البداية #ضيف_الله_سلمان

الدعي ابن الدعي سلمان وابنه
قد ركز بين اثنتين
بين عيش الذل او حدّ الاسنّه
وحده ا.من الحالتين
لكن احنا بالحرايب مانبالي..

شن عدوانه ولكن خاب ظنه
سبع واحنا ثابتين..
واقبل المبعوث الامريكي بهدنه
لفلف المتفاوتين ..
رجّع (الإصلاح) فوق (الإنتقالي)..😜😜

الشاعر #ابويوسف_القاري

عاد بالخسران والخيبه وغبنه
وانكسر من ضربتين
يوم شاف النار عالق من مع إذنه
واستمرت ليلتين
شبها صماد في جده ليالي..

شعبنا جنه وللغازي مجنه
واسمه ارض الجنتين
والغزاه ومن يريد النيل منه
بايعذب مرتين..
داخل الساحل وفي الحد الشمالي

الشاعر #احمد_درهم_المؤيد

كلها امريكا عليها الف لعنه
لجل ضرب الأمّتين
هي وراء كل الحروب وكل فتنه
كيف نبقى صامتين!!
من صمت في الوضع ذا يصبح موالي..

وعد رب الكون ذي لابد منّه..
نوصل اولى القبلتين
نخرج المحتل منها غصب عنّه
بعدما افسد مرّتين..
والحرم يصبح من ابن سعود خالي..

#محمود_الجنيد

الحرايب ياغبي مش لعب دُمنه
ليت آذانك يسمعين
لايغركش العميل وكبر بطنه
واسمع اسمع كلمتين
ياتبطل حرب ياتلقف نكالي

من يقل باتنتصر كذاب دقنه
لاتودف مرتين
مثلكم في المعركة مابا نحنه
من يخون القبلتين
والله ان قتله في البيدا حلالي

#ابوصالح_العملسي

اصبــحو في فك عكس الي يظـنه
ضايعين مشتتين
قد نصحناابن الدعي صحنافي اذنه
لا يقلو ساكتين
لا كــن الـكبـــره توطــي كل عالي

طـــاردنــه من بــــلادي طـــاردنه
وانتزع منه الوتين
والحرم والقـــدس شفــني فاتحنه
وافرج الله كبرتين
والله أكبــر هـــدت العرش الخيالي

#ابورواسي_أرحب

عز يوسف وأنتصاره بعدسجنه.
للخلايق آآيتين
تثبت أن الي سهر لله جفنه
بايحقق غايتين
عز في الدنيا وجنه في التوالي

واقع الماسونيه في الناس حفنه..
شجعتها الأسرتين..
جرعوها أهل اليمن للموت حقنه..
أفقدتها الوجهتين..
في معارك فاقت الوصف الخيالي

#مانع_البوساني

شعبنا الكامل بريفه او مدِنِّه
مثل الأعضاء واليدين
حُب أرضه داخل اكبادِه. يكنِّه
لليمن نيني وعين
دايماً مرفوع بالعِزَّه وعالي

والسعودي قد بكاء لا وسْط حُفنِه
من ملاطيم الحسين
والدموع الحُمر قد كَوَّين جفنِه
واعتمئ. مٍن ما بكين
ذوَّقينه موته اخشام الأوآلي

#الشاعر_ابومحمد_السحاري

من غزانا ندعس اسنانه وقرنه
بلخزا يصبح مهين
من اتا بحسان ناتي له بحسنه
من شمال ومن يمين
نهجنا القران ماشي له مثالي

ومن اتا بلكبر بانقتص منه
في جميع الحالتين
اهل واحنا لها مافي ركنه
ذي يخون القبلتين
والوطن والدين يحموه الرجالي

#إبتسام_شرف_المحطوري

لو يحاول او يحاول بان غبنه
اللعين ابن اللعين
ذيـل تـلعب به مَـرِيكَا لعب دمنه
وَصْمَتَه فوق الجبين
في جهنم مرجعه مضمون فالي...

