ياناقلين العلم عبر المدارين
بـ إسم اليمانيين شعب وقيادة

دقو طبول الحسم بـ الإعتبارين
وقلو لأصحاب السّمو والسعاده

صمّاد حلّق والبراكين ثارين
والقدس حن وقاصف ركب عنادة

والهاشمي للحسم قاد المسارين
والشعب قبضاته تقادح زنادة

ورجحت الكفّة والأيام دارين
ومن زرع الإجرام يلقى حصادة

غاره بغاره والمطار بمطارين
والّلطمة بثنتين وإلا زياده

وانا القوي بالله وحلف البعارين
باقي معه حلين فيها الإفاده

حلّين محتاجه إلى احدى قرارين
اما إمتداد الحرب وإلا إنخماده

فإن قرر التصعيد قبله دمارين
تدمير عرشه او دمار إقتصاده

وان قرر إيقافة في أحلا الأمرين
يعني فشـل ما اقدر يحقق مراده

يعني في الحالين هم بين عارين
عار إنخماد الحرب وإلا إمتداده

واحنا في الحالين بين انتصارين
نصرالقضيه وانـتـصار الإراده

و وين ما اختارو من الاختيارين
لن يشعرو معنا بطعم السعاده

لابد مانقتص منهم لـ ثارين
ثار الدم الزاكي وثار السياده

ﺑﺎﻟﺤرﺏ أﺭﺍﺩﻭ ﺣﺸﺮﻧﺎ ﺑﻴﻦ ﻧﺎﺭﻳن
ﺇﻣﺎ ﺍﻟﺤﻴﺎﺓ بـ ذﻝ ﻭﺇﻻ ﺍﻹﺑﺎﺩﻩ

ﻭاﺣﻨﺎ ﻧﻮﺍجهم ﻋﻠﻰ ﺍﺣﺪﻯ خياﺭﻳﻦ
ﺇﻣﺎ ﺍﻟﺤﻴﺎﺓ بـ عز ﻭﺇﻻ ﺍﻟشهاده