|
مجاراة عن دخول القوات الامريكية إلى بعض المناطق في المحافظات الجنوبية
البداية #ضيف_الله_سلمان
سلام ياشعب الكرامة والجهاد
يا(قوم تبّع) يا ذراري (ذي يزن)..!!
الجيش الامريكي فيَ اطراف البلاد
واذا سكتنا يدفع الكل الثمن..
وحسين قد بيّن هدفهم والمراد
في ملزمة(خطر دخول امريكا اليمن)!!
#احمد_درهم_المؤيد
مشروعهم يسعو في الارض الفساد
ويغرقونا بالمشاكل والفتن..
وينهبوا خيراتنا والاقتصاد
ويجعلونا شعب خاضع مرتهن..
واحنا توكلنا على رب العباد
ومع العَلم با ننتصر وفق السنن
#الشاعر_ناصر_جبران
ياضيف رِد التّايهَه نحو المُراد
لارَدع دونِه ماعَيتحَرَّر وطَن
كافي تَفَاوض قُل لهم كافي عناد
عُمر التّفاوض ما رفع عنّا محَن
مابِش مفاوض به مِن المحتَل عاد
إلّا على كَفّ التنازِل والوَهَن
والحل في ضغط الأصابع للزّناد
مش في التّفاوض لا ولا جا مِن هُدَن.!!!
#يحيى_الوحيشي
والله ما يسكت على هذا الفساد..
الا عميل وعلج واطــي مرتهـن..
ملعون في الدنيا وفي يوم المعاد..
حقير ميييت ما نقصه الا الكفـن..
اما المريكي دامت القوم الشداد..
با تحرقه صنعاء وتجتثه عدن..
#حمير_العزكي
سلام يبلغ كل شامخ في البلاد
من شيعة الهادي واحفاد الحسن
ذي كان اخرهم حسين اللي اعاد
معنى الكرامة والسيادة للوطن
حذر ونبه في الملا زم باجتهاد
في كفه القرآن والاخرى كفن
#الشاعر_خليل_قناف_قابيل
اهداف الامريكي يزيد الإضطهاد
ويمارس اعمال الدناسه فاليمن
والشعب كل الشعب ماسك بالزناد
ما ينطرح للخصم والقوم الهين
نهاية امريكاء نهاية قوم عاد
دمر جموع الكفر ياسبط الحسن
#شهاب_المتوكل
امريك ام الشر حاضنة الفساد
هبت بقوه لا مناطق فاليمن
تشتي تشل الخير وتهين العباد
من بعد ماعجزت مدرات اللبن
ياشعبنا خلي اصبعك فوق الزناد
واحذر من الغفله فديتك والوهن
#الشاعر_متاش
قل للمحايد لايبالغ في الحياد
قد وصلت امريكاء إلى ميناء الشحن
والجيش الامريكي باالاسطول والعتاد
وصل إلى المهرة وإلى ميناء عدن
لا ما تحركنا لتحرير البلاد
فألف ياحُمى على هذه الدقن
#قاسم_السقاف
شحذ الهمم ياابطال واعداد العتاد
والاسلحه ونواجه امريكا علن
ومن رضخ ولاحمى لرضه وذاد
بايلعنه تاريخنا طول الزمن
نريد منهم من دخل مازاد عاد
لنيوريوك الا وهو وسط الكفن
جريح الحرب #رفيق_زرعان
أقسم برب الأرض والسبع الشداد
ما نقبل الغازي ولا نرضا الوهن
نثور كالبركان نزتاد اتقاد..
