في موكب العرس الخيالي شعب الايمان احتفل
وبثت اقمار السعادة في اليمن خير احتفال

الليل .. ياجن الهواجس شرفونا بالجُمل
وشارِكونا افراح كنا نعتبرها في الخيال

ل ابطالنا العرسان واجب تفتحوا كوكب زحل
و"البدر" و"سهيل اليماني" يستعدوا للوصال

تكافلك ياشعب الإيمان اغلق ابواب الحِيَل
وافشل حصار البيت الابيض ذي ولايسوى ريال

بفضل ابو "جبريل" وعيك قمة القمة وصل
رغم المئاسي والحروب الطاحنة والإفتعال

إوقف بوجة الناعمة ياشعبنا مثل الجبل
وبالهدى حصّن عيالك من سموم الإنحلال

منظمات الغرب ماجت عندنا تزرع بصل
جائت لتدمير المبادي لابسه ثوب الجمال

جائت تغطي مجتمعنا بالرذيلة والفشل
وشمرت تهدم قيمنا ذي بها يُضرب مِثال

لكن بفضل الله خابت يوم "نشطان" اشتغل
وبالزكاه اقبل بأمر ابن النبي واعظم رجال

لولا هدى القراءن ماكان اليمن داعس هُبل
ولا كسرنا قرن "شيطان" المُغطّى بالعقال

لولاك يابدر المسيرة دين ذولا.. ما اكتمل
ولا تحقق حلم واحد منهم في ذا المجال

لولاك ما زدنا صلابة في ميادين العمل
ولا ثبتنا اسبوع واحد في التصدي للضلال

ولا انهزم ذي جاء يناصر شرعية "عبدو ربل"
ولا اتضح مشروع فوضى ديولت"شارع جمال"

اليوم في التحرير الاسفل يحكمين اربع دِول
فوق المواطن بالاوالي والمعدات الثقال

وفي جنوبك يايمن هذا.. طلع هذا.. نزل
دنبوع في جده ودنبوعين رهن الإعتقال

هذا عجين "الصهينة" وخبز "عفاشي" دبل
خُدّام ريبورتات صاروا في يمين الإحتلال

لابد من تفجير ثورة ضد الاعداء والهَفل
ويتحد شعب الكرامة في جنوبة والشمال

#إتحاد_الشعراء_والمنشدين