المجاراة عن (موقف الشعب اليمني الثابت مع خيارات القيادة في توسيع مسار منع السفن الداعمه لكيان العدو)

 

 

البداية #أبورواسي_أرحب

تحذيرنا في البحر الأحمر واضح
والناطق الرسمي شرح بالراحه

يعني سفن صهيون قارح قارح
أيش الجلاكسي عادها فذاحه

#ضيف_الله_سلمان

قل للمريكي وين عاده رايح
بقوة الله با نقص اجناحه

هذا اليمن بره وبحره مالح
با نغرق المارنز هو وسلاحه

#أحمد_الغبسي

تفويضنا مطلق وصوته صادح
بكل ساحه مِن ملان الساحه

إسرج على خيل الثبات الجامح
غذا الفلسطيني وطب اجراحه

#الشاعر_عبدالقدوس_الصباحي

الموت شمه في السواحل نافح
وجيشنا السكينه الذباحه

وينه من انصار النبوه سارح
ومن دخل لايحلم الرواحه

#محمد_ابوالعز

باب المضيق ماعاد بابه فاتح
قلوا لاسرائيل يااهل الساحه

عدوان بالعدوان لافين رايح
وحصار غزه بالحصار واجراحه

#ابوالكرار_المجنحي

الوضع حق اليوم غير البارح
والحرب وسعها اليمن واقحاحه

تجارة اسرائيل ماهي رابح
وشعب غزه في عميق اجراحه

#ابو_ميثم_الزراع

البحر الأحمر بالشرار اتقادح
قل لليهودي مابقي له ساحة

الجو هذا غير جو البارح
لا عاد به راحة ولا رواحة

#ناجي_القطيبي

اين انت ياعرق اليهودي رايح
صقر اليمن فى البحر مدّ اجناحه

كن لف من راس الرجاء (الصّالح)
والغرب. ماباينفعك. بسلاحه

#ابوحسن_المجنحي

هذا اليمن قوله وفعله واضح
من سامها ماذاق طعم الراحه

ترابها والبحر ناره لافح
ويل العدو من نارها القداحه

#الشاعر_ابو_صقر_شعلان

شعب اليمن في ذا المواقف فارح
وبالخيارات النفــــــــوس مرتاحه

عادك عتندع يايهـــــــودي صايح
ويسمعه كل الذي فــــــي الساحه

#علي_محمد_المحاقري

مسكين عـاده جـا مـشـمّـر فـارح
قصده عيدخل بالسفن لـ الساحه

جــرب حـرام ماتسمع الا الـلافـح
ينعث ابوك لا بـعد طـور الـبـاحـه

#الشاعر_جبر_المهدمي

بحر اليمن "غير الرجاء الصالح"
والقدس لازم ننتصر لاجراحه

ياذي الى اسرائيل عادك سارح!!
قد قالها يحيى بكل صراحه..!

