سلاح العرب فالمخزن اتطربل الذحل
وجـيش العروبه حق عرضه وهنجمه

يـسـلم لـمـحورنا سـلاحـه بــلا جــدل
ويستر على الميري بشرشف ومقرمه

وخـلـيه يـتسمع وشـاويش ابـو دقـل
مـن الـفرش يـوم الزحف لاحد يكلمه

ويـبـني مـن الـبطانيه مـترس الـضبل
ولا غــدرت مــا يـضـوي الا بـمـحرمه

نـويـش الـطواير فـالعروضات بـالهبل
تـحـامـي كــراسـي جـاهـليه مـدسـمه

عـلى بيض خايض ملبقه دقها الكسل
ولااتـفيشت قـامت مـع ابـنا مـسيلمه

جـمال الـرجاله نـوخت مـا عـدا جمل
وبـاالخمسه اسـنامه مـحاور مـقاومه

يـمـاني ولـبـناني جـبـل يـرتح الـجبل
عـراقـي وطـهـراني وجـولاني الـسمه

يـذيق الـيهود الـويل ويـجندل السبل
يــربـي الـــذي مــاابـوه ربــى وعـلـمه

ويـتلي فـنا الـعزا ويـدحر قـوى هـبل
لـبو جـهل هـذا الـعصر يـفتح جـهنمه

الاقـصى يـنادم والـعرب نوم فالعسل
تـصـدر لــه الـطـرشا وكـم يـا مـنادمه

وغــزه تـلـوح بـاستغاثات فـي خـجل
عـلـيها سـلام الله عـن الـذل مـحجمه

الـى غـزه الـمسرى ولاجا يجي الاجل
ويـستقبل الـمسرى الـمبارك ضـراغمه

ويصدح شعار احسين في قاعها وتل
وطـيـبه تـكـبر هــي ومـكـه الـمـكرمه

#إتحاد_الشعراء_والمنشدين