|
غـريم الـرواتب راعـي البنك الاهلي
بـثـرواتـنـا جـــدد حـسـابـه شـبـابـه
ويـصرف حـصاره لـليمن جوع كلي
ومـــن نـفـطـنا زاد الـجـنابه جـنـابه
قـليل الـحيا والـدين يـابي ويااهلي
عـلى البيب متحوز وضرع احتلابه
يـكـيل الـبـواخر كـيـل نـهّاب دولـي
يـعـبّي بـقـشها فـي حـساب الـمعابه
يـجـسد دنـو الـنفس تـجسيد فـعلي
بـقـبح اسـتـعذ بالله مــا لــه مـشابه
كـرف للموارد كرف عرضي وطولي
وضـاعـف بــدمّ الـكادحين اكـتسابه
فـمهما جـمح بـا يـطّرح تحت رجلي
ومـا حـيل مـن تـطبيق حـد الحرابه
يـطـعـفـر لــوالـد والــديـه الـمـحـلي
طـويـل الـمـدى ويـحـرّ حـرّ الـغُرَابه
سقوط البقش فالبنك الاهلي مظلي
وتـتـلـبد الــثـروه سـحـابـه سـحـابه
مـعاشات في ميزان شهري وفصلي
بـمـتـواليات اجـحـاف تــدي الـكـآبه
غـريمي غـريمك غـير ذا لا تـقل لـي
تـحالف قـرود اتـسموا اقـذر عصابه
وبـيـني وبـيـنه ثـار مـن دهـر يـغلي
وذا مـا حـسب قل له يراجع حسابه
#إتحاد_الشعراء_والمنشدين
في الأحد 13 أغسطس-آب 2023 11:03:54 م