المجاراة الرابعة بعنوان #طوفان_الأقصى

البداية #الشاعر_نضال_حميد

اين الحميه ياشعوب الأمه
وين الأخاء يالعالم الأسلامي

غزه تنادي كل مؤمن باسمه
للبوا ندا الجرح العميق الدامي

من عاد في قلبه لغزه رحمه
للبى الندا مادام عاده حامي

وقفه وردت فعل واقوى هجمه
ضد الكيان الغاصب الاجرامي

#ابوبحر_علي_احمد_مطر

شعب اليمن وقّع و حطّ البصمة
في موقع العز الرفيع السامي

مقاومة كلّن يوجّه سهمه
نحو العدو ارمي معي يا رامي

بمستوى الموقف و معنى الكلمة
ماهي دعاية أو شعار إعلامي

ذي ما صحي لليوم يفحص دمّه
يختار -o أوصهيون +o أوقسامي

#الشاعر_فرحان_السلامي

بسـم اللـه الرحمـن قبـل الزحمـــة
لبيـــك يـالأقصـــى بكمّــن رامـــي

دون لنـا التـاريـخ يـا ابـو شــرمــة
و افرض على الاعراب امر الزامي

يـا أمّــة الإســلام نشتــي حـزمــة
لنصـر غـــزة بـالجهـــاد السـامــــي

لابــد مـا يسقُــط شعــار النجمــــة
و يـرتـوي حـد السـلاح الضــامــي

#أبوإسماعيل_الجابري

طوفان يجرف صانعين الظلمه
وغطرسة محتل زاد إجرامي

وكل مؤمن حر باذل دمه
من أجل نوصل لى هدفنا السامي

واليوم ابو جبريل حيا شمه
أثلج صدور العالم الاسلامي

#فارس_المعزبي

الدّم واحد والجسد واللُّحمه
والصَّف متوحد(يماني)(شامي)

با نقتسم خوض الحرايب قسمه
رامي من (الاقصى) ومنّا رامي

دَمّ الخوي دَمِّي ودَمِّي دَمَّه
والود باقي والأخا متنامي

هذا وتُبــرا يارجال الذمه
من خاين الاقصى بكل ايامي

#بندر_السقاف

ماحد حمل مثل اليماني همه
ويشاطره دايم مدا الايامي

قضية الاقصى جرت في دمه
وشعوب الامه ذلها الحكامي

الكل يثبت في حظوره باسمه
القدس تحريره وجوب الزامي

ومن تخلف بايجي له قسمه
والقدس بعد اليوم لن ينضامي

#ناجي_القطيبي

غيرة هَلَ الايمان واهل الحكمه
لها صدى عند العرب متنامي

لاحد يقول احنا نشكّل زحمه
رمياتنا ماقد رماها رامي

واحنا لامتنا اعدنا اللحمه
بين اليماني هو واخوه الشامي

ونصرنا في ظل هذ، الازمه
حتمي على اقطاب الصّراع الدامي

#يحيى_الوحيشي

قد العرب يا صاحبي مهتمه..
بالهالوين وكل فعل اجرامي..

اما الاخاء يتقربون بدمه..
في مسرح التطبيع جهر اعلامي..

كل العرب ما عاد معهم ذمه..
ولا ضمير(ن) حي يروى الضامي..

الا اليمن بإيمانهم والحكمه..
ذي سيفهم في(عوز ناحل)حامي..