جريح الحرب #رفيق_زرعان

صهيون في ذا العام طايح طايح
في البحر الأحمر قد أكل تفاحة

المندب اتلظى وموجه جامح
با يلتهم صهيونهم تمساحه

#عبدالواسع_صايل_الغولي

بيان هذا اليوم عكس امبارح
زلزل عروش المعتدي في الساحة

وبايتضح من بايكون الرابح
وبا نضمد للجريح جراحة

#الشاعر_ابوجهاد_صبر

آثار عاد اليوم غير البارح
ياشعب جحدلت العداء من ضاحه

ياهل علمي غدوه ايشك طامح
تمنع علا الصهيونيه بالساحه

#ابويحيى_الاشرم

قل لليهودي والعميل الذايح
في حب اسرائيله السفاحه

بحر اليمن والله ماهو سامح
لسفن ابونجمه تخوض املاحه

#ابوهمام_سليم

في البحرالاحمرنارحامي لافح
يحرق سفن صهيون بالقداحـه

مـضـيـقـنـا ســمّ الكيان النافح
والـجـو بالستي وابـو جـنّـاحـه

#ابوكنعان_الروس

ها يابني صهيون شعبي ضابح
هي لا النخر ياسارقه مزاااحه

ماعاد داعي للكلام الجارح
الباب مقفل في يدي مفتاحه

#ابومحمد_المهذري

نجم السفن يشبه لسعد الذابح
وامواج باب المندب الذباحه

والبحر الاحمر اشتبك واتقادح
يحرم على المحتل طعم الراحه

‌‌‎#عبدالكريم_الشمسي

الجو نسنس بالنسيم اللافح
والبحر سُجِر والشرر قداحة

والشوق فينا للقاء متلاجح
حتا تموت الامركة فالساحة

#ابو_هادي_الغمري

البحر الاحمر مــــشتعل متقادح
يحرم على اسرائيل فيه الراحه

ما دام دمّ ابناء غْزه ســـــــــاَئح
لشعبنا دم اليهــــــــود أــ مباحه

#ناديه_السقطي

لاصوت نسمع يالعدو او صايح
قد قالها يحيى سريع بصراحه

ولاااااااا سفينة باتمر لصـــالح
ألعن كيان من بحرنا والساحه

#علي_الشعيثي

قرار شعب البحر الاحمر كاسح
يناصر الاقصى بكل صراحه

وهددو راس الرجاء الصالح
ماتنقذ اسرائيل منهم ساحه

#ذوالفقار_سفيان

مادام والشعب اليماني شارح
للبحر الأحمر زوّد الفتاحه

والله ما يبقى يهودي فارح
واوجاع غزه غائره واجراحة

#ابومالك_الكوماني

تحذير عقباه الهجوم الكاسح
صياد متأهب يمد اجناحه

بحر اليمن هايج وموجه جامح
والباب عندي قفله ومفتاحه

#أبوشوامخ_الوعل

شعب اليمن حاله مكيف فارح
مواقف العزه تزيد افراحه

يكفي العدو في البحر ماوي سارح
يا الغرب وسع لصراع الساحه

#مناع_شريم

شعب اليمن فوض وقلبه فارح
متصدر الموقف بكل الساحه

قل للكيان البحر الاحمر طافح
والبحريه للاصتياد سباااحه

#ابومصطفى_الرضي

هذا القرار الحيدري والناجح
واقوى مواقف صادقة في الساحة

مابعد تفعيل المضيق والماسح
الا جنوح المعتدي واجناحه

#ابتسام_شرف_المحطوري

الكل يفهم ويستمع للناصح
من قبل يندم لا سلا لا راحه

ومــن تحـدانا مؤكـد طايـح
شفتوا نموذج مننا في الساحة

#هيثم_المعنقي
 
لابد ياكلها اليهودي كالح
والبحر الاحمر عندنا مفتاحه

اما وكل امــداد غــزة سارح
والا البحر ميداننا والساحه

 