ونقتحم قوات واشنطن علن
الغزو في أرض اليمن سلعه كساد
وباذن ربي ما لها أية وطن
#ابوبدر_ذيبان
ياخير امه يالشماريخ الشداد
ياناصرين الدين في كل المحن
ارض اليمن حره وغازيها مباد
رمالها وبحارها طول الزمن
واللي وصلها ناكله مثل الجراد
امريك_ واسرائيل والاذناب الخون
#عبدالحكيم_النمري
اقسم برب الكون لو نرجع رماد
مابانفرط في سيادة ذا الوطن
لو قد علينا تهوي السبع الشداد
يابى لنا الله ننحي كلا ولن
مع ابن بدر الدين في درب الرشاد
قدام نمضي لا تراجع لا وهن
#ابومقدام_الخمري
مرحب من اخشام البنادق والمضاد
بالخصم ذي جانا مهرول لاعدن
امريك واسرائيل صناع الفساد
ذي في ربوع الكون يسعوا للفتن
نقسم برب البيت خلاق العباد
مايخرجوا احياء من ارض اليمن
#ردفان_الرقيمي
﴿ألَـمْ تَرئَ كَيـْـفَ فعَـلْ رَبُكْ بِـعَــاَد﴾ ؟
يااخـس والعـن مَن قد الباري لعــن
لا قد تناسيتـــــو ﴿إرَمْ ذَاتِ اْلعِمَاد﴾
با تذكـروها حين تقـرح في عــــدن
اليوم الامريك﴿أكْثَروْا فِيْهَاَ ألْفسَاد﴾
ومـا يـــَدنّـو للهـيَــن غيــر الهيَــــن
مـحنـا عبيـد إلأ لـخــــــــلّاق العبـاد
والله يلعـن مَن للامـــــريك ارتهــن
بلبل النصر #حسن_المهدي
بـايدن وتنياهو وثالثهم رشاد
والدب رابع وابن زايد خامسا
ما بعدما اتمادوا ودقوها عناد
الا نــدق اعـنـاقهم بـالميم ون
ونـهب لـلساحل ولا هبة جراد
ونـجدد اسـتنفار صـماد اليمن
#ذوالفقار_سفيان
لابد ما نحصد ابايبهم حصاد
امريكا وإسرائيل نحرقهم معاً
وللجماجم حقهم نعمل مزاد
ولا فما احنا من ذراري(ذي يزن)
لا بد نحشرهم كما يوم التناد
عقب الحوارات الشقيه والهدن
#ابوشهيد_القطمي
يا لعن أبو إنسان راضي با الحياد
و الجيش الأمريكي في أطراف الوطن
واجب علينا ننطلق في كل واد
ندحر قوى تسعى على زرع الفتن
كشف الحقايق حآن يا القوم الجياد
و كل متستر ظهر لي في العلن
#عبدالواسع_صايل_الغولي
والله لو ترجع ارم ذات العماد
وعاد مانخضع لعباد الوثن
الشعب جاهز بالرجاجيل والعتاد
يذود عن دمه وعرضه والوطن
رهن الاشاره والاصابع ع الزناد
في ظل قايد فذ شاجع مؤتمن
#اكرم_النيعاني_ابونبيل
دخول الامريكي خطر يهل ارشاد
مابش لهم امنه ولافيهم ركن
كلين يطرح كفته فوق ازناد
الشعب كله من كتاف حتى عدن
ندك الامريكي ونطحن قوم عاد
ونطرد المحتل من ارجاء الوطن
#ريدان_يحيى_الشامي
لبيك يا ارض الميامين الجياد
لبيك بالجيش المجاهد يايمن
جيناك والارواح في كف الزناد
لاضعف فينا لاتراجع لا وهن
بالله والقران لو نصبح رماد
تحت امر قائدنا نهاجمهم معاً
باندحر الامريك اذناب الفساد
من ضاحية جيزان لا ساحل عدن
#الشاعر_أحمد_الخاشب
إفساد أمريكا طغى العالم وساد
وتشهد ايام الزمن طول الزمن
إن شرّفت قرية ترجّعها رماد
وترد اعزّة اهل ذا القرية هَيَن
كلن يجهز يا رجاجيل العتاد
فالحرية يشتي لها موقف عَلَنَ
شاعر الباديه #سلطان_خضران
مادام الايدي قابضه فوق الزناد