#أبوصياد_الغمري

واجب على الابطال شحذ الهمه
نلبي الاقصى بكـــــــل إقدامي

من ضل ساكت مابقي له ذمه
عن فعلت إسرائيل والخدامي

من كان يجري العز داخل دمه
لازم يلبـــــــي دينه الإسلامي

يفزع مع غــــــزه ويفتح فمه
لايرتضي صمته على الإجرامي

#عزالدين_جحاف

طوفان الاقصى بايشد الهمه
ويمدنا بالبأس والإقدامي

يوصل الأمة لأعلى القمة
من الكرامة والمقام السامي

من ينتمي للدين يأخذ سهمه
يدعم سرايا القدس والقسامي

وشعب الايمان القوي والحكمه
مواقفه تشفي من الأسقامي

بلبل النصر #حسن_المهدي

اتـجـرعي يــا تــل ابـيـب الـنـقمه
واتـبـغمي مــن غــزه الـمـرجامي

ضاقت على شمطا الخليج اللثمه
فـي مـشهد اتصدر قبيح اجرامي

والـطـبـخه ايــاهـا وذات الـبـرمه
عـلـى الـعـرب والـعالم الاسـلامي

وكــل مـتـصهين يـكن فـي عـلمه
طـوفان الاقصى ما يحده حامي

#أبوشوامخ_الوعل

من يدعي لسلام شد الهمه
مع اخوته يوقف بموقف سامي

نحو العدو كلن يوجه سهمه
يا مسلمين الامر هاذ الزآمي

يا ذي تسوو كل ساعة قمه
ذي ما وقف جنب اخوته ملتامي

ماحد وقف منهم ولا ادا كلمه
حبوا المذله اغلب الحكامي

من غير حزب الله وشعب الحكمه
نال الشرف من قايده مقدامي

#ضيف_الله_هجوان

ماعاد باقي في العرب غير اسمه
ودم العـــــروبه ما بيروي ضامي

من كــــــــل دوله ماسمعنا كلمه
ضد العـــــــدو وفعله الاجرامي

الا اليمن الله يقـــــــــوي عزمه
ويديم ربي قايده والحـــــامي

ماقاله السيـــــــــــد براءة ذمه
من الجانب الحربي والاعلامي

#الشاعر_ابوجهاد_صبر

من موطن الإيمان وارض والحكمه
لبيه يا داعي النكف قُدامي

نحوك بـ أشدّ العزم هو والهمه
يا قدس وافدي تربتك بـ إعضامي

قد قال رب العرش وصت الختمه
فرض الجهاد للمسلمين إلزامي

ذي هاتفه خارج نطاق الخدمه
اتاكد إنه لليهود إعلامي

#محمد_الاخرم

جهاد لمّا يحكم الله حكمه
نذود عن مسرى النبي ونحامي

وكل مؤمن حُر يشحذ عزمه
ناخذ بثار القدس والايتامي

الله خلقنا لليــهودي نقمه
وسلاحنا لدماء اليهودي ضامي

كاتب يشارك في المعارك قلمه
ويشارك الشاعر مع الإعلامي

#الكرار_المشراقي

نادا المــنادي يارجــال الهــمه
منهو لاخذالثارعاطش ضامي

لــثــأر غزة بايــجـــدد عـزمه
تطهير لاسرائيل والاقزامي

في صف واحد نجتمع وبكلمه
ضد الكيان الظالم الاجرامي

ثوروعلى الباطل ودوسوخشمه
في كل ميدان حربي واعلامي

#أبـورمـاح_شـداد

القدس نادى ياشــــعــوب الأمه
طوفان الأقصى مثلما تسونامي

وين الغضب والعزم ويـن الهمه
وين اليماني والوفـــود الشامي

سافـك دمـــانا بُـــد نشرب دمّه
ونروي الشعــب الأسير الظامي

لاعاش من يخضع لقوة خصمه
والأمر في حرب اليهود إلزامي

#ابوهادي_عقاب

طوفان الاقصى ثار فوق الظلمه
واقبل على اسرائيل بالاقوامي

صبح على جيش اليهود يكمه
خلا جثثهم بالميات اكوامي

كتايب القسام نادت باسمه
من وسط غزه فجرت سونامي

لبى النداء شعب اليمن والحكمه
والسيد القايد جوابه حامي

#أبوحسين_العرجي

طوفان الأقصى قد ركمهم ركمه
طوفان خلّف بالجثث مركامي

يأرض غزة كل واحده حلمه
يرجم على اسرائيل لو مرجامي

وكل إسرائيلي أخذ له قسمه
من الخزاء والذل قدوه الزامي

ومن يطبع ناولوه بالبغمة
اجرامهم قد زاد في الاجرامي

#ابوشهيد_القطمي

هذا الحدث يا قوم يشتي حسمة
لازم نلبي و النفير إلزامي…

كمة على اسرائيل با اقوى كمة
من كل جانب با يصل ملطامي

الله حذر منهم في الختمة
وضح لنا خبث اليهود العامي

با تنعقد في القدس آخر قمة
وبعدها النصر الاكيد لأقوامي

#ابواحمد_الغفاري

اليوم شاهدنا افتراق الأمه
وشفنا اجتماع الباطل المترامي ..

لي في مجاراة النشاما كلمه
تجسيدها في قادم الأيامي ..

شعب اليمن جاهز بكامل غُرمه
والحشد والتجهيز له متنامي ..

با يستعيد القدس، شعب الحكمه
لا تحسبوا هذا الكلام إعلامي ..