والشياطين خاوت المهفوف ابنه
من زمان وا هُو جنين
ايش هذا الوغد متخبي بذهنه
ساكني وسط الوتين
شعبنا هو في الثريا نجم عالي

#ابراهيم_الشرفي

كاذب العدوان هدنه بعد هدنه..
والطواير يقصفين
قصف واستهداف.. حتى للأجنّه
ما معه ذمه ودين
بس ودّف حلفهم من يوم جالي

كلما العدوان حلف ابليس شنه
يرجعوا متقهقرين
واليمن صامد ومتماسك لأنه
سار في درب الحسين
كلنا ننفر رجالي يا رجالي

#علي_مغلي

يركبو في طقم ولا في دينة
والله انهم حانبين
نصرنا مضمون والرحمن ضمنه
قال حزبه غالبين
والبردلي كبرها داسه بآلي

خصمنا معروف لاقد قال هدنه
نستعد لهجمتين
فتش التجويد فيه ادغام غنة
ما تلاقي غنتين
واليمن معروف عنه ما يبالي

#عدنان_جحوح

من جهل شعب اليمن بايعرفـنـه
وابشروا يالمعتدين
حلفكم خاسر وهذا الامر سُنّه
باقية مر السنين
دام وحنا بالمنية ما نبالي

نصرنا خفّاق من عهد الأَجِنّـه
قالها السيد حسين
من بغانا بايلاقي ألف لعنه
تحرقه دنيا ودين
لجل دين الله نرخص كل غالي

#الشاعر_عبدالله_حسين_مسعود

هو من امريكا واسرائيل منه
واضحه دنيا ودين
ادخلو الوهابيه في الدين فتنه
نهج ارهابي لعين
منهج الحاخام وأرباب الضلالي

حربة الممقوت فوق الشعب شنه
عدت السبع السنين
والتحالف في اليمن قد خاب ضنه
وانصدم في صخرتين
حكمة السيد وفي الشعب الموالي

#ابو_برق_الظرافي

نهجنا هيهات منّا الذل كنّه
ماسكينه بااليدين
لن عيش العز للاحرار جنّه
واصطفاء السيدّين
لليمن رفعه من الله يارجالي

بانحمّل كل بندق الف خزنه
دام عهد الحر دين
والتحالف باالوجع ذي صاب بطنه
مالقى ذا الحرب زين
حين شاف الموت في ساح القتالي

#براق_المنبهي

‌‎الأسد في المعركه ماعض جفنه
نظرته»للقبلتين
ماوهن عزمه سرى فوق الاعنَه
محتزم بالجعبتين
والكتف مكتوف بحزام الآوالي

شوق قلبه للسفك والحرب فنه
يوم خصمه قانتين
في الصحاري حن واضرم كل رنه
قالها في كلمتين
النصر والا الشهاده راس مالي

#علي_الشعيثي

تم جاموس العرب بره وسمنه
والتقين الكلوتين
قد حلب لاما التصق ضهره وبطنه
ركبوله ضرتين
مانفع بره وسمنه والمقالي

امر ربي غصب عن انسه وجنه
قبل وعد النفختين
اكسرو شيطان واشنطن وقرنه
حن ياابو بغمتين
موعد الهدنه تغلق يارجالي

#ذوالفقار_سفيان

في كلا الحالات با يرجع بحزنه
حلف مقطوع الوتين
مالقى في وسط شعبي من يحنه
من عيون الشامتين
والتقيناهم بفوهات الاوالي

بعد سابع عام ما لاقى مكنّه
حين واجه حارتين
التقفناهم بطعنات الأسـنه
بأس من بأسه متين
والهزيمه ما معه منها مجالي

#عزالدين_جحاف

التحالف لو حشد انسه وجنه
من شماله واليمين
عهد منا في المعارك باندنه
نطحن اجيوشه طحين
في الصحارى في السواحل في الجبالي

اليماني حقق الرحمن ظنه
كان له نعم المعين
والسعودي قد كسرنا اليوم قرنه
فوقهم يامؤمنين
اسحقوا حلف الغواية والضلالي

#حاتم الاسدي

دنّ يابركـان بن سلمــان دنّـــه
ليل وعد الحـر دين
قرنه النجدي مع اذانــه وعينـه
نقتلعهــا واليــــدين
مانبقـي بالخليج خنزير سـالي

قادم اعصار اليمن بـ انسه وجِنّـه
والسلاح ذي ما بــدَين
يـوم مايلقـا رقــم مبعوث يرنّه
او يحـاور كلمتـين
لا ولا فرصه لفـرعون الضـلالي

