|
الاحمـــدي قال لـ اعيـاك العيــا
قطع شعـابه خلـب والا يبــــاس
لا يستفــــزك قلالين الحيـــــــا
ولا تسمـــي كثير النــاس .ناس
ذي انكـــروا معجـــزات الانبيـــا
تلبســـوا بالشيــاطين التبـــــاس
أفعــــالهم ما تصيــــد الا ابريــا
واقــوالهم ما لصحتهــا أســـاس
عقـــــول لهفــــي عليهــا لهفيــا
طبلونها فاصل الخمس الحواس
داب السعيـــده و دأب الاشقيــا
شديدة الباس لـ اشتد المــــراس
تاريخهــــا عـــذب الجغــــرافيـا
بحكم الاجمـــاع ماهو بالقيـاس
يـ اهــل البلـوتوث واهل الـزابيـا
حملتــوا الوهــم بالفيبــر قـلاس
سميتـوا الحــظ لعبـة لـ ذكيـــــا
والحـظ لعبــة أولو قــــوه وبأس
من عـــاش يحـلم بهــالة كبــريا
با يختلـس ضو الإعلام اختلاس
ويش اكلفك يا دعي قال: ادعيا
من بزت خيبتك قال : النفـــاس
يا بـوح منــك ويا بي يا بيـــــا
حمى على لحيتـــك يابو نواس
خليت زريــاب .. ياكلهــا نيـــــا
والبرمكي يضرب القملـه بفـاس
حمول لـ اسفـــار مسقي مرعيــا
أما الفــرس ما لها إلا ابو فــراس
فلا الشيــاطين صــدت لـ وليــا
ولا الذهب بايصــــديه النحــاس
ما قيمـــة الفالصــو غير الـــريا
الفالصو فالصـــو والمــــاس ماس
لا تحزني ياجنــــوب افـــريقيــا
الجـــاريه ما تهــــز الا بكــــــاس
ضحك عليهــا زعيــم المــافيـــا
كـوده يدق المــرافع والطيـــاس
خلا العـــرب والعــروبه سخـــريا
ذي سـوقهـم مثلما سوق العـراس
ومن خــــرج من بطــولة آسيــــا
دخــل أوروبـا على خـط التمــاس
لا هـو ولا هـم على الدين اوصيـا
الدين لله و الكبــــر انتكـــــــاس
ولا تزكــي على اللــه ازكيــــــــــا
للجيــد وزنه وللفـــاتر مقـــــــاس
بن اليمـــن غير قهـــــوة ســـوريا
مالك وما للتطـــــابق والجنـــاس
خلك معي واشـــرب المـا مرقيــا
ياذي تبـا لك من النــــور اقتبــاس
الصبـر برهــان والحكمـــه ضـيــا
والعقل سلطــان والتقـــوى لبـاس
و قاضي الأمر أمــــره مقضيـــــا
ومقتضـى الأمر ما يقبــل مسـاس
ما دام والعـــــاقبــه للاتقـيــــــــا
ابشـــرك ما من الله قطــــع يــاس
اهم شي لاتحـــــزم باغبيـــــــــــا
بعض الجنـــابي تبا نصـــله وراس
لو شي نبـي با يجــي من تركيـــا
ما كانت ايران ذي تدعم حمـــاس
#إتحاد_الشعراء_والمنشدين
في الأربعاء 17 مايو 2023 06:37:20 م