مرحب الصوت مرحب لا بطون المقابر
مـرحب الـفرط صـوتيات واهـلا وسهلا
مــن كـيـود الـمـخاطر بـانسرْ الـخواطر
والـلـيـالـي والايـــام الـقـريـبات حــبـلا
حـق فـي حـق او بـاطل ومـسلم وكافر
لا دنــا الـنـصر مـن قـاب الـعدالة تـدلّى
الـصـقور الـجـوارح والاســود الـكواسر
مــن بـطـولاتنا اعـيان الـبطولات كـحلا
حـامـلات الـطـواير والـسـفن والـطواير
غـالية بـس مـاهي مـن دمـاء غـزة اغلا
كــل وارد يــرده نـاطق الـجيش صـادر
لا ومــلــيـون لا كــــلا ومــلـيـون كــــلا
سـيـف الاســلام والـرايـة بـيـد الـمبادر
ابـشروا يـابني خـيبــر بطعنات نجـــلاء
(يـوم تـبلى الـسرائر) كـل قـوة ونـاصر
عـاجـزة مـثـلها تـبـلى الـسـراير وتـبـلى
جـاري الـبت فـي حـق الـيتامى مـباشر
مـلصي الـنار بـايحرق ويـلصى ويـصلا
قـبة الـصخرة اثـقل مـن عـقول الـمنابر
والـشـواهد بـصيغة حـكمة الله الاعـلى
شــبـت الــنـار يــوم الــدم فــوار فـايـر
يااقذر الناس يوم احنا الرجال الأجلاء
الــف زورق صـواعـقها تـديـن الـمـجازر
واسـتفز الف غواصة مية مقطع اشلاء
والـصواريخ ثـارت مـن صـراخ الحراير
كـل صـاروخ مـتعوّر عـلى صوت ثكلى
والــطـوايـر صـنـعـنـاها تـــدك الـمـعـابر
والـمـعـابر صـنـعـناها لـكـم وانـتـوا اولا
#إتحاد_الشعراء_والمنشدين
طباعة الصفحة
قصائد ضد العدوان
فيسبوك 
تويتر 
يوتيوب 