#ابو_الجراح_المعازي

مايموت الحُر مُغبن عنــد سَجنّه
لجل ياكل لقمتين
يكسر اجـدار التـحـالـف لـو بسنّه
ينتصر في كرتين
لليماني النصر فـي سهل وجبالي

كيف تبغى الموت يالغـازي تمنّه
قـرن ولا طلقتـين
في اليمن مثواك من طينه تهنّه
في نكالك عبرتين
للـولـي طــوبـا و للـغـازي وبـالـي

#جلال_السكري

من يخون الشعب ياحمى لدقنه
اويبيع الدين دين
عبدربه ضن لاكن خاب ضنه
ياغبي واين انت وين
صامدين اقوى من اصمود الجبالي

شعبنا كل القبايل يعرفنه
شعب من نسل الحسين
سيدي لو رن للشجعان رنة
لانعيد القبلتين
لوسهرنا بعد بعد اربع ليالي

#محمد_الاخرم

حربهم ضد اليمن شيعة وسنة
قسمونا فرقتين
ودهم في أرضنا للحرب فتنة
الغزاة الماكرين
خاب حلف سعود في أول وتالي

نعرف الخاين ونعرف كيف فنّه
للتحالف تابعين
شعبنا غير الذي سلمان ظنه
غير منهم خانعين
غير الاصلاحي وغير الانتقالي

#الأديب_السماوي

لايدور بعدهــا يعلن بــ هدنه
قد عزمنا جاهدين
الخداع يااصحابنا شغله وفنه
كم خروقات حاسبين
لكن الله حسبهم اول وتالي

لايضن انه بمكره .. خاب ضنه
واستوى حلمه هجين
عاااااااد قدامه رجال العز منه
دايماً عبر السنين
كـ الشوامخ في مسارات القتالي

#الشاعر_ماجد_القادري

بين قوسين قرروا بالأمس هدنه
يقسمونا دولتين
والسبب هم باليمن من كل فتنه
ضد ارض الجنتين
واليمن اصل العروبه والمعالي

بلغو سلمان مهما زاد ثخنه
او ظهر في صورتين
وجه أمريكي مطبع غير حسنه
قد طبع بالرئتين
لا تقولوا سلم كلا يارجالي

#ابومطلق_ابوشوصاء

الفضل لله مابه أي منه
وحده الله المعين
هو نصرنا والعدو غارق لما اذنه
حربهم طالت سنين
واليمن لازال ثابت في نضالي

لوحشدتوا ضدنا شيعة وسنة
واقبل ابليس اللعين
بايجيك الموت من يسره ويمنه
واتعودوا خايبين
خبروا سلمان مابه له مجالي

#عبدالقوي_البطل

قل لمن عادى اليمن ياويل غبنه
دام بالحبل المتين
قد تمسكنا وحدينا الاسنة
نقمع المتخافتين
ذي رضوا بالذل وافتوا في قتالي

والذي عادوا محايد عاش كنه
بين جمع الصامتين
منعزل وحده وعايش في مجنة
منتسب للميتين
ماعرف هو شرعية والا انتقالي

#محمد_رطاس

علم الملعون ولا اعصر بااذنه
دائما يبقى لعين
بس ماذلحين يبشر حين ندنه
نعجن املاكه عجين
دام واحنا بالطواغيت مانبالي

القصور حقه يراها غد ركنه
والخرافات تستكين
والذي افتاه وهو مفتون بدقنه
مانلاقيه بي لين
بايشوف واحنا على بابه باالي

#حمزة_الحيمي

هي من الله طيلة الأعوام سنّه
وانظروا في الحقبتين
كل متعدي لقي ذي ما يحنه
واستلمها فـِ الوتين
وانقرض بعد التكبر والتعالي

قال هدنه بس ناهي أي هدنه
هدنة المتعنتين
بالخوَن قصده يزيد الحرب فتنه
كـلهم متشمتين
يعرفونا كل ما اشتد القتالي

#يحيى_الوحيشي

بلغ ابن معاوية ما ذل منه..
كل من جده حسين..
من صدى هيهات با تتفجر إذنه..
دامت احدى الحسنيين..
غاية الانصار في ساح النزالي..