ترحب على البارود امريكا ومـن
معها اتى والجمر من تحت الرماد
ماتحرق الا رجل واطيها إذن
تحرق بولاعه بعون الله وكاد
ماهي سوا قشه وقوتها وهــن
#الشاعر_أبوعزام_الشامي
لا بد ما ننفر جميعآ للجهاد
ونطرد الغازي ذي أحتل الوطن
وننهي أوكار العماله والفساد
ويرحل الغازي ويترك لليمن
هذا هو المطلوب منا والمراد
ومن غزي إرض اليمن فيها أندفن
#ابوشرف_خولان
يداتنا تبقى على زر الزناد
ونطرد المحتل يخرج من عدن
اقسم بربي ماخضعنا للعباد
دام الله المعبود قولوا للخون
مابانفرط في إرم ذات العماد
لومابقي رجال من نسل الحسن
#الشاعر_ابومقدام_الهمام
الله اكبـر ياطحاطيح العباد
اليوم لاعاصم منجي للخون
يالعن ابومن يعلن اليوم الحياد
وامريك تتجول وتعبث فاليمن
الكفر يسعى نحو تحقيق المراد
ياخذ وينهب كل خيرات الوطن
#الشاعر_ابورصيد_المرهبي
العز في اخشام البنادق و الزناد
ذي ما يدافع عن بلاده بايهن
اليوم يا احفاد الرجاجيل الجياد
هبو لتحرير الجزيره و اليمن
لن نقبل الذله ونرضى الاضطهاد
مادم عاد الروح تنبض في البدن
#عبدالقوي_البطل
يالعن أبو من لايزالوا في حياد
ولا لهم موقف وضح طول الزمن
يشوفوا المحتل حق الامس عاد
والصمت في داخل ضمائرهم سكن
لكن ومادمنا في السبع الشداد
باالله وثقنا وانتصرنا لاوهن
#أبوصخر_الجوحمي
ياشعبناجهز جيوشك والعتاد
نطردجيوش امريك وسعود الخون
مانرتضي للكفر يفسدفي البلاد
ارحل من الريان ارحل من عدن
الله امرنا في كتابه بالجهاد
ونقاتل اسرائيل وامريكا الهين
#صقر_الريمي_ابو_الذهب
يا شعبنا حيا على خير الجهاد
على يدينا امريك (ب)يدفع ثمن
و(الله)مانخضع وكافيكم رُقاد
يا كل ساكت ما لكم برضي سكن
وسيدي احسين ما توقع للبلاد
حصل وحاصل في الجنوب المرتهن
#مختار_البحري
ياشعب مايقبل مذلة وإظتهاد
ولارضي يحياء مكبل مرتهن
ثوراة الاباء لاتخليها رماد
قوات امريكا تعسكر في عدن
ياشعبنا خلي يدك فوق الزناد
ومن دخل ارضي فقل هذا اليمن
#حسين_الدهمس
حيا بداعي قد دعانا للجهاد
في راية ابن البدر والسيد حسن
والله مايبقوا دقيقة في البلاد
دام اليمن احرار ماعاشوا هين
هم يحشدوا وحنا علينا بالحصاد
نملي جهنم من جنود البايدن
#الشاعر_ماجد_عبدالله_القادري
اكيد ياضيف القوافي والجهاد
هذا كلامك صح في اهل اليمن
ابشر بعزك انت يدي والزناد
انا معك من وسط صعده لاعدن
لويحرق المريخ ويتحول رماد
لا بد من الغازي نكسيه الكفن
#الشاعر_ابوفضل_المتوكل
يحرم علينا اليوم ما نهناء بزاد
وارض اليمن قد داسها عبد الوثن
لو با نحارب حرب لا يوم المعاد
ويسرح العشرين مليون الدفن
ما نرتضي بشرار وارباب الفساد
في ارضنا يمركزوا كلا ولن
#الـكـرار_الـعـقـيـبـي
قولوا لامريكا وجيوش الاوغــــاد
ومن تحالف لاجل يـحتـل اليـمـن
هي مقبره من عهد الاباء ولاجداد
لـكـل غـازي ومـن غــزاها انـدفــن
ياشعب الايمان الجـهــاد الـجهــاد
نـقاتـل امـريكا مـع الـسـيـد مـعـن
#ابوحمزه_المقاش.
