعبر بعد دق الابره

اسلم على يد الامير المبجل
ولليوم نصر الله للاسلام عبره

#ابويحيى_الاشرم

انشهد انه شعب وافي مكمل
مثل الذهب مايختلف طول عمره

بقلب صادق واجه احلاف ودول
يقودها الشيطان الاكبر وشره

وعن القضيه ماتنازل ولا اختل
مازال ثابت كالجبل شعب صخره

#فارس_المعزبي

شعب اَمتطى ظهر الجواد المحجَّل
واتوشّح السيف اليماني بعســره

والجُرح مُثخَن فيه والظّهر مُثقَـل
ماقال مادخلي ولا (مات حسـره)

مــع (فلسطين) اَنطلَــق ماتمهَّــل
يقتص من(اسرائيل) عن كل اُسـرَه

#محمد_الاخرم

شعب اليمن مُنذ القدم ما تبدل
ومواقفة تشهد على عُظم قدره

قال المعارك حل يا جاهل الحل
جهاد حتى يقضي الله أمره

النصر مطلب وإن قضى الله نقتل
نقتل لنصر الدين مليون مرّه

#أحمد_الخاشب

انقى شعوب الأرض واعـز واجــل
مستنصره في الدين يبشر بنصره

على المواقـف ذي وقفهـا وسجــل
الله يزيده خير ويضاعــف أجــره

والله يحفــظ قايـــده ذي توكــــل
واعــاد للإســـلام حجمــه وقــدره

#ابوهادي_عقاب

صدق رسول الله واوفى وجلل
بما وصف اهل اليمن نص ذكره

هم منبع الايمان حكمه تمثل
في كل موقف للنبي هو وصهره

وردة افعال اليمانين تذهل
طغاة واحلاف اليهودي وغيره

#الـكـرار_الـعـقـيـبـي

مليار مسلــم تــحـت الاقدام منذل
ماعــــاد فيهــــم عــــــز مثقال ذره

هـــــذا الـــيمــــن مالان والا تـزلزل
اعنف واضرى شعب وسط المجره

اترقـبـوا الاخـبار مـــصرع ومقتل!!
يعلن بها الناطق فــي الحاد عشره

#أبوصخر_الجوحمي

موقف يمنا أربك الكل واذهل
وزلزل اسرائيل صابه بحسره

وافي مع غزه ولا هان او مل
كلا ورب الكون بايقضي امره

وقف الاباده عن فلسطين هوالحل
ولا فربي قد وعدنا. بنصره

#شاعر_بلاد_الروس

أحفاد عمار أبن ياسر وافضل
شعوب هذا الكون يمنا ويسره

انصار دين الله في كل محفل
من حبهم طه واودع لسره

أصل العرب من اجل غزه تحمل
الجور وانذر للجهاد كل عمره

#ابوعبدالله_صالح_عنبل

ان كان للعزه وطن ما تحلحل
فاكيد وجه البدر ساسه وقصره

وان كان للنصر المبين اي محفل
من غير فرسان اليمن جاب نصره

فقل لصهيون الضلاله تمهل
والقادم اعظم وابتداء حفر قبره

#مناع_شريم

بايرحل الملعون من القدس يرحل
ولا قبرنا ابوه وحلفه وكفره

شعب اليمن من اجل غزه ترجل
شعب الشجاعه والاباء طول عمره

وقايده قايد من الله مرسل
معروف ابو جبريل لا دق صدره

#أبوحاتم_عــكــه

شعب اليمن للدور هذا مؤهَّـل
رجـال وقـيـاده لها بُعـدنـظـره

بـلـد إليه اللَّٰـهِ أسـنـد وأوكـل
حمايـة الإسلام وولاية امـره

نجـود بدمانا نُقاتِـل ونُـقـتـل
عشق.الشَّهادةطبع.فيناوفطره

#فايز_الحمزي

قال اليماني يامدور على الحل
شعب اليمن عنده ثقافة وخِــبره

احمل سلاحڪ وامضي الصف الأول
وواجه المحتل واحفر لقبره

واقول لـ من عاده محايد ترجل
يا ذاڪ يڪفي ذل فـ الموت مره