بعد ابو جبريل رضي الله عنه..
كلنا متوحدين..
في مسيرة شكلت شيعة وسنة..
صف ضد المجرمين..
تحت سقف الحق والنهج المثالي..

 

#ابوزكريا_المأخذي

اليمن ما ينخدع من مكر هدنة
با نحاربهم سنين
لو علينا يحتشد انسه وجنه
با نضلي ثابتين
في البحار وفي الصحاري والجبالي

حلف امريكا اقترب دعسه ودفنه
والشكوك صارت يقين
غاية الأنـصـار تحرير المدينة
وا يعـيـدوا القبلتين
من ايادي العابثين اهـل الضلالي

#فايز_الحمزي

خابت امريكا وخاب سلمان وابنه
والغزآة والمارقين !!
خاسرين في حربنا جاءوا بهدنه
كالرماد او كالطحين !!
وانكشف أهل السمو وأهل المعالي

نصر ربي يارجال لابد منه
للعباد المُتقين !!
وعد رباني بقرأنه ودينه
إبشروا يامؤمنين !!
فاز من لله وابوالقاسم موالي

#محمد_الحشيدي

غرت الأحلاف أحلامه وفنّه
يا ضياع التائهين
وابن سلمان الغبي قد صم أذنه
من فعول المؤمنين
وأتضح مكنوننا في كل حالي

والهُدن ماهي سوى تبرير منه
شكلها مثل الكمين
يبتغي منا التراجع حسب ظنه
وين عقله وين وين
والمعارك مالها غير الرجالي ..

#ابوالفتح_الجرادي

لواتا العالم بكل انسه وجنه
اويجي بالقارتين
ماحد اتراجع ولاحدساضنه
اوتراجع خطوتين
في سبيل الله نصمد كالجبالي

في سبيل الله نبذل دون منه
ماسواها حالتين
نصر من ربي وهذا طالبنه
واحده من حاجتين
اوشهاد والشهاده امر عالي

#ابوفتح_الاشول

الخساره واضحه لو صاب ضنّه
نقطع الحبل الوتين
نفتح العالم ونخمد كل فتنه
بعد هدّ الدولتين
نمسح الإجرام يا الشعب المثالي

با نخوض الحرب من نوعه وفنّه
لو يقوم الميتين
نصرنا من ربنا لا بُد منّه
قرن وإلا ساعتين
لو يطول الوقت دين الله غالي

#أبوخالد_العفيف

خبروا سلمان يرجـع عند هجنه
مابـقى غـيـر ابلتين
قد خـسر في حربنا دَرّهْ وسمنه
والضان حقه موَّتين
لاسـموو باقي ولا باقي معالي

اليمن عند العرب معروف بركنه
بانسـتعيد القريتين
ونقتلع مرحب مع ابوابه وحصنه
بانـصـلي ركـعـتين
أَذِّنْ بــنا للـحـج يا زيــد الهلالي

#الشاعر_بدر_الكهالي

نجد قرن إبليس منبع كل فتنة
سيفها والنخلتين
ذي قصف حتى المقابر والاجنة
وانظوى في كل شين
حان لإجرامه من اجرم أن يصالي

سوف ينسف فرض ماهو بس سِنة
ياجموع الامتين
فالجمل ماقد راء منه سواء أذنه
وين عاده وين وين
قد اتى من قُدس له يوم الزوالي

#حسين_شرويد

قتل الاعداء عندنا غايه ومهنه
كل ساعه جاهزين
نصرنا المحتوم ذي لابد منه
وعد والفتح المبين
شع برقه في سنا ظلم الليالي

بلغوا سلمان وابنه خاب ظنه
والغزاه الطامعين
في يمن لايمان صاح الفين ونه
والتحالف خاسرين
قد كسرنا قرن شيطانه بالي

#ابوحسن_الشبطي

صاب حنطة مملكة سلمان شنه
مثل ماهل الجنتين
وآ اتت صيحه تشل الملك منّه
قبل يغدوا مصبحين
واهلك البستان طوفان اليالي

من مع الله سار يرضى الله عنّه
في طريق القبلتين
ارسلوها وابلغوا سلمان وابنه
إنها إحدا الحسنيين
ياطريق النصر او نيل المعالي

#حسيني

طوبرو بالباب والطيقان جنه
لكن القلعه حصين
سور قرآني حكى التاريخ عنه
وافصحت حتى السنين
يا دهى من شز من حد النصالي