#محمد_البريهي

من موطن الإيمان وارض الحكمة
لأنصار دين الله موقف سامي

واحد ومايقبل أبد للقسمه
وأقسم قسم لو يحكموا بإعدامي

قضيتي الأولى قضية أمه
وجهادنا ضد الكيان إلزامي

معك معك يابدر ماحي الظلمه
لدماء بني صهيون شعبك ضامي

#صقر_الريمي_ابو_الذهب

لبو النداء كــــلٍ يصرح بسمه
بدعم لوجستي ودعم اعلامي

غزة تناديكم والاقصى حلــمه
موقف مشرف من بلاد اسلامي

يــــــامرحبا بالنصر حيا شمه
والفتح من ربي لجنده حــامي

اليوم (ي)الاعراب شدو الهمة
ندعس على اسرائيل ب الاقدامي

#محمد_الزكري

كلمه وربي انها كلمه
نوقف ولو بل واقع الاعلامي

القدس محتاجه لكم ياامه
لبو نداء الجرح العميق الضامي

لا حد يقوول اليوم مدري للمه
اليووم يووم النصر للاسلامي

فزعه وذي ما يستجيب ياحمه
كيف باع دينه والضمير الحامي

#علي_الشعيثي

حب الشهاده في سبيله نعمه
ونصرت الاقصى قرار الزامي

ويل المطبع يوم كشف التهمه
كلن معه يوم الحساب اعلامي

همه مع طونان الاقصى همه
القدس في قلبي وفي صمامي

ومن تخلا عنها علم امه
والله مايبقا حجر قدامي

#وسام_الحنش

حيا ذي اتجواب وحيا شمه
والله يلعن كل من متعامي

ذي ماوقف حتى ولو بالكلمة
ضد العدو الطاغي الاجرامي

حكام الامه من اذلو الامه
ومن يصيح يسكتوه الزامي

ياقدس جاك اهل الابا والحكمة
قادات نُصرة ديننا الاسلامي

#علي_حشفول_الهلالي

الامة اضحت دونما شي ذمه
حتى في اسهل جانب الاعلامي

كلاً من التطبيع يلحق قسمة
واصبح رضاء اسرائيل شي إلزامي

الا اليماني حي والله شمه
ما زال متمسك بمبدأ سامي

ان القضية دايمـا في القمـة
تحرير ارض القدس يابن الشامي

#أبوحسين_العصري

لبيك يا الأقصى نشد الهمه
طوفان يصبح جنبه اتسونامي

كموا ابتهم يا النشامى كمه
دام السخط في دمنا متنامي

من موطن الإيمان وأهل الحكمه
الشعب كله جنبكم قسامي

قل للمطبع با تجي له نقمه
عار الخيانه يلبسوه إلزامي

#عبد_ربه_الحداد_البيحاني

في دعم الاقصى يارجال الهمه
فزعه عروبيه وموقف سامي

لاعاد فيكم يالنشاما ذمه
جهادنا واجب علينا اللزامي

افعال بعد افعال قبل الكلمه
لي منعكم ياكل قانص رامي

#ابواياد_المطري

ذي ما وقف في جنب غزه؛ للمه؟؟
ما يمنعه؟ دام الوقوف الزامي

هذ القضية لا اختفت من دمّه
قدهو يهودي لليهودي حامي

لازم نقف موقف بوحدة كلمة
بجنب غزة طيلة الاعوامي

باقولها ضمن القوافي (كلمه)
با تغرق إسرائيل بتسونامي

#ماجد_القادري

من موطن الانصار شعب الحكمه
ادعس على اسرائيل تحت أقدامي

نبقى معاها في مجال الخدمه
نوقف معاها في المجال إعلامي

