مجاراة عن أهمية الموالاة لله ورسوله والمؤمنين
ضيف الله سلمان
ضيف الله سلمان
 

مجاراة عن أهمية الموالاة لله ورسوله والمؤمنين في اكتساب العزة والكرامة والنصر وتحصين الجبهة الداخليه 

 

البداية #عبدالرحمن_الريامي

المسكـــنه تنكــي مساكيـــنها
والعـــز والعــــــــــــزة كنـــانة

كم دوله انــــذلت ســلاطينها
وشعبـــــــها اتسحبـــل بـ ذانه

على الـــــــولا خطت قوانينها
للبيت الابيــــــض والخــــزانه

حطت على جمر الجشع دينها
لاما احتــرق وجـه الخيـــــانه

امّا يمنا فــي ميـــــادينــــــــها
رجـــــــــال ماتـــرضى المهانه

لو بانكل في القحط من طينها
ماياخـــذو منـــــــــــــــها بنانه

#أبورواسي_ارحب

حماية الأنفس بتحصينها
والهدي للأمه صيانه

الناعمه بانت مضامينها
بلسن من خان الأمانه

بالوعي بانقبر جثامينها
ومن بها عاقد قرانه

ياقوم تحبل من لساسينها
خلوا لهذا الشعب شانه

#ضيف_الله_سلمان

خابت مع امريكا شياطينها
وخابوا اذناب الخيانه

شاخت وقد هي فآخر اسنينها
طغيانها ولى زمانه

ونهج موسى اسقط فراعينها
والله بتأييده اعانه..