لفلف الاحلاف ل بين الاسنه
والمخالب ناشبين
مانفرط والقسم حتى بلبنه
لو جماجمنا طحين
اصبحت هو كان صوط الربع عالي

#أسـامـة_المـعبـاء

والله مانفعل مع الغازيين هدنه
ياالرجال الصامدين
لزوم اجب يعرفوا سلمان وابنه
والطواغيت اجمعين
بان شعبي مقبرة لجيش الضلالي

والمنافق ذي يحارب لجل بطنه
قد خسر دنياء ودين
في متاهات البلادة صار سجنه
يوم والاء الظالمين
وصار في رجل التحالف كالنعالي

#الشاعر_ابورفيق_العياني

خصمنأ العدوان بانقتص منه
وكل غاره بغارتين
دام حلف الشر لسرائيل حفنه
قد وقع في حفرتين
بايقع لاشك فيهأ الأحتلالي

وبايدن لابد فوق ارضه ندنه
إي ورب القبلتين
وبن يمين والله لا يدفن بغبنه
يوم فتح القبلتين
يوم ننهي الكفر وارباب الضلالي

#ابوزيد ـ شرويد

بلغو هذا الخبر سلمان ل اذنه
يسمع العلم اليقين
كلنا في درب بدرالدين وابنه
نهجنا نهج الحسين
والمذله مالها فينا مجالي

والذي مايقبل الهدنه ندنّه
بسم رب العالمين
بالصواريخ البعيده نقصفنه
والمسيّر اجمعين
بالرجوله ندحر اشباه الرجالي

#مجاهد_مع_الله

والله ان اليوم بانقلع لعينه
بانقاضي كل دين
يشتي الملعون هدنه بعدهدنه
مثل ماهم حاسبين
والحصار يبقى كماسوداليالي

كيف نرضا الذل محنا حاسبنه
لا ولحنا خاضعين
اليمن هي مقبرة من يدخلنه
ياملوك مغفلين
وايش نحسبكم بقر ولابغالي

 

الشاعر_محمد_النهام

العدو خسران عند الحرب ولا وقت هدنه
هو خسر بالحالتين
للٱسف في حربنا قد خاب ضنه
صار مقطوع اليدين
يوم وجهنا تحالفهم بالالي

غبن بن سلمان والمهفوف غبنه
وين صار اليوم وين
من غزاء ارض اليمن قمنا بدفنه
ياتواريخ اكتبين
صبر واستبسل من فوق الخيالي

#ابوبدر_ذيبان

الدعي خاسر ومتقهقر لانه
ما سمعها كلمتين
يا سلام دايم والا باندنه
قد نصحناه كرتين
خيرة الله والحكم مولى الجلالي

في غمار الثامنه يحلم بهدنه
تنقذه من طامتين
الهزيمه والهلاك لابد منه
واليمن في الحالتين
منتصر والحكم للخاين محالي

#أبوحسين_العصري

حنة البركان يا ابن اسعود حنه
تقطع أوداج الوتين
والمجنح قد سرى ما خاب ظنه
حين زار الدولتين
سدد الرحمن رميه ذا الجلالي

واليمااااني بالمسير زاد فنه
لا المسير باغتين
كل شركااات المصافي جربنه
وأكتوين الضرعتين
حلف ذا العدوان خاسر يا رجالي ..

#ابوهادي_صيفان

المنافق هاكذا مذهب وسنه
هي من ايام الحسين
وايزيد العصر مضغه صارمنه
كلهم متشابهين
واليمن كم فيه من لشتر رجالي

بانقاتل حلفهم انسه وجنه
وبربي واثقين
حرب بريه وجويه نذنه
لين ياتو صاغرين
مانبالي في قتاله مانبالي

#أبوتراب_الوادعي

في يمنا خاب حلف الشر ظنّة
عاد مكوس الجبين
بعدما ذاق الهزايم جاء بهدنه
بعد مامرت سنين
واليمن صامد كما صم الجبالي

قل سلمان الغبي لابد منة
جند ربي قادمين
بالصواريخ الذكيه باندنة
بالمهيمن واثقين
حسبنا وحدة علية الأتكالي

#إتحاد_الشعراء_والمنشدين