#ابوحمزه_المقاش

ما غـير هذی الشعب في العز قد حل
والـعـز عـزه والـمـواريث جـمـره

حـل الـقضـيـه والعلم خـيـر من سـل
سيفه علی إسرائيل مـده وجـزره

صـاب الـعـدو الي طغـی وسط مقتل
واردی جيوش الكفر في وسط حفره

#الشاعر_عبدالكريم_مقبل

في عالم الدجال الاعمى والاحول
ألكفر له نضره وليمان نضره

يا امتي كل المشاكل لها حل
في نهج خير الخلق في خير عتره

نور البصيره فيه مخرج ومدخل
يوم اليهودي دخل الكل جحره

#الشاعر_ياسر_الجرادي

صار العدو في مشكله ما لها حل
قدام هذا الشعب محتار بامره

في ذكر شدّة بأسه الوعد منزل
واتصدر القرآن في الفتح ذكره

ثابت على مبداه يُقتِل ويُقتَل
وما تراجع عن فلسطين شَعره

#ابـومـازن_الـرازحـي

ياشعب بـرداء المكارم تزمَّل
وبالمواقف والشرف شد أزره

في صلب واكبادالقضايا تدخل
وهاجم المحتل لاوسط وكره

أوفى شعب باصدق قيادة تكمل
ما يبتغي مما فعل أي شهره

#عبدالعزيز_الغرباني

ياكاتب التاريخ وثق وانقل
مواقف الأحرار صوت وصورة

مواقف الأنصار اشرف وانبل
واوفى شعوب الكون والمعمورة

عن نصر غزة ماتضعضع او مل
تبقى الحمية في اليمن محصورة

#ماجد_عبدالله_القادري

يدق باب الله دائم يسئل
النصر في درب الجهاد ونصره

من اجل غزه بالحصار أتحمل
وقوته بالعز واجه فقره

تدرون مالتاريخ عنه سجل
اسم اليمن يعجز عليهم ذكره

#ابتسام_شرف_المحطوري

شعب اليمن للغرب أرهب وزلزل
والله عظيم الشأن قد جل قدره

والنار في الصدر واااصل بتشعل
أنين غزة سبب لايلامه وقهره

مع المصايب كل لحظة يحوقل
وجهاد واستبسال ماحد بصبره

#سليم_نشوان

شعب اليمن موجود في الصف الاول
وحاكمه قد فاق حكام عصره

من اجل غزه واهلها قال وفعل
مايطعن المحتل الا بخصره

حطم (بحاطم) بارجاته ونكل
وصوت (يافا) شفق اركان قصره

#ابوحرب_مشحم_صعده

اي والله ان الشعر يـــاقوم يخجل؟
في وصف شعبً فيه الإقدام فطره

دَوّرت للجزلات ماشفت لي حــــل؟
فكرت لكن مـــــــــا لقيت اي فكره؟

«بالمختصر» وصفه محير ومذهل
ومـــا لـ اي شاعر فيه ياقوم قدره؟

#سياف_الضبيبي

شعب الاباء والاجود اول با اول
من داهم المحــتل لا وسط وكره

شعب اليمن معروف لاقال يفعل
مــواقفه في المجد تُكتب بكثره

عـــــزه كرامة شعب مايوم قد ذل
وشعوب من حوله تقول طال عمره

#مجدالدين_البدري

مفتاح لقصى والأمل فيه والحل
مثل اليمن والا درينا بخبره

في نهج طه ماقد انزاح وختل
والغازي المحتل قد دك وكره

#عبدالقوي_البطل

شعب أستقى الإيمان والصدق وأقبل
يرسم فتوح العز في كل كرة

والى علي من منهجه والولاء أحتل
أعلى المنازل في رضاء الله وبرة

واجه رموز الشر وفي وجهها انزل
عليها الهزايم واحتوت كل حسرة

#نبيل_المهدلي

احنا مع السيد وحاشاه ماضل
له في ميادين الوغى ألف خبره

مؤمن زكي مخلص على الله توكل
ما هز بينه حلف لاعداء شعره