صدق العقيده فـالولاء والإعتقاد
يجري مجاري الدم فينا لا حزن..!!
وجيوش واشنطن لها دمغة مداد
تطوي جحافلهم من ابين لا عدن..
والنصر في القرآن ميدان الحصاد
والمسئله تحتاج فتره من زمن!!!"
#ابوحيدر_عامر
ثرنا معى اعلام الهداية والرشاد
أحفاد الانصار كلنا نفدي اليمن
يا شبوة التاريخ يالقوم الجياد
يا حضرموت يا لحج نادي يا عدن
يرحل عدو الله من كل البلاد
وجيش امريكى يعود في كفن
#ابـومـازن_الـرازحـي
الحل في شحذ الهمم والإتحاد
يامن يريد الحرية في ذا الزمن
لا أمـن لا استقـرار الا بالجهـاد
لا عز لا استقلال لصحاب الوهن
مايِخرج الغازي، سوى ضرب الزناد
وبتكملت مارب وتطهـر عدن
#الشاعر_حافظ_ابوراس
ياصبة ا دهم ياعبيده يامـراد
يااطرف قبيله جودها فيها سكن
لي منعـكم هبـه على ا ضهور الجياد
فوق الأجانب والملاعين الخون
ياما يخيب ضن العدوا في ماأراد
ولا علينا الايـمـه طـول الـزمــن
# محمد_المنصور
قد أكثرت في ارضنا امريكا الفساد
وايقظت ف (المنطقة) عين الفتن
جهاد يا قومي مع الباري جهاد
نرحِّل الغازين من ارض الوطن
ومعركتنا فاصله والأمر جاد
ولن نساوم في كرامتنا ولن..
#ابوهادي_صيفان
لاامن ل استقرار من دون الجهاد
وكل حالي في اليمن يرجع عفن
بوجود امريكا اللعينه في البلاد
باتنتهي لعراف وتحل الفتن
ياقبيله يادين يكفينا رقاد
جنوبنا خاضع لعباد الوثن
وين النشاما والرجاجيل الجياد
هيا انهضو حما عليها من دقن
#ابوالفتح_الجرادي
مشروع فرعون وثمود وقوم عاد
إفساد واستكبار من ماضي زمن
استكبرو عاثو في الأرض الفساد
بس السنن مأتغيرت نفس السنن
بايصبحو عبره كما ذات العماد
والعاقبه لله مافي الأمر ضن
#علي_حشفول_الهلالي
نقسم برب العرش لو نرجع رماد
ما نترك امريكي على ارض اليمن
والماضي اللي قد مضى هو با يعاد
غازي اليمن مضمون فيها يندفن
#ابراهيم_يحيى_المثنى
قولوا لبن عفاش والخاين رشــــــــاد
وين السياده لعنبوكم يـــــــــــا خون
لا امسى وصيك حلف واشنطن وعاد
سجِّل دخولك في نفايات الزمــــــــن
ما ينفعك - لا جاك سيدنا - العـــــــناد
و القى خطاب النصر من مينا عــــدن
#أبوتراب_الوادعي
اقسم برب العرش لو صرنا رماد
مانقبل امريكا على أرض اليمن
لو السماوات الفسيحات الشداد
تخسف وهذا الارض كامل تطحن
مانرتضي عيش الخناء والاضطهاد
والموت لأمريكا نرددها علن
مع العلم عبدالملك رمز الجهاد
بمضي وفي يدي سلاحي والكفن
#فايز_بقلان
يامرحبا ترحيب ونشد العتاد
هذا اليمن معروف ساحاته علن
من يشتي ارضي بانجازيه الرماد
فل ينتظر من يغزي ارضي للكفن
#حيدر_الصباري
اقسم بربش ياسماوات الشداد
لانفني امريكا معى كل الخون
نصطق معى الجبار لو صرنا رماد
هيهاة امريكا تحتل اليمن
احنا قطعنا العهد والدم المداد
نحمي بلاد العز من مكر الهين
#ابو_وعدالله_هفج
نــادا المــناد إلى الجـهاد ويا جيـاد
