من موطن اقحاح العروبه من بلاد المرجله
من اليمن من شعب ابو جبريل كشرنا النياب

اليوم نحو القدس غيرنا اتجاه البوصله
ماعد معانا غير ثوب العز ياربي ثياب

وبانقدم قافله للقدس تتبع قافله
ومن سجلات التطبع سجل اسمانا غياب

يا مرحبا يا روح غزة يا الرجال الواصلة
يا مرحبا يا من توجهكم فلسطين الرحاب

من تحت كوم الحرب واهوال السنين القاتلة
من بين ضرب النار والتدمير واهوال الخراب

رغم التطبع من حكومات الرياض الفاشلة
ورغم من يرضى لغزة بإحتلال او بأغتصاب

حقيقة الامه في التطبيع وضحا حاصله
شفنا الذي بيحب الاقصى والذي خانه وعاب

ماكان خافي بان في وارسو بصوره كامله
تكشف الوجه المغطى تحت لمات الحجاب

ومؤتمر وارسو بطونه بالحماقه حامله
وانجب خيانه تلعن الاعراب لايوم الحساب

واحنا قظيتنا كبيره مركزيه فاصله
القدس نحو القدس يالبيك شيبه والشباب

ممثل العدوان ياغزه يمثل عامله
ماهو يمثلنا ولاهو مثلنا والاسم خاب

ماهو يماني من يبيع القدس بيعه سافله
وموقف الاحرار واضح لو على قطع الرقاب

يخسى نتنياهو ويخسى من علق في كاهله
لو يحشد العالم وربي ماحسبنا له حساب

شعب اليمن جا من سقطرى لانواحي وايله
ومن شواطئ بحر الاحمر في الحديده لاذباب

الموت لاسرائيل والمحتل يلعن شاكله
مابا يشل القدس لو تتحول النحله ذباب

نعلن تظامنا مع القدس الشريف الباسله
ونرفض التطبيع خلد يازمن هذا الخطاب

يا امه الاسلام يا امه غبيه غافله
تبرأت من دين طه وانحنت لاهل الكتاب

ومن توالهم فهو منهم بآيه ماثله
تركتي القران والمسلم في الدولار ذاب

الاسم مسلم بس مسلم واليهودي دخله
له خزي في الدنيا ويوم الاخره يلقى العذاب

لابينك انته واليهودي مصلحه متبادله
وان قلت فيه الخير فاين الخير من وجه الغراب

يالعااااالم الصامت وياصحاب القضايا الباطله
مقدسات الدين ماتبتاع او تبلغ نصاب

كتايب السيد بتتجهز بصوره عاجله
متأهبه للحسم جهزنا وشدشدنا الركاب

للحرب خامس عام واهداف التحالف عاطله
والمعنويه في المجاهد عاليه فوق السحاب

فينا ثقه بلله سبحانه ثقه متواصله
وانعم بمؤمن يوم داعي الله ناداه استجاب

واحنا تربينا على العزه رجال مقاتله
ولو شربنا ريح في عزه ولو ناكل تراب

لجل الشرف والدين هبينا قبل متفاعله
نواجه العدوان وانعم بالنماره والذياب

والقدس موعدنا وهذا فرض قبل النافله
هيهات يثنينا التحالف طاب يوم الحسم طاب

ياااااارب وفقنا وسددنا لهجمه فاصله
انت الملاذ العون في وقت المهمات الصعاب

هاااا واصرخوا صرخه قويه زلزلوهم زلزله
وتسمع امريكا واسرائيل من هانا الجواب

#إتحاد_الشعراء_والمنشدين