|
افْتك من حرب واواجه حــروب افتك
عيـــــال الابراج قـــادوها عـلى جرفي
هزت ثبات الرواسي والحـــديـد الْـتك
يوم اسقفتها طــــواير والهدف سقفي
كم الدول صعّدت والجيش كـم تكتك
لعلي او يا عساي اظهر لــهـــــا ضعفي
وانا لو العظم من حِمل الزمان احتــك
ياعزة النفس بـايبــقى الـــوجع مخفي
منشان بــاب التشفي لا انفتــح يصتك
ويمــــوت بالغيــض متشمت ومتشفي
ياصاح لليسر والشــــــدة تحــزمتـــك
يوم اصبح الصدق ضايع والوفا منفي
قطعت عـمـر الـــرفــــاهـــية وعمـرتك
اوجع بك اكباد في ساح الوغا واشفي
انا الــــذي عن جميع الخــــلق فضلتك
في كفك الروح وانتــه روح فــي كفي
علقتني فــي المــواقــــف بك وعلقتك
يااعز واغــلا من اتــــعلـق على كتــفي
على الوفـاء فـي ميــــــادينه تسلحتك
توفي بالإثخــان وانا بالثبــــات اوفــي
كل البنـــادق سلَب وانـــا تبنــدقــتـــك
لسلْب الارواح مـــــاهــو للصــور سلفي
عـــزة وتطبيق لأمــــــر العــــــز لقمتك
مونة تعينك عـلـى تطبــيقـك الحــرفي
الشــارده لا اطــرفت والـــوارده تشتـك
وانا على الشاردة والــواردة طـــرفــــي
وحكمك الماضي ارشد حـــين حكمتـك
تحكم على الصـيد حكم اعدام او تعفي
#إتحاد_الشعراء_والمنشدين
في الإثنين 28 أغسطس-آب 2023 09:26:34 م