لما العرب تفتح خطوط النجمه
اخوض في اسرائيل سيف أيامي

لو كنت جار القدس كانت نعمه
جيش اليماني والجيوش الشامي

#الشاعر_فاهم_حيدر

الجيد قال اليوم يعلن دعمه
والبعض ندد في خطاب اعلامي

يامن يقول ان الجهاد بكلمه
مابه جهاد الا بموقف دامي

مفروض محورنا يسجل رقمه
والخير واجد والمجنح ضامي

لازم يخذ. كلـين منا قسمـه
يا بالرضى والايكون اللزامي

#ابوالعز_القيدله

لو يرجع المولود لابطن امه
ويشتعل نار الوطيس الحامي

مانترك الاقصى ونوطي همه
لو يحرقو دمي ولحم اعظامي

شعب اليمن ياقدس يفديك دمه
معكّ معكّ باندحر الاجرامي

#ابوكنعان_الروس

المسلمين كلن مغلق رقمه..
تشهد حروفي ذي تخط اقلامي

لاعاد عروبة لا أباء لاهممه
والأردني باع الشرف ألزامي

باقي يسلم زوجتة هي ومه
لعنه على الوجهة الدني الضامي

من غير «ابو جبريل»حيا شمه
بدر الزمان الهاشمي السامي

#الشاعر_ابوفضل_المتوكل

شعب اليمن جاهز يقدم دعمه
من طلقته لا بندقه..... والرامي

نقسم قسم ياقدس لك فالختمه
انا نمعك باندعمك........ الزامي

وكل مؤمن حر يجري ......دمه
لجل افتتاحك صار دمه حامي

مهما كلاب الغرب زادو الازمه
وخانو الدين العظيم السامي

#ابوزكريا_المأخذي

مع ابـن بدرالدين شعب الحكمة
للمعركة فـي القدس كله ضامي

شعب اليمن اصدق شعوب الأمـة
واشـجـع شعوب الـعالم الأسلامي

قضية الأقصى هي اكـبـر همه
وهـو مـن الأعـراب جرحه دامي

يا قدس منا العهد رغـم الأزمـة
مـا نـتـركـك والـدم فينا حامي

#ابـومـازن_الـرازحـي

يا أمة الإسلام كلـن باسمه
اليوم قد صار النفير إلزامي

ياقوم عارالصمت يبقا وصمه
على جبين الساكت المتعامي

فزعة بحق الإنتمـاء أوكلمه
لاتنظروا موقف من الحكامي

فالأنظمه،بين الترف والتخمه
والبعض قدهم لليهود اقزامي

#عبدالقوي_البطل

السيد اليوم قد سمعنا علمه
قال الحدث يوجب علينا الزامي

نحو القضية يارجال الهمة
يكون موقفنا مشرف سامي

واحنا اليمن لنا تكون القدمة
الناصرين للدين واحنا الحامي

ونقول للامة تعيد اللحمة
وتوحد الصف الذي مترامي

#الشاعر_أبوعزام_الشامي

عز العرب قد ضاع بين اللمه
وغاب بين العالم المترامي

حكــام أمتنا سبب في الغمه
وهم أساس الوضع هذا الدامي

باعوا فلسطين لاجل نيل القمه
وكـــل حاكــم لليهودي حامي

لكــــن شــعوب المنطقة مهتمه
والعــــزم فيها لا يزال متنامي

#محمد_مجلي

حياكُــم الرحمـٰن قبل الزحمـــه
ياكل نشمـي ضد حلف اجرامي

نشتي مع اسرائيل نكسر خرمه
والمولعـي للـــدم قدهو ضامـي

اهل الكتــاب القتل فيهـم نعمه
اقسـم بمن ركّــع سعـود قُدامي