(الله اكبر) من مضامينها
و(الموت لامريكا) ضمانه

#الشاعر_أمين_الحارثي

صرخة وترجمنا مضامينها
والهاشمي مسرج حصانه

والامركه ماانا على دينها
ولا على كافر ركانه

لوفالسما تسقف دواخينها
مااذل لامريكا الجبانه

بالله زلزلنا فراعينها
وكلمن خان الامانه

#علي_محمد_المحاقري

من يوم عاشوا فـي بساتينها
والـمـرتـزق يـحـصـد هـيـانـه

سنّه جرت مـن يـوم تكوينها
لا عهد لاصـحــاب الـخـيـانـه

والـلـه مـاتـبـرد بـراكـيـــنــهـا
دام الـتـحـالـف فـي مـكــانـه

هـذه مـواقفنا ومـن حـيـنـهـا
واحـنــا مـنـصـات كــل دانــه

#أبومالك_الكوماني

قوم الولاء فزت على دينها
وكل حر أطلق عنانه

خاض الوغى غير موازينها
وحاز ف العليا مكانه

لا داعش اجدتها سكاكينها
وحلفها اتهاوى رهانه

واليوم باتسقط شياطينها
وتطيح في وحل الخيانه

#عدنان_جحوح

منا الفداء وحنا ميامينها
والكفر با نهدم كيانه

باعلامنا نحرق شياطينها
وكل من طول لسانه

وحنا على الدنيا براكينها
محال نترك أي حانة

راياتنا بانت عناوينها
مع العلم دايم زمانه

#ناجي_القطيبي

الامّه اختلّت موازينها
وابن اليمن جالس مكانه

كرامته سطّر عناوينها
والعزّ ينطق به لسانه

ولايته كانت مضامينها
لله واصحاب الديانه

طه وال البيت حامِيْنَها
هم خير من صان الامانه

#عزالدين_جحاف

والله لايقلب موازينها
أمة تفرط في الأمانة

عليها تتسلط شياطينها
وتذيقها خزي ومهانه

أما رجال الله عناوينها
ولاؤها لله ضمانه

بايأذن المولى بتمكينها
في الأرض جل الله شانه

#ناجي_محسن_المحجري

وليي الله ذي نصر دينها
امه على اكمل ديانه

والمصطفى والآل من حينها
والمؤمنين اهل الامانه

ذي مايهابو من ملاعينها
اهل الرذاله والخيانه

امه لعزتنا عناوينها
ترفض لعيش اهل الجبانه

#هاشم_الحوثي

ياخير أمة ناصرت دينها
عيشه مع الباطل إهانة

عيش الكرامة من مضامينها
وارضها تبقى مصانه

رؤوس العمالة نقتلع عينها
نجتث للباطل بنانه

مافادها تظليل شيطانها
ولا فلول اهل الخيانه

#حميد_الشليف

قد نجد تبكي دم من عينها
صارت هزايمها ملانه

يوم اليمن شبت براكينها
ونجد غطاها دخانه

دمنا على العزه ميامينا
ندعس على عنتر زمانه

لا وين واين اهل الردى وينها
اهل الممالك والعوانه

#ابوعلي_البريهي

واجب عليك يانفس تبدينها
لن الولا درع وحصانة

هي قوة الأمة وتأمينها
من شر من أبدو الخيانة

فالأمركة تسعى لتدجينها
من أجل تحيا في مهانة

والمملكة تبذل ملايينها
خدمة لصهيون وإعانة

#ذوالفقار_سفيان

الامـه اتبهـذل مـلايـينـهـا
وامست بـلا ايّـة مـكانـه

من يوم ما فكة عناوينها
وصابحت شاقي عوانـه

والمرجله ما با تلاقينـها
إلا مع الـشـامـخ كـيانـه

البـدر ذي عمّد براهينها
بـدم ربعـه والـبــطـانـه

#عبدالكريم_ناصر_الحداء

ارض اليمن يا كل غازينها
برجالها حره مصانه

قد قدمت لله قرابينها
وهانت اعداها هيانه

في هامة التاريخ تدوينها
عاشت على العز وعنانه

وحب آل البيت راعينها
والبدر يشهد له زمانه

#ابواياد_المطري

اذا الامــم تحـــفظ بقا دينها
وفي الوغــــــى تأبـى المهانه

ووعيها كامل مضـــــــامينها
فهي عظــــيــــمه للأمــــــانه

اذا افلحت في كل تحصينها
مضـــــاد نافع للخــــــــــيانه

واعــدائنا تبّـــت ايادينــــــها
والنذل تتقـــــطّع لســــــــانه

#الــكــرار_الــعـقـيـبـي

عـيـن الـيمن ياربـنا عينها
على حلوف اهل الخيـانـه

واحفظ لها السيد وحامينها
جيش اليمـن امــع لجانه

يااذناب باعت لليهود دينها
مـتـعـوده واصل هــيانــه

هذا اليمن هي قبر غازينها
تــروح الغازي دفـانه

#يونس_المجهدي

هاذي الحياه فيها قوانينها
وكل من يعرف مكانه

لله بعنا النفس في حينها
نرفض حياة الأستهانه

والقدس باذن الله جايينها
ونطرد امريكا مهانه

ندعس بعون الله شياطينها
ونخلي الأقصى مصانه

#ابويحيى_العشملي

القبيلة فينا عناوينها
والدين والعزه أمانة

ما ينفعك لا ردت تلوينها
بالحرية او بالحصانة

مسكين من صدق ملاعينها
يمشي وراهم في خيانة

لاعاش من بادر بتمكينها
ملعون دايم في لعانه

#الشاعر_أبوعزام_الشامي

إحنا مع العترة على دينها
لأن الرسول وضح بيانه

في خم قد حدد مضامينها
في المائده جات الإبانه

سفينة الآل كلنا بينها
وسيدي إحنا رهانه

راهن بنا ياسيدي حينها
وبا نكون قد الأمانه

#أبوصخر_الجوحمي

الله امرنا في مضامينها
بولايته داخل قرآنه

والحب يجري في شرايينها
للآل في اعظم مكانه

يارب وتقبل قرابينها
وتسكنه اعلى جنانه

وبالولايه سر تمكينها
والآل للامه ضمانه

#ابو_جهاد_صبر

ارض اليمن تشهد ميادينها
كم نـكـلت جـيـش الهيانه

فوق السماء توجد عناوينها
وعــزهـاء سـّـجـل بـيـانـه

الداخلية قد سـكـاكـيـنـها
قطت رقاب أهل الخيانه

في الولاء حتى براكـيـنها
وااالــّـت لربي جل شأنه

#الكرار_المشراقي

شبت عليهم من براكينها
وعدوها ولى زمانه..

