مابش اخبث من امريكا على الأرض مابش
لا ولا انذل من آل سعود خاين وغشاش

حيث امريك اُم القاعده والدواعش
من سواها لهم تنفق عمولات وامعاش

ومثل سلمان مابش شخص عربيد طايش
هو وابنه محمد وبن زايد وقرقاش

وافسل الناس حُكّام الخليج الخشايش
الذي والوا امريكا وطاعوها الاوباش

هم اساس البلاوي والفتن والفواحش
حيث هم مخزن امريكا وصندوقها الكاش

ما يجد غيرهم بين الدول ذي يحارش
والذي ربّـوا الفاسد وسارق وحشّاش

ما بقى شي مغطّى كل شي صار فاتش
لحقايق جليّه واضحه مثلما الشاش

اكتشفنا الحقايق في خنادق براقش
قد فضحنا التحالف و الخون هم وعفاش

هدي رب السماء اسقط جميع الهوامش
هدي ربي يفرتش كل الاسرار فرتاش

بلّـغـوا للعماني بس لاعـد يناقش
قد قنعنا سياسه حان طعفار الامشاش

كل من قد لبس جعبه ومحزم وقايش
وقال يا الله نصرك ع التحالف والاحباش

ساعة الصفر دقّت يا الاسود الطواهش
فوقهم فوقهم فـزّوا بجرمل ورشّاش

لا قلق ربنا معنا مؤيِّـد وباطش
لا قلق لا قلق يا كل مؤمن و بطّاش

لا يجد للعدو مأوى ومهرب ولا عِش
من يبا العز حيّا من يبا الذل لا عاش

شعب الانصار طافش شعب للثار عاطش
بلّغ الحلف الارعن ليش وانت التهباش

#إتحاد_الشعراء_والمنشدين