جيبوا المـناد واحملوا اليوم المـؤن
وحـولـوا جيـش المريكي لا رمــاد
وكــل مسـتـعــمـر معــاهـم يندفـن
مــادام باللــه العــزيــز الاعتـــمـاد
فبــاء نخـلي بيـتهم لابيـض يئـــن
#الشاعر_عبدالله_الحداد
مادام مـعانا الله خـلاق العباد
وكرار علم مقدام بانرعد علن
ماهمنا الم ريك جيشه والعتاد
يرحل المحتل مع الجار العفن
يحمل عصاته غد ولابالج هاد
أنشنها شعواء تسووقه للدفن
#ابن_دغشر_الشومي
والله مابه شخص يعلن الانحياد
كلآ ولا مؤمن يفرط باليمن
مسارنا واحد موحد بالزناااااد
من عاصمه صنعاء إلى ساحل عدن
مادام في نهج المسيره ذا الجهاد
ماخاب من شمر وكافح ذا الفتن
#ابو_جهاد_صبر
هيهات نـرضاء بالـخـناء والاضطهاد
باقـولـهاء بالـصـوت واعلنهاء عـلـن
كيف الخبر ياهل الجنوب الوضع حاد
ماهـو بـسـابر ذالـتـصـرف ياء عدن
لـو كـان إيـرانـي لـكـان الإنــتـقــاد
مـن شـعبناء ستاعـشـر مـلـيار طـن
لاكـن قـسـم بالـي رفـع سبعاً شداد
مانقبل الـمـحـتل لحـظـه ياء هـيـن
#ابوهادي_جليدان
سلام يرسل. ينطقه ضرب الزناد
وتحيتي من موت ماشي له كفن
يامرحبا ترحيب من جاااا للبلاد
دارت عليه اليوم دايرت الزمن
جهاد لعنة من. رفض هذا الجهاد
لاهو بمسلم ولا تكنا لليمن
#شاعر_نهم_عباد_حاتم
جهادهم واجب ولا فيه اجتهاد
لن ننتظر والسم ينخر في البدن
بانمتطي ظهر المغيرات الجياد
و نطهر المهره و تتطهر عدن
وتجي لهم ضربه كما جت قوم عاد
حسب المصاديق الالهي و السنن
#الشاعر_ابوعساف
لـبيك يـاصوت الـكرامة والـجهااد
لـبـيـك جـهـزنـا الـبـنادق والـمـون
أصـابع أبـطال الـيمن فـوق الزناد
رهن الإشارة نطحن الغازي طحن
ربـــي عـلـيـه الـمـتكل والإعـتـماد
مـا قد خذل مؤمن على مر الزمن
#حمزة_الحيمي
ياشعب فيه الاوفيا فيه الجياد
شوف الوطن سارح إلى قبضات من ؟
حاذر تبيع الأرض في بيعة مزاد
حتى لو البيعه على ثنتين لِبن
لو شلّت امريكا من الرمله (معاد)
جِعْل العزاز اتبايع الناس الهيّن
#ابوناصح_العزي
سيدي حسين اعلن على امريكا الجهاد
وحذر الامه ولمريكا لعن
كشف خططها والطمع والاضطهاد
في الشعوب المسلمه تزع فتن
واحنا لبو جبريل جنده والعتاد
يضرب بنا الغازي بشبوه اوعدن
#علي_بن_علي_مسرع
بايفتحو جمرك مذلة واضطهاد
ويجمركونا بالمذله والوهن
هذا هدفهم بايعوثونا فساد
ويريدوا ابنا الشعب فايديهم هين
لاما توكلنا جميعا للجهاد
فالذل بايصبح ضريبه في اليمن
#ابوحرب_الفقيه
قلو للمريكي عليه الابتعاد
من شعبنا ويغادرو ارض الوطن
ولا فيبشر بصواريخ البعاد
يلقين حلفه في بلدنا لم يكن
وبانخلي الامركه تعلن حداد
في يوم نرجع جندها داخل كفن
#ناجي_القطيبي
ياثورة اكتوبر قدالمحتل عاد
ان زد جو اصحاب المسابح والدقَن
يصحّو الاصلاح واصحاب الرّشاد
والانفصالي ذي تشكّل في عدن
ملعون من باع الكرامه فى المزاد
وصار للمال الخليجي مرتهَن
#المنشد_قاسم_الفرح
