هوالصماد ذي كانه
رئيس بصدق معناها
رجل والمرجله شانه
يحب الارض وابناها
حكم والعدل ميزانه
وللمحسوبيه افناها
كلامه وحي قرانه
وعلمه شمس ريناها
ولاينساش ميدانه
ولا الجبهات يشناها
الى الهيجاء بحصانه
من اقصاها الى ادناها
يطوف بصدق ايمانه
ويصبر ساع مسناها
بيد يوجه الدانه
ويد يشيد مبناها
غضنفر كشر اسنانه
على الاحلاف واوناها
وشمر لله امتانه
وكل العوج ساناها
فلت كرسيه وادوانه
وقال الحرب خضناها
ثبت مااهتزت اركانه
برغم ضروف عاناها
وواجه كل شيطانه
وجننها واضناها
ولابالى بزنانه
ولا اتسمع لمغناها
لأرضه سهر اعيانه
وصان رموش عيناها
وجسد كبر احسانه
بنفسه جنب ميناها
وغمض وسطها اعيانه
بزاكي الدم حناها
شهيد وخالقه عانه
بروح الخلد يهناها
سلام الله ورضوانه
عليه الين مفناها
عرفنا السعد بازمانه
واحلى ايام عشناها
#إتحاد_الشعراء_والمنشدين
طباعة الصفحة
قصائد ضد العدوان
فيسبوك 
تويتر 
يوتيوب 