انــا مــن انــا يــا مـن تـجاهلت مـحسبي؟
عـريـب الـنـسب مـا لـوث الـغرب فـطرتة!

يـمـن شـامـخ الـهـامه ومـحـراب يـعـرُبي
مــن ايــام ابـونـا ادم بــدا نـجـم شـهرتة

انــا مـن رضـع حـب الـمشفع وانـا صـبي
وقـلـبـي جـعـلـته دُف يـنـبـض بـسـيـرتة

رســول الـهـدى طــه ضـمـاري ومـكـسبي
ولازال فـيـنـي وحـــي صـوتـه وصـورتـة

ولا انـــا مــن الـلـي فـالـملامات يـخـتبي
متى اتـقارحت صفر الحسك دس نخرتة

انـا مـن نـطق يـاخيل رب الـسماء اركبي
وانــا مــن جـعـل خـصـمه يـلقيه حـترتة

وانـا من صرخ في وجه واشنطن اغربي
ومـــن ركــع الــغـازي بـحـولـه وقــوتــة

تـحـاصرت فــي نـفطي وزادي ومـشربي
ولا حـاصـرونـي فـــي جــهـاده وخـبِـرتة

عـلى نـهجه الـطاهر سـرى ركَـب مـوكبي
فــدائــي مــــع طـــه لـدعـمـه ونُـصـرتـة

اقــيـم احـتـفـاله لـــو بـحَـبيِ لـهـا حـبَـي
ومـتـقـمص ادواره مــع اهــلـه وجـورتـة

واجـاهـد جـهـاده والـكـبد نــار تـلـهــبـي
وامــثـل ادب طـــه بـحــجـه وعُــمـرتــة

ورافــع مـقـام اسـمـه بـنـجمي وكـوكـبي
وزارع بــذور الـخـيـر مـــن ثــمـر بـذرتـة

وزيــنـت بـسـمـه بـــاب بـيـتي ومـكـتبي
ودمــي فــي الـشـريان خَـضَـر لـحـضَرتة

رســالـه مـــن الـتـبـع الـــي يــد ابـوظـبي
ولــلــشـارع الــبـحـريـن قــلــه وكُــثـرتـة

وحمى عـلى السـودان والعـيب الاعيـبـي
طـعـن ظـهـر امـتـنـا بـسـيـفـه وشـفــرتـه

لـكـم مـولـد اسـرائـيل واحـنـا لـنـا الـنـبي
وكــلاً عــلـى مـ اجـــداد الاجـــداد ربـتـة

ويــا مـمـلكه نـجـد الـعـبي غـيرها الـعبي
عــرفـنـا رقــــم ســــر الـمـطـبع ونـمـرتـة

حـنـبتي ولا فــادش ذي الـقـاش تـحنبـي
حلب راس مالش وادخلش وسط حُفرتة

غـبـيه وذي مـتـولي امــرش طـلـع غـبـي
وغـــرش ورع شـــال الـيـمـاني ووزرتــة

ومــاشـي يـمـاني حــر يـرضـا بـالاجـنبي
ولا شــي يـمـاني حـر قــد فـك ذمــرتــة

ويـا ارضــنــا هـــلّـي وحــيــي ورحــبــي
بـمـولـد مــن آسـرىٰ بـه آلــهه لســـدرتــة

وصـلي عـلى احـمد يـاجماهير واغـضبي
عـلى من غضب في مولد احمد وهجرتة