فوق النجوم خطة عناوينها
همه اباء عزه مكانه..

كل الحروب غير موازينها
اسقط مشاريع الخيانه

في كل جبهه زاد تمكينها
باال النبي كرت الضمانه

#ابو_بدر_ذيبان

ايات ربي في مضامينها
لا عزه الا في ضمانه

والامه اللي ضيعت دينها
لكل طاغوتي مهانه

صارت دماها في سكاكينها
تهدر ولو مابش ادانه

بالوعي نسلم من ملاعينها
كلا يأمن من مكانه

#شهاب_المتوكل

للمرجله تثبت مواطينها
وابن اليمن سجل مكانه

واجه في الدنيا شياطينها
بايمان جسد عنفوانه

قال الرقاب ماحنا موطينها
الا لربي جل شانه

وارضه بدمه قد حرس طينها
ضحى لكي تبقى مصانه

#ابتسام_شرف_المحطوري

شمس الولاء شعت عنواينها
والدجل قد غادر زمانه

قل العماله في مكامينها
اذيالهم أجر الخيانة

والمومنين اللي براهينها
عزة ببصمه من بنانه

دور الشجاعة من بساتينها
نقطف كرامةلا اهانة

#الكرار_الجبر

آل النبي للأرض حامينها
وولائهم فيه الضمانه

هم للحياة احلى عناوينها
بحبهم نحيا امانه

حتى الرساله ترجمو دينها
اعلام كلاً في زمانه

كم حاربوهم كم ملاعينها
واكرمهم الله جل شانه

#الشاعر_ابوحاشد_ابوسعيد

الفرعنه جـــــــابت فراعينها
وجابت اصحــــــاب الخيانه

رمز الثقـــــافه في عناوينها
لاحد يفرط فــــــــي زمانه

النفس ذي زادت تحاصينها
ما با تودي فــــــــــي مهانه

معنا علم داعس سلاطينها
قد ايده ربـــــــــــي وصانه

#ابومحمد_السحاري

الناعمه فشلة تئامينها
في شعب قول الله بيانه

بقوة الله طاحت اركانها
حلف الردا خابت رهانه

ذابت وصايها معا دجانها
تموت امريكا المهانه

ياشعبنا حرك براكينها
الحلف ماشي له امانه

#علي_درهم_المؤيد

بالــدين بنحصـن ميادينها
بالصـدق بخـــلاص وامانه

لا نفتــح الثغــره لواشينها
فيها الحقــود يصـدر بيانه

ويقـوم بالخــدمـه لغازينها
وارض اليمـن منهم مصانه

بالحق احــنا قوم حامينها
مـــن طــالها نقـطـــع بنانه

#هادي_حسين_الرزامي

ولاءنا لله من دينها
من شذ في شعبي أدانه

آيات مفهومة مضامينها
ولاية الله في قرانه

ماهي مزادات شارينها
هذه عقيدتنا المصانه

والتضحية هي من عناوينها
ويعض حاقدنا بنانه

#ابومجدي_العبيدي

مايهلك السلطات ويهينها
الا السرق واهل الخيانه

ياشعبنا سلم لابوعينها
وكتاب ربي جل شانه

#ابوشهيد_القطمي

لو بانعيش على سكاكينها
ما نختشي اهل اللعانة

على الولاء قومي حمت دينها
ترفض رجالاتي الهيانة

بداية الإنشاء و تكوينها
مع ألعلم تنسج ديانة

و المرحلة الكبرى و تدشينها
حآنت وقد لوّح أوانة

#وسام_الحنش

جرى الولاء داخل شرايينها
وجسدو مبدا الامانة

هذه مسيرتنا عنــاوينها
مجسدة في كل خانة

الامركه تسجد علا عيّنها
وتكتشف كل الــخــيانة