ياشعبنا هبو على ظهر الجياد
هبة رجل واحد وصرختنا علن
بل موت لمريكا وارباب الفساد
ونقطع الرأس المهندس للفتن
لا أشر القائد حصدناها حصاد
معا تحالفها الغبي المرتهن
#الشاعر_محمد_ابوالعز
شب النكف ياشعب الاحرار الجياد
واحشد رجاجيل الحرايب والمحن
ماعاد للاقوال صوله فالشداد
ماعادلها الا افعال ابطال اليمن
الحريه تبدأ باعلان الجهاد
مادام الامريكي غزا ارض الوطن
#جلال_مبخوت_الغولي
ياحرب عاد احنا الرجاجيل الشداد ..
واحنا رجال الحرب وابطال اليمن
عاد الاصابع جالسه فوق الزناد
وعاد فينا عزم عالي ماوهن
لابد مانجعل قوى امريكاء رماد
وملحمة تبقى على مر الزمن
#فارس_الجعدالي
نقسم برب الكون خلاق العباد
الواحد الفرد العظيم المؤتمن
ما نقبل امريكاء الحقيره في البلاد
قل للمريكي والعميل المرتهن
والله ثم والله لو صرنا رماد
هيهات لا يمكن نفرط في الوطن
هذه اليمن ماهي الرياض واسلام اباد
هذه اليمن هذه اليمن هذه اليمن
هذه اليمن واحنا ألو البأس الشداد
بانطرد امريكاء والاذناب الخون
#ابوليث_مران_عردوم
احنا اولو قوه والو بأسٍ شٌداد
يشر فقط عبدالملك واحنا نحن..!!
والله لا نبلع ابوهم كالمضاد
ونطر ابوهم طر من ساحل عدن""
طراد واصل بعد غازينا طراد
والموت لاسرأئيل وامريكا معاً...
ذي جا يدور شبر با يرجع معاد..
وجنود ابو جبريل ما تعرف وهن“
#الشاعر_محمد_منصور_الميادين
والله ثم والله ماعشنا النكاد
ولاقبلنا بالمذله والوهن
لوتستمر الحرب لايوم المهاد
ولوقتلنا كالحسين اوالحسن
واقسم برب الكون لوسرنا رماد
مانبقي امريكي بشبوه اوعدن
#أسـامـة_المـعبـاء
ولو حشدتوا الجحافل والعتاد
لغزو شعبي يا طغاة اخر زمن
فبا تلاقوا رد الابطال الشداد
تذوقوا منه الويل في يوم الطعن
الوعد منا الوعد يا احفاد "عاد"
ان مقبرتكم جاهزة داخل "عدن"
#ناديه_السقطي
ويش عاد بعد امريك بالله ويش عاد
في حضرموت والمهرة اليوم او عدن
جهاد واستعداد ياشعبي الجياد
والكل هو مسؤول عن هذا وعن
كل احتلال في ارضنا منه استفاد
الغزو الامريكي وصناع الفتن
ياويل من يسكت على هذا الفساد
ملعون من الله والملائك والوطن
#بحر_القحوم
مشروعهم مرفوض فطرة واعتـقاد
ولاحـدا يـرضـا بـهـم طـول الزمـن
من يـقـبـله مابـه على قـلبـه نُــقـاد
اصبح مريض القلب واصبح مرتهن
جـهـاد ضــــد الــكـفـر لا للارتــداد
لانّــا مــع الـرحـمـن مـانـقـبـل وهـن
#عبدالله_محسن_جحاف
لبيك يالبيك ياداعي الجهاد
مادام ابوجبريل قايد مؤتمن
الكل قدجهز سلاحه والعتاد
نطردأبوالمحتل ونحررعدن
قوه بعون الله وعاداحنا وعاد
قل للعليمي نعن ابوكم ياهين
#ابورعد_الشعراني
بالدم نكتبها إذا جف المداد
وبصوت عالي يسمعه كل الخون
ماعاد بانقبل سكوت ولا حياد
لابد من موقف صريح واضح علن
مادام الامريكي وصل حان الحصاد
فاحنا حماة الدين حراس الوطن
#وهاب_علي
وين(الكثيري)و(الحمومي)يا(سعاد)؟!
