|
على طاري لمير الخالدي يالدر يالياقوت
يمين الله وعهدالله على دري وياقوتي
يمين كتابها باعناقنا وارقابنا موقوت
علينا كان وعدا كالصلاة الخمس موقوتي
منين العز واشراف المراجل يارجال الموت
على طاهر ثراها ارواحنا واستشهدي موتي
تحدينا وقارعنا دول عدوانها جالوت
علينا سبع تعشر دوله تحالف وطاغوتي
مع اصوات الجماله والمواقف صوت يعلاصوت
على صوتي على صوتي على صوتي على صوتي
ومن شامخ سبا هيلان غيم فوقنا الباروت
وطال السد واخشام البلق حربي وباروتي
وياضعف الدلي والقل واللي معه حد خوت
وانا يطول راسي عز في ربعي وفي خوتي
رقينا العز واعطينا النوايب ضرب بالنبوت
ولقينا مناحرنا للمستكبر وكهنوتي
وقمنا في شغام الحرب العدوان كالباهوت
وجينا غصب فوق خشوم باروني وطاغوتي
ولاطعنا لوطي روسنا والحوت ياكل حوت
وفضلنا الكرامه واجتبينا الصبرعالقوتي
نموت احرار والناموس في هامتنا منحوت
ولانحيا حياة الذل بل هيهات هيهوتي
وهاهي حربكم واحلافكم ياهي وراق التوت
تلاشى حلفها المهزوم من لوبي ولاهوتي
افا يمسحين الجوخ افا يمزينين بشوت
افا يابايعين اوطان افا لوطول سكوتي
افا ياخاينين الدم افا ياجايعين القوت
افا ياناكرين العرف افا ياكل شموتي
افا يا بايعين العرض افا ياخاينين بيوت
افا ياطاعنين الظهر افا ياكل ممقوتي
اسرنا كالسباع ولاتزحزحنا قدم اوفوت
وكنا مقبلين بوجه نفطنجي ومازوتي
وخضنا حرب مافيها تكافوا والخصوم شموت
من اهل العيب واهل الخيب ذي راعي وذي شوتي
وهانحنوا طلعنا منها شم الانوف بهوت
وحطمنا قيود اغلالها يا كل جبروتي
#إتحاد_الشعراء_والمنشدين
في الثلاثاء 18 إبريل-نيسان 2023 02:04:31 ص