بالصدق جسدنا مضامينها
وبالــولاء والاستــعــانة

#ماجد_النوعة

لاخلاقنا بالهدي تحصينها
والوعي في شعبي حصانه

واحنا لها نسعا لتحصينها
بالله وحده جل شانه

والشعب واعي بالهدى حينها
والحق واضح في بيانه

والحق واضح من عناوينها
والحر ما يقبل خيانه

#ابو_يحيى_الشوكاني

كرامة الاوطان تامينها
من خبث صهيون الجبانه

خدام لامريكاء ملاعينها
سلمان من قاد الخيانه

ثقافة القران من حينها
وضح لنا محكم بيانه

انصارللرحمان تمكينها
لاخوف من سابق جنانه

#مرتضى_رضوان

العز للامه في دينها
الال والقرآن حصانه

والله بين مضامينها
الدين والمنهج امانه

الحرب هذه ميادينها
مقهور من يقبل خيانه

نواجه امريكا وشياطينها
من واجه الحق مهانه

#ابومصطفى_الرضي

الناعمة نعرف عناوينها
ومخترعها والديانه

بالوعي بانفشل قوانينها
وداعميها والخزانه

ولاية الله في مضامينها
لآل النبي فيها الحصانه

لاقامة الحجة وتبيينها
ولنصرنا كرت الضمانه

#ابوفلاح_الحداء

المسكنه للنفس بتهينها
العز لمن يظهر سنانه

والنفس لااذتلت لشيطانها
تستاهل انواع الهيانه.

انصار ربي في ميادينها
وكل ليث. ماسك مكانه

رجال ربي ماسكه دينها
ونصرهم مظمون ظمانه

#صالح_عنبل

انصار دينه في ميادينها
والشعب ينعم في امانه

واعداه ذي تطلق لساسينها
في كل موقع و اي حانه

ان ما تحصن من شياطينها
بالله ربه جل شانه

وان طاح يا كثرة سكاكينها
واذا نهض يكسب رهانه

#ابوزكريا_المأخذي

لو الشعوب تعرف مضامينها
ولاية الله الضمانة

لو تحشد الدنياء فراعينها
تبقى الشعوب حره مصانة

وان رضت لطغاة تهينها
تعيش مقهورة جبانة

#الشاعر_ابوحبيب

عقالهاقدهم مجانينها..
ماعادعاقل في مكانه...

بيشيب الاطفال في حينها...
وماقداتسمئ جمانه..

ضاعت عليهارقة الحانها..
ورجعت حبلئ ملانة...

ومن علق في وصد
ميزانها .....
تكثر علية جم الأهانه..

#أسـامـة_المـعبـاء

الامة الاسلامية بدينها
تعتز والاعداء مهانه

بوعيها عزه وتحصينها
بقرانها واضمن ضمانه

باتنتصر والله بيعينها
ويذل احلاف الخيانه

والشعب للاعداء بيهينها
وكذابها نقطع لسانه

#ابومحمد_المحتسب

الزوبعه بانت تلاحينها
بالفيس بدئة باللعانه

بان المرض والخبث ذي بينها
وكلمن طول لسانه

لكن يالجيش اقلعو عينها
والشعب بيساند لجانه

الويل لا حنت بركاينها
يامرتزق يكفيك دخانه

#نايف_بن_حمود_دهمش

ابـيـات مـفـهـومه عـنـاويـنـهـا..
الــحــر مـا يـسكت لـسـانــه..

عـز الـيـمـن يـاصـاح بـراكيـنـهـا..
هــذه حــقـيـقه بالأمــانه.

عـيـون الاحـرار هـي مـيـازيـنـهـا..
الــحـر بـيـكـون لـه مـكـانـه..

حٌـمـر الــخلـيـج مـاعـد لـتـأمـيـنـها..
مـن قـسـوره آيــة حـصـانـه..