#الشاعر_ابويزن_الصيادي

اليوم صار الوضع غير البارح
يا اهل السفن كلاً يلف اصماحه

قرارنا من راس قايد ناجح
ومن تحداء تالية مسراحه

#أبو_تمام_الخراشي

بياننا خلى العدو يتقارح
وانصار ربي وسعو لساحه

ماعاد هو ضاوي ولا هو سارح
من بحرنا يحرم يمر اسلاحه

#أبو_علي_عركم

لاوين قلي يامغفل سارح
لاعاد به سرحه ولارواحه

قرار ابو جبريل صبح واضح
راس النتنياهو لزم قراحه

#الشاعر_جلال_السكري

قلو لاتنياهوه واينو سارح
امامه الكرتون والكداحه

يمين مايمسي دقيقة فارح
الا وغزة واهلها مرتاحة

#ابواياد_المطري

طوفاننا في البحر غادي سارح
وسفن كيان الصهينه مسراحه

ومضيق باب المندب اللي فاتح
اليوم غلّقناه من مفتاحه

#عبدالقوي_البطل

ماهم لو كل الكلاب تنابح
مع بني صهيون في مسراحه

مع فلسطين بانفز نكافح
ونغرق اسطول العدا بسلاحه

ابوقدس_الجهيزي

الكون كله سوف يصبح نازح
نحاصره في مندبي مفتاحه

لا ما بني صهيون تسمع قارح
تنهي حصار القدس والا اجراحه

#ماجد_عبدالله_القادري

البحر مالح واليماني مالح
بلغ بني صهيون في أرباحه

ومن عقر بالأمس ناقة صالح
بانعقره بكره  بطور الباحه

#صادق_جعفر

يحيى سريع اليوم ماهو مازح
بانحرق الاسطول بالقداحه

من يقصد إسرائيل حتى سارح
يلقى صناديد اليمن واشباحه

#مختار_عصطان

قولوا لإسرائيل شعبي ضابح
أجراح غزه يعتبرها اجراحه

تحذير هذا اليوم غير البارح
يحرم عليه ماتوصله تفاحه

#الشاعر_بشير_صوفان

البحر ياصهيون طعمه مالح
ابشر يجيك ذي فارقي لجناحه

النصر للإسلام وانت الطايح
تخسا قوا الصهيوني السفاحه

#أبوأحمد_الوايلي

البحر لحمر موت وينك سارح
خفر السواحل ماسك القداحه

منهو مع اسرائيل ماهو رابـح
في خطه المائي طرق ذباحه

#أسامه_الزيلعي

ياشوق شوقي لصوت القارح
ماهمنا تقرح حروب الساحه

قولوا لإسرائيل ماله ضابح
يحرم عليها أن تذوق الراحه

#ابوعاقل_المنبهي

ياصاحب الفيتو أمس ياطايح
وطفل غزه في انين اجراحه

البحر يافرعون موجه كاسح
وكل فيتو يلقفه تمساحه

#ابوحرب_العتب

هذا اليماني من يريده ناطَح
اقسم بربي اننا نطّاحه

هذا كلامه جِد مابنمازح
ومن تجاهل نارنا لفاحه

#أبوصخر_الجوحمي

تحذير واضح يالكيان الطالح
بعده مجنح نطلقه باجناحه

الصقر لا هم الفريسه جارح
يصطادها مهما جرت فالساحه

#حرب_صعده

اي والله ان الشرك طايح طايح
مـابـــــا تفيده قــــوته واسلاحه

كلمه وقلناها لهم فـــــــــــالبارح
القدس حــــــنّا مسنده وارزاحه

#سياف_الضبيبي

في البحر باب الموت واصل فاتح
ذي ما يصـــدقنا يخـش الـــساحه

قوه صـــلابة قـــول ناطــق قارح
يمســح بني صهيون با المــساحه

#ابومحمد_سحار

الموت لاسرائيل قارح قارح
يحرم عليه النوم والاالراحه

والله ما نوقف ولا نتصالح
الا وقد غزه بافضل راحه

#ابوطه_المهذري

تصريح ابوجبريل كلمه واضح
مرسى سفنكم بيدنا وملاحه

الموج موت احمر بالاحمرسارح
حايم علا اسرائيل لو يجتاحه

#الشاعر_ابوفضل_المتوكل

البحر غيضه بالغضب متنافح
امواجه العظمى تعد ارماحه

يحيى سريع أصدر بيانه ناصح
ويل الدول ذي ما تخذ بانصاحه

#محمد_رطاس

لاعاد لاوصال ولاعاد سارح
والبحر مستنفر على بلطاحه

سبحان من ابقاء اليماني رابح
والبحر الأحمر مفرجه وافراحه

#عبدالله_حسين_مسعود

سلام يا راس الرجاء الصالح
ممكن تعيش مع السويس الراحه

الحرب قارح يا المريكي قارح
با نجعل العالم بكله ساحه

#ابويحيى_الحبيشي

الناطق الرسمي كلامه واضح
والبحريه متواجده في الساحه

من قد تجرا بالسفينه سارح
الله عوينه...... مامعه مرواحه

#عزيز_محمد_البروي

لا ما يعمّ اهل النفاق الفاضح
تحذير واضح لو يعمّ الساحه

خصّ المطبع كل يوم فضايح
حتى تساوى بالكلاب نباحه

#بشير_سفيان

تحذيرنا اليوم غير البارح
والبحر الاحمر فرضين الساحه

يعني فالبر والا البحر شعبي رابح
ما نقبل الغازي ولا سياحه

#الشاعـر_ابوكـيان_الجـابـري

ياذي تفكــــــر بإنتصارك طامح
رِجَـال ربـي تنتظـر فـالـسـاحـه

تـتـلاقـفـك ما نسمع إلَّا الصايح
والبحر الاحمر مقبرة مَن جاحه

#ابوزيد_الزبدي

بحر العرب والبحر الأحمر مالح
با يغرق الموساد هو واسلاحه

الناطق الرسمي بيانه واضح
با تفهمه كل الدول بالراحه

#ضبيان_فرحان

قل لليهودي والكلاب النابح
مابا تفيده سبلته ونباحه

لا قد سمع في وسط راسه قارح
ترجف ذيوله كنها مساحه

#ابوعقيل_الطيري

المعتدي ما حد معه يتسامح
با نمنعه من بحرنا والساحه

يقلب على راس الرجاء الصالح
ينجيه من بٲس اليمن وسلاحه

 