(سيبان) (ضنة) (آل نهدي)و(القطن)؟!
يا(كندة) الأمريك في (ذات العماد)
وطلايع المارينز حلت في (قشن)
و العار تاريخي إذا المحتل ساد
هل عاد في (دمون) للغيرة وطن؟
#علي_عبدالله_المهدلي
والله ما يـرتاح بــال لـلقوم الجــياد
والامريكي يـسرح ويــمرح بالـوطـن
لازم ما نجرعه بأس الــقوم الشـداد
ونستأصله ونمسح بعده كل العـفـن
والـيمن للـمحتل والغزو بالـمـرصاد
ضروري يرحلوا من أرضنا كل الهّين
#مجيب_الله_علاو
والله لوخضنا المعارك دون زاد
باسأوقوة فى الشدايد والمحن
لومايخبر عننا رايح وغاد
في درب طه وال بيته لا حزن
لاخوف على انصار الله اليوم الحصاد
ماهو على ابوه من تقاعس اوجبن
#مالك_الاشتر
جهاد بسم الله نادانا الجهاد
هيهات منا الذل ولو يغلا الثمن
نقسم برب العرش مانهنا الرقاد
مادام جند الأمركة جت لاعدن
تحرم عليهم ارضنا تحرم وعاد
بانرفع الصرخة بواشنطن علن
#ابوزينب
قل للذي مازال يطغى في البلاد
وايساند المحتل يعبث باليمن
هل شفت ماسواه ربي بـ (عاد)
ومن عصى الرحمن في ذاك الزمن
لاتحسب امريكا واسرائيل عاد
باينفعوك اليوم أو يبنوا عدن
والله مانالوا ولانلت المراد
وأسأل ابوجبريل والسيد حسن
#ناشر_القعود
ياشعبناواصل كفاحك والجهاد.
في ظل ابوجبريل لا تخشى الوهن.
القرد الامريكي طغى ظلمه وزاد.
عبر التحالف والعميل المرتهن.
واليوم جاء بالجيش حقه والعتاد.
يبني قواعد عسكريّةفي اليمن.
واحنا رجال الحرب والبأس الشداد.
والعهد منا يرجعوا بين الكفن..