تسليمـــنـــا لله يحكــم حُكمـــه
واحنا نجاهـد دام فرض الزامي

#الشاعر_حسين_المستكا

يا قدس حيا جاهزين الخدمة
ارض اليمن جاهز معاكم رامي

نادي بنا في الحرب عند الازمة
والشعب جاهز بايجيك الّزامي

ذي حالف الاقصى طلع لا القمة
ومن مع اسرائيل تحت اقدامي

بعض العرب قدصار فيها هدمه
ولا لها موقف جهاد اسلامي

#ابوقفري_الرعادي

اين الحميه ياعرب والهمه
ليش السكوت يا أمه الاسلامي

مسرى النبي ياخير وكرم امه
له مُعتقل خمسه وسبعين عامي

صهيون. للإسلام اكبر نقمه
ذل الشعوب وستاصل الحكامي

#ابوعاصف_سلمان

ويــــــــن العرب ماعد سمعنا كلمه
ويـــــــن اللذّي للقُدس ناره حامي

(غـــزه) تنادي ياعـرب فـي ضُلمه
والـــــجُـرح فـــيها زاد زاد آلآمي

واجــب على المؤمــن يجهز سمه
ويجـرع اسرائيل. ســـم الزامي

مـــن كفناء. لازم. يـــذوق اللطمه
ويذوق طعم الموت تحت اقدامي

#ابوناصح_العزي

لو الشعوب المسلمه مهتمه
تعلن جهاد اللصهينه الزامي

ماغير شعبك يااليماني حكمه
وايمان كله للمعارك رامي

والله ان غزه ياعرب ف الذمه
والله ماتبقى محاصر ضامي

واهلآ بمن فيهم معانا همه
من العرب والعالم الاسلامي

#الشاعر_ابوصادق_الشيبري

كلن يجاهد قبل ياتي قســـمه
والكفر يستهدف وطن مترامي

غزه تنادي باسم الاقصى عزمه
والنصر للاسلام مبداء سامــي

ياامة الاسلام اين الحــــــكمه
الغرب يتوحد ووضعش دامي

القدس والمسرى عليكم دعمه
ضد الكيان ياالعالم الاسـلامي

#أبوصخر_الجوحمي

يا امة الاسلام وين الهمه
والعزم والاخلاص والاقدامي

القدس تتعرض لاعظم هجمه
والقتل في غزه بكل اجرامي

امريك والعالم تراهم زحمه
مع اليهود بالمال والاعلامي

مفروض امتنا تجي في القمه
بالله والقرآن. والاسلامي

#حامد_النمري

لبيه ياغزه وفينا الهمه
فينا عطش وكبودنا لك ظامي

ننهش حشا عدوك ونشرب دمه
وندوسها دوس الحذا الاقدامي

لبيك ياغزه تزول الغمه
الله معك والقايد الضراغمي

وشعب اليمن لبى وكله همه
تحرير الاقصى من يدي الاجرامي

#بشار_عباس_الشومي

رهن الإشاره كل شعب الحكمه
لبيك. جاك الشعب حافي اقدامي

يا قدس جاك الشعب حشده زحمه
ياويل حلف الكفر والأقزامي

معك معك وابشر بأقوى هجمه
ندحر بها نكسر حلف أجرامي

والله لو يحلم. في بطن. امه
تعيده. الاعوام. والايامي

#بشير_سفيان

يا شعب ابو جبريل شد الهمه
وازكى تحيه لسيدا وسلامي

ومقال ابو جبريل بنص الكلمه
لزم يكون على الشعوب الزامي

طوفان الاقصى من تفاصيل اسمه
بايجرف اسرائيل ناره حامي

وامريك واسرائيل ياويل امه
لجه طوفان البحار الرامي