#الشاعر_كرار_حيدره

العز للأمة بقاء دينها
والآل والقرأن حصانه

والله قد بين مضامينها
وحمل الناس الأمانه

حرب العدو هذه ميادينها
ملعون من يقبل خيانه

نواجه أمريكا وشيطانها
واوضاعنا تحتاج حصانه

#ابوعلي_سند

الخط يعرف من عناوينها
شعب اليمن عالي مكانه

مادام ذي ترسل براكينها
تهدم قصور اهل الخيانه

والمملكه خسرت ملايينها
وخاب في حلفه رهانه

#ابوناصح_العزي

الامه الماسك على دينها
ولائها لله ضمانه

وبالنبي واله عنوانينها
في طاعة الله جل شانه

امه محصن من معادينها
تدوس عباد الكهانه

بالوعي والايمان تمكينها
بنصر ربي او جنانه

#ابوهادي_صيفان

تبت يد امريكا وتب دينها
تبت مشاريع الخيانه

وتبت اسرائيل من حينها
وملوك نجد العن مكانه

فـ اخر زمان اتت شياطينها
ومسيلمة بوظبي اعانه

واحنامع اهل البيت واحسينها
ذي عز دين الله وشانه

#ابوهادي_الجامع

الملعنه جابت ملاعينها
وعمالهم خبلا. جبانه

والعار والخيبه قوانينها
من خان بانقطع لسانه

ونجد ذي جابت شياطينها
والله لاتصبح مهانه

معنا قياده من ميادينها
الكون قد وقف مكانه

#الشاعر_زياد_زيـد

الحرب بانقلـب موازينهـا
نـسئـل مـن الله الأعـانـه

الناعمـه زادو شيـاطينهـا
واهل النفاق وهل الخيانه

بالهدي باننقـذ مصابينهـا
من هـدي ربي جـل شانه

ثـقـافـة القرآن عنـاوينهـا
الوعي لها اكـبـر حصـانـه

#ابوحيدر_عامر

الهيمنه فشلت عناوينها
وشعبنا بالله رهانه

وانصار ربي في ميادينها
والمرتزق والا زمانه

الناعمه طاحت مضامينها
والجيش ثابت في مكانه

التاسع احنا ميامينها
والنصر بان نعلن بيانه

#ابـومـازن_الـرازحـي

حرف الولاية عن مضامينها
تسلب من الناس الإعانه

كل البشر تفقد موازينها
لاضيعتها والمكـانـه

بس اليمن أمن بتكوينهـا
فاحرز بموجبها حَصانه

من كيد اعاديها وباغينها
ولعزته كانت ضمانه

#وسام_الحنش

جرى الولاء داخل شرايينها
وجسدو مبدا الامانة

هذه مسيرتنا عنــاوينها
مجسدة في كل خانة

الامركه تسجد علا عيّنها
وتكتشف كل الــخــيانة

بالصدق جسدنا مضامينها
وبالــولاء والاستــعــانة

#اكرم_النيعاني_ابونبيل

هاذاليمن ثارت بــــراكـــينها
برغــم الاجـــراح والــمــعانـــه

وويـلــكم يــاذي مــعــادينــها
يهــل المــذله والــهيــانـــه

لونكــفت حتى مجــانينــها
وتـقــص لــلخاين لسانه

مــدام والانـصــار حـاميـنـها
من حــوف لاداخـل جــحـانه

#إيمان_الانصار

من يتبع امريكان في حينها
راضي لنفسه بالهيانه

واليهوده في بعضهم جينها
وصعب يتغير كيانه

انصار طه ماعمت عينها
بالهدي اعينهم ملانه

قدارتوت من نبع احسينها
وهذا التميز من بيانه

#علي_الشاوش

نهج الولاية ما لنا دونها
وكل هادي في زمانه

العز والناموس مضمونها
وما سواها في الهيانة

والنصر والتمكين مخزونها
وعزة الموقف خزانة

آل النبي من يحملوا دينها
وآل طه لي ديانة

#ابوحزام_سامي_المضري

في كل ميدان قلبنامو ازينها
