قـلّ لحلف الحجازي وبلّغ فاشي العصر والنازي
هم وكل إنتهازي وخاين مرتشي مرتزق نغزه

عام ثامن ورازي ولا والله تخجل ولا خازي
يا الذي جاء يغازي بجيشه عسكر الـرز أبو مـزّه

مستحيل اهتزازي ولا والله تقدر على اعجازي
أو تهزّوا محيط إرتكازي يا التحالف ولاهـزّه

بو يمن برجوازي ولا غيره كشف شفرة الغازي
كالأسد ما يهاب القوازي لا ولا ترعبه عنزه

ثروة العز نفطي وغازي والاباء والشرف لازي
والكرامه حقول ارتوازي دايم الوقت والعزه

والرجوله هي افضل طرازي طول تاجي وبروازي
تعتبر مثل نصلة جهازي ساعة الجد والحوزه

قوتي واعتزازي وحبي للوطن مصدر اعزازي
واليمن مقبرة كل غازي من دخلها لقي رجزه

ربعي اهل المغازي تدقدق حلف سلمان وتّجازي
مثل صعدي حشيشي حرازي فيلق البدر والحمزه

ينحروا كل نازي حماة الدين والعرض والبازي
مالهم فوق بقعا موازي فـ التحدي وفـ القفزه

والقسم لا نجازي ونرسل للملك رد متوازي
حان يحصد ثمار التعازي بعدها ننطلق غـزّه