#الشاعر_فارس_الحرازي

مادام به إيكي وبندق لطمة
نعبر إلى الأقصى طريق الشامي

واحنا هل الإيمان وأهل الحكمة
واجب نصفي شلة الإجرامي

ذي قام يسوي وسط غزة زحمة
وطوفان الأقصى وصل له حامي

أحنا المدد للدين مدد للأمة
يفدا جيوش غزة دمي وعظامي

#ابومحمد_سحار

ياللاسف حكام تبع النجمه
يلعن ابوهم انذل الحكام

ماعاد فيهم دين والارحمه
اعدا لدين الله والاسلامي

الحمد لله اليمن في نعمه
بقيادة الاخيار والاعلامي

والقدس ربي قد صنع من قومه
طوفان يغرق منبع الاجرامي

#أوس_مرفق

احنا الرجال لا فالرجاله أزمه
كمن شنب ثائر ودَمِه حامي

إبن اليمن سيل السيول هو عزمه
يبغا طريق يقلع أذان بنيامي

لكن طبيعي عاد فينا الحكمه
عبد الملك سِيدي الشجاع الرامي

لاقال قوله مارجع في كلمه
بايرسل الطوفان لـ.الدم ضامي

#ابوحرب_محشم

قـد صـرّح الـسـيّـد والـقـاء كلمه
ووضـح اقـوالـه بـشـرط الزامي

شعـب اليـمـن جاهز ليلقا قسمه
وإن غـاب غيره بايشل السامي

وإن كان دولة مصر ضد الهجمه
تعرضـت فـي سـيـرها ل الرامي

الحـقـل واسـع والتـمـوضُـع قمه
والشعب لدمـاء المعادي ظـامـي

#ابوفتح_الاشول

من عاش للإسلام يسمى علمه
تابع لـ طه المصطفى والسامي

وما تحرّك أو تفـوّه فمّه
في صف غزة, عاد قلبه ضامي

لو ذاق من نور الكتاب الحكمه
لا يعرف أنه كـ اليهود الرامي

من هو مع الحُكام طوّل نومه
اليوم يصحى لا يظلي عامي

#ابومحمد_المهذري

فوق اليهودي يا لها من صدمه
حول المنازل والمعارك حامي

وجنودهم خارج نطاق الخدمه
الشعب والمسؤل والحآخآمي

وابطال غزه شاحذين الهمه
مثل الاسود الضاريات الظامي

تروي ظمآها عندصدق الكلمه
واالفعل قبل القول للقسامي

#ابوحمزه_المقاش

كُـم الـيـهـودي يـا سـلاحي كـمـه
بعـثـر طـموحـات الـيـهـود الـرامـي

كـلن يـصوب يـ الـنـشـامـاء سهـمـه
لا خـيـر في ذل الـشـعـوب الـسامي

ولا خـيـر فـي حـاكـم يـدور قـمـه
كـم يـا قمم راحـة بـهـا الاقـلامـي

الـخير فـي شـحـن الإبـاء واللـهـمـه
والـعـزم والـتشكيل جـيـش نـضـامـي

#ابوتراب_الوادعي

صار العرب خارج نطاق الخدمة
والمسلمين اضحو بلا إسلامي

يتسابقوا ويسارعوا في خدمة
ابناء اليهود وشلة الاجرامي

لكن ربي من شعوب الامة
قد اصطفى محور مقاوم سامي

محور جهادي حيدري الهمة
يحمي مبادئ ديننا الاسلامي

#ابوطه_الروس

شعب اليمن جاهز في اعلى القمه
يخوضهافالقدس دمه حامي

كمن بطل مغوارحياشمه
حاضرمع السيد بكل إقدامي

نلعن ابو ام الكيان ونكُمه
حتى نزيله من بلادالشامي

ومن سكت لابدياخذقسمه
من العرب ولامن الاسلامي

