قال اليماني شهرنا سيفنا الضارب
وفي خطى المصطفى واله تعسكرنا

الله خلقنا نصد الكفر ونحارب
ويا سواد الوجيه ان يوم قصرنا

كلن يجاهد مع الرحمن في جانب
وعن مسار الكرامه ما تاخرنا

من هول ماقد جرا وجه الزمن شاحب
ورغم ما قد جرا ماقد تعثرنا

العالم اصبح منافق مرتزق كاذب
واحنا كما احنا ولا شي بايغيرنا

نمضي مع السيد ابن البدر ونواكب
باخلاص نية من اولنا لاخرنا

وكلنا تحت امره وامره الصايب
نلاقي الموت ماماتت ضمايرنا

وذي حاصر المصطفى في شعب ابو طالب
في شعب الايمان والحكمه يحاصرنا

واحنا مع الله والله وحده الغالب
له استجبنا وسارعنا وبادرنا

وفي سبيله نفرنا الشاب والشايب
وارواحنا منه بعناها وتاجرنا

ولا قلق لو علينا الكون متكالب
ما دام والله حامينا وناصرنا

اتخبر الدهر و التاريخ والكاتب
واسال على مجد ماضينا وحاضرنا

ما نقبل المرتزق والخاين العايب
ولا نقدر سوى من هو يقدرنا

ومن دعانا نقوم معاه بالواجب
لا ما يقل صحت ايديكم ويشكرنا

نصبر على الوضع مهما وضعنا خارب
اما على الباطل الله لا يصبرنا

وعيشة العز لو هي جوع ومتاعب
نعيش والا نزلنا في مقابرنا

يا شوقنا لا وطيس المعركه لاهب
لا كمل رصاصنا نمسك خناجرنا

وين انت يا ورع سلمان الغبي ذاهب
ماقد ولد ذي يركعنا ويقهرنا

ثامن سنه و التحالف في اليمن حانب
وفي سماء المملكه تعبر طوايرنا

ثمان والنار في مصفاتهم ناشب
والنصر والفتح في الجبهه يسايرنا

وجيش سلمان وسط المعركه هارب
ثمان مثل الارانب من كواسرنا

ياكم نصحنا وقلنا يا عدو حاسب
والبدر حذر وحذرنا وحذرنا

نرغب في السلم بس الخصم مش راغب
ما يصنع السلم غيرش يا معابرنا

ما با نحاور عدو ماكر ومتلاعب
ولا معه عهد حتى لو يحاورنا

#إتحاد_الشعراء_والمنشدين