#محمد_الوتاري
سياسة الامريك فرقنا وساد
واحتلنا حوول شريعتنا وثن
غير مسار البوصله حق الجهاد
وصار قدس اليوم هانا في عدن
عادت لنا أمريكا وعاد الغزو عاد
ياقدس مثلك كلنا حتى اليمن
#الشاعر_ابوذر_الشعف
ياشعبنا إذا ما انطلقنا للجهاد
ونبذل الأرواح ذي جوف البدن
هذي المريكي جاء يسعى بالفساد
ويزرعوا في شعب الانصار الفتن
اذا ماجعلناهم عبر بين العباد
بايزرعوا فينا المآسي والحزن
#شاعر_ضد_العدوان
قـد عـزنـا الله بـالـكرامة والجهاد
لـكـن بـعـض الـنـاس دايـم هَـيَـن
الــيـوم الامريكي مكيـف فـالبلاد
بالمال ادخلوهم لعن ابو تاك الدقن
يـاشـعـبنا اصحى وسـارع للجهاد
قبل ما الامريكي يدوسك فالجبين
قـد قـالـهـا ابـن البدر فـي كـل واد
اكبر خطر دخـول الامريكي اليمن
#الشاعر_ابواحمد_ذويب
اليل يابوح المشاعر والزناد
اقشع ودمر كل من يغز اليمن
وقلب ودمر عاد والي بعد عاد
وقل لغازي شعبنا الحر اندحن
مادام ومريكاء تبي غزو البلاد
حماء الحاء لوشعبنا اصامد هدن
#الشاعر_ابونجران
ياصاحبي قد زاد فالشعب الفساد
من باطل امريكا وصناع الفتن
الله يلعن كل من خان البلاد
والله يلعن كل من خان الوطن
صنعاء من اجلش ياعدن تعلن حداد
والشعب بيعزي على سمرء عدن
#وسام_الحنش
جهاد ياشــعبــي على ارباب الفساد
الجيش الامريكي غزى ارض الوطن
لا ما انتفــضــنا كــلنــا نعلن جهاد
حمى علــيها امجــادنا ياهل اليمن
#ابو_حمزه_الجاهلي
مشروع امريكا بتذ ليل العباد
متمسكه فلغزو بلناس الهين
عدو لها ياقوم من كل العتاد
اما نعيش احرار او تحت الدفن
من يطلب العزه ميادين الجهاد
منهو معا الله فز ماينظر غدن
فحنا وصفنا بلرجاجيل الشداد
ذي ماحنو هامه لعباد الوثن
#ابو_عدوان_العميسي
يمين بالله لطحنه مثل الرماد.
واجعله بلارض عبره للزمن
هاذا يهودي لاسكت عن ضلم زاد.
يحلم بارضي لاقد احنى بلكفن
#رعد_هفج
الله وأكبر تجعل امريكا رماد
مهما تكبر حلفهم بايندفن
ونجعل الأشلاء تطاير ك الجراد
ويموتوا أصحاب العماله والفتن
#عبدالحافظ_علي_صبر
لاكـن قـسـم بالـي رفـع سبعاً شداد
مانقبل الـمـحـتل لحـظـه ياء هـيـن
والله يامـــحـــتـل مـاتـهــنـاء رُقـاد
مادام مـالـك عـنـدنـاء غـيـر الكفن
ابــشــر نــردك لا بــلاد امــك رمـاد
وتـكـون عـبـرة جـدتك طول الزمن
#عبدالولي_الحسني
ياقيال (تبع) احذرو ذر الرماد
على العيون للشعب عقباه الوهن
الجيش الامريكي بزادة والزناد
على سواحلنا نجهزله كفن
قدقالها سيدي حسين خير العباد
نجاهد امريكا وعباد الوثن
#هادي_حسين_الرزامي
جهاد واصل ضد امريكا جهاد
والتضحية واجب على شعب اليمن
والله ناصرنا بساحات الجلاد
من يوم قلنا الله اكبر لاوهن
والموت لامريكا شعاري والعتاد
ومحكم القرآن منهاج الوطن
#ابو_هادي_الغمري
جهاد نحو العز يا القوم الجياد..
يا لعنبو مــن حاد واتحيد علن...
ها قد اتى واحنا نجهز له عتاد..
نــــاتــيــه لا داره وجـانا لليمن..
اذا سكتنا استبدو فــــي البلاد..
والاضطهاد يعـم ارجاء الوطن...
#صالح_حسين
قال ابن شبوه شل يافكري المداد
وانظم حروفك هات نظمك ذي اتزن
ياضيف حيابك وحيا بالجهاد
ماغير لعكب باعها بابخس ثمن!!
وابن الوزير الهيس لمريكا مقاد
وبن عديو الفسل للغرب ارتهن
جاك النبا ياخوي فيه المستفاد
مايوم طبع المرتزق حب اليمن !!
#إتحاد_الشعراء_والمنشدين
في الخميس 09 مارس - آذار 2023 07:11:38 م