#الشاعر_ابوحاشد_معمر_ابوسعيد

لازم علا كامل شعوب الأمه
تشل واجبها معا القسامي

وأي دوله ساكته مغتمه
هي العدو الداعم الاجرامي

الغرب كامل داعمه ملتمه
معا بقايا زمرت الاصنامي

وانتو ولا رجال فاتح فمه
لافي اذاعه خاص او إعلامي

#ابوحـمـزه_الـعـزي

شعب اليمن جاهز لقسم الكدمه
رغم الحصار الدامي الإجرامي

يأثر على نفسه وهي فــي فـمـه
من اجــل غزه والبلاد الشامي

قضية الاقصى بـــداخـــل دمــه
مــن اجلها مــايحسب الألامي

محور مقاوم ربنا قــد لــمــه
لنصرة الاقصى الجريح الدامي

#ابو_وعدالله_هفج

إذا شعوب المصطفى ملتمه
ماكان استوطن ولا بنيامي

ولم يكن يجراء ولا في حلمه
في احتلاله قدسنا والشامي

لاكن حصل اكبر زلل في الأمه
والان توحيد الصفوف إلزامي

ماباقي إلا في اليهودي كمه
تموا ابتهم والعزيز الرامي

#ابوحسين_السحاري

أمر الله المنزل على ذا الأمه
تنصر قضيتها بموقف سامي

واجب علينا يالنشاماء كَمه
نفزع ونستبسل كَما القسامي

#محمد_الديلمي

مازد رأينا جامعة أو قمه
ولا اجتماع الرؤس والحكامي

ولا سمعنا نخس ولا كلمه
من المسمي نفسه الاسلامي

ومن بغزه قد شغلنا همه
اليوم خل نفسه المتعامي

وباسمها طلب بطر بالنعمه
اليوم يطعنها مع الاجرامي

#نصر_الشبواني

العز في غزة رجال الهمه
كلن يجود بموقفه ااالزامي

أقسم بمن أرسل نبي الرحمه
ان القضيه نصرها إحتامي

من بايضم اليوم يرفع اسمه
ولاواصبح لليهودي حااامي

#قرناس_القديمي

العالم ابكم لو تنادي بسمه
مات الظمير الحي عيونه معمي

تطبيع جاري كل يوم في قمه
والقدس يروي بادمأ كل ضامي

طوفان اقبل نور بعد الظلمه
بارجال حزب الله والقسامي

#الشاعر_عصام_المقذل

الكفر ينفخ فوق الاقصى سمه
والقدس نادى امة الاسلامي

هل باتلبو القدس لو ب الكلمة
اوتقفوفي صف نصـــرة رامي

ايش العروبة والحمـية حكمة
والدين ولا طـاعة الحكامي

ذي مانصر غزة والاقصى حكمة
حكم اليهودي والمقام السامي

#ابوهمدان_الزبدي

اين الاخاء والقبيلة والرحمة
وين القيم يالعالم الاسلامي

اليوم غزة عايشة في ضلمة
وتحت قصف الغاصب الإجرامي

اليوم دي هوه حر جهز قومة
لبي ندا الجرح العظيم الدامي

#الشاعر_عمر_حميد_الشرفي

لابـــد من موقـــف وقاطــــع كلمه
كــــــلاً وله موقف شـــديد الرامي

ذي ماتحـــــــــلئ بالشجاعه رُخمه
أرخم من أرخم رخم مش مقدامي

هذه فلســطين الآباء والحكمه
قوم الــــــوفاء والأمه الاكــــرامي

وقــــفه جـــهاديه ويلـــــــــعن أُمه
ذي ماوقــــف معها مداء الاعوامي

#ابوعرب_اللاغب

باالقبيله كلن يجهز غرمه
