فارس المعزبي

من ارض الانصار ذي حلَّـة قبايلها
حصون فوق الجبال السود محموله

لبيك (آيات) شبّــة في مفاصلها
نـار العـــداوه بـِيـَد الكُفْر وارجولَه

لبيك و( المنهجيـه) قـال قايلهــا
حان التحرُّك على الطاغوت وذيولَه

تمزيق وإحراق للمصحف بكاملها
أمـام اهـل السويد الشعب والدولــه

أستهدف المرجله وأقلق مراجلهــا
وأعلن على المسلمين الحرب مشموله

إمــا مـع اللـه وكتابه نواصلهـا
وإلّا نقـول القضيه سهـل محلولــه

لي منعكم لا نوافـق راي قَابِلهــا
ولَا نصادق على كلمات معسولــه

ولا نساوم على اُولىٰ مراحلها
مادامت المرحله ذي بعد .. مجهوله

فَـعْلـَـه ولا بُـدّ من تـأديـب فاعلهـا
من قبل يرتدَّ لــه طرفه بقيلـولــه

تبّت يــده ..محرق المصحف وراكلها
وتبّت ايدي حكومه عنـه مسئوله

ولا رَفَعْ راس اُمّـه شـــاخ كاهلها
وهيْ عـن الآل والقرآن مشغولـــه

فيها من الصمت عن كبرى مشاكلها
ما بالخشب في بقايا دار مهمولــه

أُمّــه تصفِّـق وتتـودَّد لقاتلهــا
وتقبِّل الارض بين ايديه مقتولـه

والخوف موجود خارجها وداخلها
من يوم صارت عن النورين معزوله

لا فرق مابيـن عالِمها وجالهــا
متمسكنه رغم قوتها ومذلولــه

وشعب الايمان يتصدَّىٰ نوازلهــا
بأمر قايد جميع الناس يصغوا لـَـه

#إتحاد_الشعراء_والمنشدين

في الجمعة 04 أغسطس-آب 2023 10:15:22 م