#هادي_حسين_الرزامي

شعوب لامة يايمنا فارح
باقوى بيان اوطاننا مرتاحه

للهيمنه ياكم لها متباطح
يتمنحونا مانذوق مناحه

#أبوخارف_ابوشوصاء

هيهات نسكت للعدو ونصالح
والطفل في غزه طريح اجراحه

احنا بدينا في الهجوم الكاسح
والمندب احنا نمتلك مفتاحه

#ابـومـازن_الـرازحـي

قولوا لاسرئيل ماهو سابح
فمياهنا ماهي همل ومباحه

دام المنايا فوق غـزة قـارح
يحرم عليهم مايذوقوا راحه

#كليم_النجار

البحر بأمواج الغضب متقااارح
ضاقت بصهيون الرجيم الساحه

ياجند ربي وسّـعون الصــــافح
يمين ماتدخل لهم مسّـــــــاحه

#الأشتر_هادي_الرزامي

لا حد يضن ان الأسد بيمازح
تحذيرنا تو البشر والساحه

من يدعم اسرائيل دمه بايح
با نغرقه عاده نوى مسراحه

#_حجازي_حر

في الغد والا اليوم والا البارح
هيهات يلقى في مضيقي راحه

حتى السويس معى الرجاء الصالح
بيّد العلــم قـــفله معى مـفتاحه

#ابوحسين_الشبيطي

لاوين ياصهيون وينك رايح
اقسم بربي لن تشوف الراحة

كلامنا يابن اللعينه واضح
من راد يعبر بانقص اجناحة

#أسامه_الزيلعي

ياشوق شوقي لصوت القارح
ماهمنا تقرح حروب الساحه

قولوا لإسرائيل ماله ضابح
يحرم عليها أن تذوق الراحه

#ايمان_الانصار

البحر ما يحمل بظهره كاسح
والهيمنه ماهي بكثر سلاحه

مهما كلاب اليهوده بتنابح
تغرق ولو هي دهيه سباحه

#الشاعر_ابوبندر

لويطلعوا راس الرجاء الصالح
عاد بانغلقها قديه قحقاحه

منهو مع الله بايكون الرابح
يامجلس الأمن ابدأ المصياحه

#ابوجبريل_شريف

شعب اليمن قال لن.نتصالح
مع عدا اتمادوا بكل وقاحه

نحاصره في بحرناونكافح
ويسمع العالم بكاوانياحه

#الشاعر_بشير_صوفان

البحر ياصهيون طعمه مالح
ابشر يجيك ذي فارقي لجناحه

النصر للإسلام وانت الطايح
تخسا قوا الصهيوني السفاحه

#مقبل_العماري

البحر الأحمر يايهودي مالح
ومن دخل في بحرنا نجتاحه

اليوم يا صهيون غير البارح
يحرم عليك عيش الترف والراحه

#بشار_عباس_الشومي

احنا لهم الوعد هذا نصابح
نفطر ونتعشاء بهم براحه

مابه قلق ياشعب كله واضح
وإنما وضح يبشر نقص جناحه

#الشاعر_سميح_الاعور

اليوم هو نفسـه امس والبــارح
محروم على إسرائيل اي راحـه

لو الامريكي كان مصبح فــارح
بايمسي باكي بليلة افــــراحه

‌‌‎#ابوعبدالله_العبادي

بسم الله الرحمـن سارح سارح
نقلب على صهيون كل افراحه

حتى ينادي بالعلن ويصـارح
يعلن خروجه من الأقصى وكل الساحة

#فاطمه_فقعس

ماعاد بانجنح ولوهو جانح
ومن يجي بحري نقص جناحه

لايدخل الاقليم ذي مش سابح
جن البحور تاخذ قواه وسلاحه

#أبوزيد_همدان

شعب الشموخ اليوم شمه نافح
يوقف مع المظلوم ويلم اجراحه

هــذاء قـرار الـيوم غـير البـارح
من دخل في البحر وجب قراحه

#الشاعر_ابواحمد_ذويب

اليوم هذا صار غير البارح
البحر بيدي قفله اومفتاحه

مسارنا اتوسع ويعني رايح
للقدس يسرائيل بعد الباحه

#عماد_دايل_العماري

يا بايدن لاوين عادك سارح
قرار صنعاء اجتاح كل الساحه

خـلّا نـتنيـاهو وجيـشه نـابح
والله ما يجلس ويلقى راحه

#الشاعر_شامخ_الحمادي

شعب اليمن ياغرب مابي مازح 
يوم أعلن السيد دخول الساحه

خذلك عبر من قبل تصبح نازح
البيت الأبيض وعد لا نجتاحه

#سعدالدين

البحرلحمر يايهودي واوح
وبابه المندب معي مفتاحه

حتى طريق راس الرجاءالصالح
اليوم في مرماي كل الساحه

#حيدر_الشرادي

قولوا لإسرائيل كلمة طافح.
لن تقتهر غزه وهي مرتاح..

لاتحسبوش ان اليمن بيمازح.
هذا الخبر بانثبته في الساحة

#صدام_شايف_الغولي

البحر خط احمر خبرنا واضح
على قوى الاجرام والسفاحه

بلغ بني صهيون ماله صالح
في حرب غزه ناحة النواحه

#إتحاد_الشعراء_والمنشدين