والمعـتدي ذاق الهيانه

طاح التحالف في ميادينها
وسار خاسر في رهانه

ذي بايع امريكا على دينها
وهل المراقص والعانه

هاذا لمسيره ثابته بيمانها
قوم الوالايه والامانه

#ابو_احمد_الرجوي

الصرخه اليوم يعلى دينها
في عصر زاد فيها الخيانه

وسيدي حسين بين حينها
صرخه جهاديه مُصانه

بين ووضح في مضامينها
لعنه لأمريكا الجبانه

النصر للاسلام ذاع رنينها
وشع في الدنيا بيانه

#ابوالفتح_الجرادي

خابت وكسّرنا صياصينهــا
بطولها عادت بنانه

واليوم ضاعت في دياجينها
والحلف يتجرع هوانه

فضل الولأ نلنا محــاسينـــــها
عزه.وللأخرا ضمانه

#عدنان_سالم_الذويبي

كم من امم طاحو فراعينها
على ايادي اهل الامانه

وامه خوت كامل مضامينها
اخر نهايتهم اهااانه

لو الارض يزدادو شياطينها
خط الوالاء ثابت مكانه

ما اهتانة امه حافظه دينها
تبقى مدا الدنيا مصانه

#عبدالملك_الموشكي

خط الولاية تتبع أ حسينها
مشروع مايعرف هوانه

والبدر نوره في دياجينها
مقدامنا كرت الضمانه

الله اكبــــر يا سلاطينها
النور شعشع من مكانه

بايقهر امريكا ومن عانها
والحق ما يعرف مهانه

#ابوسرايا_المقدشي

ولاية الله والنبي من حينها..
مترسخه باقوى ضمانه...

شعب اليمن فاهم مضامينها..
وبالولاء كاسب رهانه...

و المملكه لا بد نقلع عينها..
وحلفها نمحي كياانه...

واهل الخنى مهما تكثر سعيها..
با يوردو دار الهيانه...

#عبدالرحمن_المنصور

والحرب لا شبت براكينها
جيش اليمن يسند لجانه

امه تجاهد همها دينها
ووعيها اكبر ظمانه

واعلام عتره طاهره شانها
دائم لأمتنا حصانه

والهدي والقرءان شريانها
مسئوليتها والأمانه

#صدام_شايف_الغولي

المملكه طاحت عناوينها
وخاب في صنعاء رهانه

من يوم كشفنا ثعابينها
في عاصمة سام والامانه

احمد حجر اخر عرابينها
والمومري ساقه لسانه

#أبـو_رمـاح_شـداد

ياقوم عدّت للردى تدشينها
( بالعنجهيه )و( الخيانه )

تحسب فشلها حسب تخمينها
تستلهم الماضي ضمانه

تذكر مصير اللي سبق ترهينها
عفاش ذي خابت رهانه

وإلا تجهز ( للفناء ) تعيينها
تحت التراب اسفل مكانه

#ناديه_السقطي

لاخــير في دوله قرابينها
لاعــــداء ربي وصفوانه

لامريك واسرائيل موالينها
باعــــوا القضيه والديانه

كرامة الله يامحبيـــــنها
صدق المولاه هي حصانه

عزة ونصـــر الله تمكينها
في كل قضيه للامــــانه

#الشاعر_ابوالاشتر_ابوسعيد

عرفت من طه مضامينها
ورويـــــــت قلبي مـــــــن بيانه

كتبت قصدي في عـــــــناوينها
وحـــــــب طه في كـــــــيانـــه

كم يادول طاحت شياطينـــــها
زمـــان حيـــــــدر ذأ زمـــــــانه

ومن بزت هادي على يديـــــنها
يحـرق جزا فعـــل الخيـــــــانه

#إتحاد_الشعراء_والمنشدين

 
في الثلاثاء 03 يناير-كانون الثاني 2023 08:43:53 م

تجد هذا المقال في الجبهة الثقافية لمواجهة العدوان وآثاره
http://cfca-ye.com
عنوان الرابط لهذا المقال هو:
http://cfca-ye.com/articles.php?id=6771