من آل بيت المصطفى خير مرسل
أتم به رب السماوات نوره

#ابوفايز_الجنيدي

قل لليهود الرد اتي مزلزل
الحسم باينهي وجوده وشره

من يمن ليمان بركان يشعل
جاهز خياراته ومحسوم امره

وفي سبيل الله عزمنا نقاتل
المؤمن الله قد تكفل بنصره

#الشاعر_عبدالرزاق_ذياب

في نصرة الاسلام والدين الاول.
يثبت وجودة شعبنا كل مرة

شامخ مقنف ماتراجع ولا ذل
الله دره شعـــــبنا الله دره

#ابو_وعدالله_هفج

مامال في شدّ المحن او تحول
وقام واستبسل ببره وبحره

وامطر إسرائيل بـ الموت الأزول
وزاد الإستنفار مليون مرّه

لانه الشعب اليماني المأصل
جهادة بإيمان والنفس حرّه

#الشاعر_ابوحاشد_معمر_ابوسعيد

لانهجه اتبدل ولاكل ولا مل
ولاعرف يخضع ولاقل قدره

اشهد بنئه شعب مافيه منذل
وقايده ضرخام لله دره

الفرد مثل الرعد حن ما بينزل
يقتل ويستشهد ويحيا بقبره

#نصر_الشبواني

افضل شعوب الكون وآعز وأنبل
شعباً على عهده ولا لأن مره

واقف مع الأقصى ولا كل اومل.
من اجل تحيا قدسنا قدس حره

شديد لايقبل تفاوض ولا حل
حتا يقف صهيون كيد وشرة

#جبريل_الخدري

شعب اليمن ثابت ولن يتــزلزل
والـسيــــد بــن البــــدر لله دره

قد واجه امريكا وداس المحتل
ناصر فلسطين عجّل الله نصره

في نصـرة الأقصـى تــراه الأول
من أجل دين الله ما هـي شهره

#ابومؤيد

فيك الامل والقايد البدر ذي هل
في امة الاسلام قد شع نوره

رفع شعارالحق سيف جده استل
لاجل الشعوب تعيش بالعمرحره

هيهات منا الذل مايوم نقبل
جهاد حتى ياتي الله بنصره

#موسى_العمدي

الشعب هذا بين الشعوب الأفضل
ويواصل المشوار لآخر عمره

في نصرة الأقصى بقلبه رتل
من وحي (لن ترضى) وأول سورة

صوب على إسرائيل حربه واشعل
نار تتلظى وهي مسعورة

#ذولفقار_قوزع

اطهر شعوب الارض وصدق وانبل
شعب اليمن لاغير لله دره

ثابت معا الرحمن ماكل او مل
ولا تهاون يوم او قل صبره

مثل الجبل مهتز للخصم او ذل
ولا تراجع يوم او ساء ذكره

#عبدالمجيد_الخطيب

شعب اليمن صامد وهيهات يفشل
شعب اليمن ياقوم لله دره

ومن غزانا فيه لابد يقتل
ويسير لحلاف الشياطين عبره

كنه على الطاغي من الله مرسل
على يده بايقضي الله أمره

#الـشـاعـر_ابوصالح_الحربي

شـعب الـيمن وافـي من العهد الاول
والاء الـنـبي وال الـنـبي خـير عـتره

وقــايــده نــبــراس لا قـــال يـفـعـل
بـــدر الــزمـان الله يــطـول بـعـمـره

ذي داس وارعب كل طاغي ومحتل
وداهـم الـصهيون الـى وسـط وكـره

#ابوذر_العمدي

جنه بربوه ترتوي ماء بالطل
هذا هو الشعب اليماني وقدره

لا قام حق الحق والباطل ابطل
في الحرب خلى الكفر للدهر عبره

قام للمواني والأساطيل عطل
بولاية الله والقياده شل نصره

#ابوالحسنين_مطوان

أول مـن أتـحرك وجاهد وزومل
وأول من اعطاء للتواريخ شفره

وأوفى شعب ءَازَر وءاوى وأكمل
نهج النبي في ضل منهج وعتره

