اليمن ليمان والحكمة يمــــــــــن
يارسول الله ماخاب الظنـــــــون

حُبك إللي في حشاهــِا قد سكــن
قبل مايوجد على الدنيا سكـــون

رحبت في مولدك والنور شــــــن
من سماها والبوادي والحصـــــون

كنها جنه إحتوت من كل فـــــــــن
بالثياب الخُضر تلمع والشـــــجون

شعب آمن بالرساله واطمـــــــان
وابتهج بالمصطفى عبر القـــرون

يارسول الله ياطــــــب البــــــــدن
ياختام الانــــــــبياء والمرسلـــــون

الف لبيك رُغم من طبع ومـــــــن
باع دينه لليهود الفاجـــــــــــرون

والف لبيك من وطن واغلى وطن
إقتدى بـك رغم كيد الكايدون

والف لبيك في الحرايب والهدن
رغم انف الملحدين الغافلون

والصلاة تغشاك مليونين طــــــن
من إِلَّهَ العالمين والمفلـــــــحون

صلت الانصار والخزرج معــــــــاً
بالصلاة الطبيبه مستشعـــــــرون

صلت الصاروخيه والميمون
والمنصات ذي تبعها والصحون

صلت آخشام البنادق والمـــــــون
والخلايق والكواكب ساجـــــدون

ياحبيب الله ياجـــــد الحســـــن
يادواء الاجراح يانور العــــــيون

شعبنا بايحتفل طول الزمـــــــن
والتحالف والغـزاه با يخســرون

لو رطن حِلف المريكي ما رطـن
بالقوي الجبار نَّحــنُ الغالــــبون

مولدك زاح المأسي والحــــــزن
مولدك رحمة وبهجه في الجفون

يارسول الله ياطبْ البــــــــــدن
ياضياء الكون هذا والفـــــــنون

جاتك الانصار من كل المــــــكن
بالرجال الصادقون المؤمـــــنون

ترفع البيضاء وتعلنها علـــــــــن
بحتفال لايق يغيض الكافــــرون

رغم الأوجاع رغم الازمه والمحن
كل غالي في رسول يهـــــــــون

ماضيين في نهج طَّهَ والسُنـــــن
لويكون في طاعة مهما يكــــــون

كلما نحـــــيي بذكراه اليــــــــمن
جنت امريكا وإسرائيل جـــــنون

كيف ماتجنن وهي راس الفــــتن
عاد باننزع حشاها والبطـــــــــون

والقسم لا تدفع اليوم الثمــــــــن
من ابوها او عسى الله من تكون

اجتمع في صفها كــــل الهـــــــــين
مايهزو اي شعـــــره بالدقــــــــــون

اشعلوها حرب شعواء لاوهــــــــــن
يانكون اليـــــــوم والا لانكـــــــــون

بايجيك الفتح ياساحل عـــــــدن
بشروا الأقصى ومكه قادمــــــون

مستحيل القدس يبقى مـــــرتهن
او نسلم لليهـــــود الغاصــــــــبون

قالها شعب اليمن كــــــلا ولــــــن
ننحني للــــــذُل وإحۡــنا الغالبـــون

ماخُلقنا إلآ ندوس روس الخــون
والثقه بالله دايـــــم والركــــــون

شعبنا صامد وعزمه ماوهــــــــون
بعد قايد حيدري مؤمن سنـــــون

والصلاه تغشى الرسول المُئتمن
واله بيته قدوة المستبصرون

#المولد_النبوي1445هــ