يا الاوس والخـــــزرج والانصار القدامى والجدد
يااعجوبة الحاضــر ويااسطورة زمن ماضي تليد

لا امركم عادي ولا انتــــوا مثـــل باقي من وجِد
ماغير جلّت قـــــــــــدرة المبدي وسبحان المعيد

ماود طه مثلكــــــــــــــــم في الكون والعالم مود
مــــــن حين ماهي وجدت الدنيا لما الاخرى تبيد

هـــل كـــل فرد الخلق كـــــــل الخلق حتي تنفرد
وحــدك بكـــــل الخير خلق الله ياالشعب الوحيد

هي قسمة اقدار السمـــــــــا والا نصيب المجتهد
كم للسعيد الحظ حظ اسعــــد من الحظ السعيد

ماالد منكم نحـــــــو مــــــــن كانوا لـ طه قوم لد
كونوا على الكفـــــار اشدا يا اولي الباس الشديد

واحنـــــــا النبي لا خيــــــــر فينا نحو ليلة ماولد
لاما جعلناها عليهم مثـــــــــــــــل ما يوم الوعيد

خذ دعوة ابن البدر صــــور البعث ياالمشهد وعد
الحشد محشــــــــر واعتبر يوم القيامة يوم عيد

نبعث ونحشـــــر حشــــــر ماهوالا مجرد نحتشد
وفدى محمد كل من سبـــــــــــح بحمدك ياحميد

لا با تســــــــع جغرافيا الثاني عشر مـــــــن بايفد
ولا تدفقنا بمستـــــــــــــــــوعَب ودون البيد بيد

مابا يحد اليــــــــــــوم مــــــن شدّة تدافعنا محد
ولا يريد ان ينطمــــــر منا كمــــا بقعـــــــــا مريد

طوفان ماتلقى لنا فيها طــــــــــــــرف والا تجد
لافواجنا اخــــــــــر ولا تحصي لكثـــــرتنا عديد

القاع لـــــــو ندعس بقــــــــــــــوة فوقها لا تهتفد
والارض لـــــو يوقف ربعْنا في طــــــرفها لا تميد

با نفقــــــــد المعقول عقله بعـــــــد ما وعيه فُقِد
وبواسع الرحمة يقــــــــــــــل لا اتغمد الله الفقيد

شعب احتشد في ساحة المـــــولد وكنّه محتشد
حول النبي في ساحة المحشر وفي ذات الصعيد

قـــم يارسول الله وانظــــــــــر بم عينك ما شهد
لمثالنا التاريخ مثـــــل او رى لنـــــــــا غيره نديد

هاماتنا بك عــــــن زحل والمشتري كــــــم تبتعد
وكــــــم معـــــــــــك توصيفنا نادر وطابعنا فريد

ولأي قــــــــوة خارقة منــــــــــــــك قوانا تستمد
ولإي طاقة لا تقاوم مـــــــــــــــن خلالك نستزيد

الكــــــون منا جـــــن والعــــــــالم مصاوع مبتلد
جبنا له الرهبة ونشفنا دمه جـــــــــــــوف الوريد

دقات نبض الشــــــر وقفـــــــت والفرايص ترتعد
وماعليه ان طاح لــوم الامـر ماهـــــــو شي بعيد

انت المــــربي والمعلــــــــــم والمـــــوهل والمعد
والمرشـــــد الباني الموجه والمـــوسس والمشيد

انصار ضــــــد الكفـــــــــر بك خضنا لظاها المتقد
وقادنا الاسلام واوصلنا إلى النصــــــــــــر الاكيد

يــــوم ان ابو سفيــــان واشنطــــــن لحاله منفرد
وبكل نجـــــد العــاص وحـــــده والامارات الوليد

والمنطقة كامــــل قريش وداعش اكــــــلت الكبد
والعبد وحشي القرن الافريقي وجيش الجنجويد

والعالم الاحزاب والعشــــر الدول عمــــــر ابن ود
وابنا ابي مـــــــن فوق مليون وميـة عبد المجيد

وآل ياســــر شعب ثابت محتسب صـــــــابر جلد
وسياط ابو جهل المجازر مـــــــــن قطابر لا زبيد

وشعب ابو طالب بلـــــــــــــد كامل وضده تتحد
امة ملي كوكب وحلف مـــــن الجليد الى الجليد

وامثال هولا ام الكباير لــــــم تبيـض ولــــــم تلد
واظنها لاعـــــــــاد باتثني ولا يمكـــــــــــــن تزيد

اليوم عاد الشـــــرك مــــــن ثاني بدور المضطهد
وعادوا الانصـــــــار بالإيوا وصنعــــــــــا تستعيد

حضرة محمـــــد مـــــرةً اخــــــرى وكلّن مستعد
يدخل قرى خيبر ويعلن فتح مكة مـــــــن جديد

والاف ستعشــــر بغروة بــــــــــــدر وبغزوة احد
وحنين والخندق ســــــــلاح الانشطاري والمبيد

لا باذلين الروس ومضحـــين باغلى مـــــــا نجد
ومفضلين القتلة الشنعــا على العيــــــش الرغيد

مـــــــن اجـــل يتسلق ورانا المعتصم والمعتضد
والا نوضعها لبـو جعفــــــــــــــر وهارون الرشيد

ولا بهـــــــــذا الشكـــــــــــل نتفانى ولا با نحتفد
مـــن اجـــل ياخدها في الاخـــــــر ويتولى يزيد

لا يعتقـــــد ويظـــن والا حــــــــــد يظن ويعتقد
واين الزمن قله لنفسه كيــــــــف ما يشتي يعيد

لو جنب ذا العــــالم مية مليون عـــــالم يحتشد
فحنا مية مليون مرة بانقل هــــــل مـــــن مزيد

مــــــــا با يفوقونا ولا با يصبحــــــــــــــو لله ند
والله ذي يفعل وليــــــس البيت الابيض مايريد

بانحمد المعطي على ذا الفضل باحسـن ما حمد
ونعمة السيد وخوض الحــــــرب وانزال الحديد

وان عــــــــــــاد با يبقى عليها طاغية او مستبد
فقــــــــد جحدنا نعمة البــــاري ولا زلنـــــا عبيد

والوعــــد يا سكــان كوكب لرض جا والامر جد
لا يمكن ان نرجــــع ونتنازل ولا يمكــــــن نحيد

اما حضارة تجعـــــــــــــــــــل التاريخ منها يبتلد
والا ذهب دمنا هدر لا تقبـــــــــــــل الجنة شهيد

#إتحاد_الشعراء_والمنشدين