مــع فـلـسطين الـحـبيبه تـجّـمل
حـاضر يـضحي لـجلها كل عمره

#سجاد_تشلان

من في المواقف مثلماهو تجمّل
ثبت مع غزة وساندها بأسره

مابايصل مدحه المدح المُجَمّل
ولا يصل لا مستوى عزه و قدره

مثل الفقار بوجه صهيون مُستَل
في يد ابوجبريل لله درّه

#ألأشتر_جابر

مؤمن مجاهد مختلف اوتبدل
واقف مع(غزه)و٠واثق بنصره

ماخاف من لوام لايم ومحتل
عشق الشهاده حبها وسط صدره

من بعد ماشاف الطفوله بتقتل
عمر سلاحه والكفن فوق ضهره

#منصور_الدهشاء

من غير شعب اليمن للكفر زلزل
ودقهم في العمق بضربات حرة

بين الشعوب المسلمة شعبي مفضل
بالدين والتقوى ما الحرب ضرة

يسمع بصوت الحق منهو تنصل
ويحرك الساكت في صمودة وصبرة

#عاقل_عواض

مفعول يافا فكّت اللُّغز بالحل
تصنيعها حربي يماني بِخِـبـره

تقطع مسافه شاسعه يوم ترحل
وتخترق جو السماء والمـجـرّه

تحمل مدى صبر اليمن والتحمل
وكل ظالم يآخذ اليوم حِـــذره

#المنشد_مؤيد_التوهمي

قل للـذي فـي وقــــــتنا ماتمـرجل
ولاســــــــــند غـــــزة بمثقـال ذرة

شوف اليمن وبن اليمن يامـــغفل
واقــف مع الاقصـى بقوة وقدرة

هذا اليمن نكل ونكـــــل ونكـــل
بهل الكتـــــاب الله يكـرم بنصرة

#الـشاعر_أبومحمد_الجعفري

لله دُرك شعب عن غيرك افـضل
واعز واكرم شعب مرفوع قدره

شامخ كما عـطان ذي مـا تزلـزل
واكـي على عيبان مرزوح ظـهـره

ذي فالبطولة جيله الجيل الـاول
مـا يعرف الذٍلـة ولـا عاش حسره

#طارق_العويري

اوفى وأبطل شعب في الارض وافظل
صامد وثابت رفّع الله قدره

ما حد مثيله بين الامه ترجّل
هاجم عدو الله لا وسط وكره

الأرض والتاريخ تستح وتخجل
من موقفه تاخذ لها الارض عبره

#محمد_الرقيمي

لله دره شعب الايمان الاول
في كل موقف طول عمره ودهره

اسئل عليه الدهر واسئل واسئل
كم دون التاريخ في البيض حبره

فيه النفس والحل في شعبنا الحل
وفي حديث المصطفى خير عبره

#بدرالدين_لطف_الله

في موقف الامجاد ثابت ولا مل
والتضحية له عنفوانه وفخرّه

والحل واحد يا مدور لشي حل
حل الجهاد ولا بديله وغيره
وحنا ثبتنا لجل دحر اي محتل
جل الاله الي يايد بنصره

#محمد_هادي_المؤيد

يوم اليهودي وسط غزه توغل
وزاد اجرامه وبغيه وكبره

ماشي سوى الشعب الحكيم المفضل
لبى ندا غزه مائة ألف مره

من اجلها يبذل ويقتل ويقتل
[والوعد وعد الله والنصر نصره

#ابورفيق_الحدم

شعب اتكل بالله وصلى وسربل
مثل اليمن يصعب على النذل قهره

متولي السيد وفوض ووكل
علم من ال البيت متولي امره

شعب الوفاء والعز والبأس والشل
لاجار حمل الجار والاخ جره

#جبريل_ياسين

شعب اليمن يالله الاوفأ والامثل
من ناصر الأسلام لله درة

في كل موقف ماسواه من ترجل
يشهد له التاريخ مده وجزة

والوقفة الأولى مع القدس تفعل
والراية البيضا في بحرة وبره 

 

#إتحاد_الشعراء_والمنشدين

في الإثنين 05 أغسطس-آب 2024 11:55:41 م