الصف واحد والنفير الزامي

فرح وحزن كلين يا خذ قسمه
ياهل المواقف والمقام السامي

والمرتزق والنذل نكسر خشمه
وندوس ابتهم دوس باالاقدامي

كلن يفعل هاجس والكلمة
ونضخهن لا عند يحيى الشامي

#أبومثنى_زايد

با قول يا حاكم هذا الأمه
أين العروبه ذي بها متسامي

القدس يشكي وانت قلي للمه
ما ترسلوا بالدعم يا حكامي

الغرب لسرائيل يرسل دعمه
ونتوا ولا حتى دوى وطعامي

الخزي فيكم صار فوق القمه
يحكي مسـار الـذل للظـلامي

#همدان_زيد

قـولـو لـذي يـطـمـح يـصـل للـقـمه
وفـي واقـعـه للـدين مـاهـو حامـي

بــسـم العماله بــاع حتى امـه
ترك فلسطين تحت قصف اجرامي

#ناجي_القعود

هاذا انا واحد وراسي قدمه
افدي بها الاقصى فدى إسلامي

لجل الكرامه والشرف والرحمه
والدين ذي لجله نبض صمامي

من قدى بذل للقدس انا افدي شمه
واشهد عليه انه مقحقح سامي

يحيى علم لسلام فوق القمه
ويطيح من دونه مدى ايامي

#ابوتراب_الوادعي

،صار العرب خارج نطاق الخدمة
والمسلمين اضحو بلا إسلامي

يتسابقوا ويسارعوا في خدمة
ابناء اليهود وشلة الاجرامي

لكن ربي من شعوب الامة
قد اصطفى محور مقاوم سامي

محور جهادي حيدري الهمة
يحمي مبادئ ديننا الاسلامي

#ابوحسين_الشبيطي

يا أُمة الإسلام ليش الكتمة
ولا وقفتوا في مجال اعلامي

هذا كيان مجرم وباين جرمة
واحيادكم والصمت هو إجرامي

لكن عاد الخير باهل الحكمة
ذي ماقبل ذلّه كما الحكامي

#صدام_شايف_الغولي

كلين يحدد موقفه والكلمه
اما يكون كافر أو إلا اسلامي

النصر قرب والوحوش ملتمه
اين النماره ذي دماها حامي

ندحر فلول العهر واهل الذمه
القدس تحريريه علينا ألزامي

يااهل الشهامه والنقاء والهمه
الجرح ينزف والمواطن ضامي

#جبريل_ياسين

على الشعوب المسلمه والآمه
تاخذ لها موقف مشرف سامي

موقف مشرف لو بطلقه وكلمه
تشفي غليل الكبد تروي الظامي

تجتاح بني صهيون وتحرق آمه
تنصر فلسطين وقدسها الأسلامي

واحنا مع الله مانخاف الظلمه
جنب السرايا ومحور القسامي

#جمــال_الكاسر

لبيك يا غزه نرد الهجــمه
والكيل مكيالين وعد قسامي

على الزناد... با نسيح دمه
ونعلمه معنى الحروب الدامي

القلب يتألم من مشاهد جمّه
حرق وقتل طغيان وإجرامي

هذا اتكالي على الخالق يا أمه
با قاتل امريكا لو تبلى عظامي

#مقبل_العماري

شعب اليماني شعب شاحذ عزمه
كمن سميدع مقدمي ضرغامي

ياصحابنا كلن يشد الهمه
الطفل في غزه محاصر ضامي

والوضع خارج عن نطاق الخدمه
وين العرب والعالم الإسلامي

يا من سكت رب أسماء ينتقه
على الكيان الطاغي الاجرامي

#إتحاد_الشعراء_والمنشدين