مجاراة بعنوان (إستجابة لإحياء يوم القدس العالمي روح الهوية ومسار القضية.. لنثبت للعالم أن اليمن لن يتخلى عن مقدساته ومسرى نبيه)

 

البداية #ابورواسي_أرحب

دعوه لكل الناس يوم الجمعه
يا شعب متولي علي بن طالب

نفزع بيوم القدس أكبر فزعه
ندي مع مسرى الرسول الواجب

#عزيز_الردماني

خروجنا ملطام واكبر صفعه.
تطن منها اذن الكيان الغاصب.

يا اصحابنا كلاً ينبي ربعه.
ومن حضر يرسل نبا للغايب.

#عاقل_بن_صبر

كلاً ليوم القدس يحشد ربعه
نقبل كما افواج العصار الغاضب

ملطام في وجه اليهود وصفعه
تزلزل اركان الكيان الغاصب

#أبومنار_العشي

‌‌‎با تخرج السنه ومعها الشيعه
في صف واحد متحد متجاوب

القدس عامل نشترك به جَمعه
وما يفرط فيه غير العايب

#ماجد_المطري

موقف يغيض الكفر يـوم الجمعــه
بايعلنـــــه شعــب العروبــه قاطب

هـذا قــرار الشـعـب مابـــه رجعــه
تحرير الاقصى من يدين الغاصـب

#علي_بن_علي_مسرع

البعض بايفتي يقل هي بدعه
خارب وفكره في الحقيقة خارب

بانخرج الجمعة ولو بالشمعة
تشتو كلام الصدق هذا واجب

#الحمزة_المغربي

كلين يحشد يا النشامى ربـعــه
واحنا لعين القدس محور واحد

والدرب للأقصـى ومابـه رجعـة
حتى نحـررهـا بـدحـر الغاصب..!!

#ابوكنن_محمد_منصر

ياشعبنا كلين ينده ربعة
القدس موعدنا القرارالصايب

المعنوية عالية مرتفعة
بقوة الله القوي الغالب

#بندر_السقاف

شعب اليمن ياقدس لبا جمعه
بخروج مليوني مندد غاضب

والسير نحوك في سباق السرعه
نحرر ارضك من كيان الغاصب

#ابوسياف_البيحاني

الكل جاهز مستعد للفزعه
ذي ما يجي معنا فما هو صاحب

وكل مؤمن متقي لي منعه
يحشد ليوم القدس اكبر واجب

#ماجد_رشدان

ابشر بنا يابوراسي جمعه
واحنا اليمانيين قوم الواجب

لله ماهو لجل صيت اوسمعه
يتقدم الراجل ركاب الراكب

نندع على النجم السداسي برعه
وندوس ناموس الكيان الغاصب

#علي_محمد_المحاقري

القدس والاقصى باقصى سرعه
محتاج لاحفاد الوصي بن طالب

بـعـد الـصـلاه كـلاً يـنـادي ربـعـه
لا ساحة التحشيد ما احـد غايب

#سامي_عبيد

أحجز لنا يابو رواسي بقعه
شعب اليمن ياخوك كله غاضب

عن درب نصر القدس مابه رجعه
ومن رجع منا منافق عايب

#مانع_البوساني

اليوم هذا فرض ماهو بدعه
وآجب علينا نحتشد ونوآكب

ذيما يلبِّي دعوته في سرعه
غشيم في كل المناهج راسب

#فارس_المعزبي

إبشــــر ... وكلّــن بايجهــز رَبْعَه
من اجل تنفيذ الخروج الغاضب..!!

(القدس)من جسمك وجسمي قِطْعَه
ما تنقطع بالسّهل مثل الراتب..!!

#هادي_حسين_الرزامي

نأتي إلى الساحات دفعه دفعه
ومن تخلف مانعده صاحب

ومن يصد الناس جاله صفعه
ومن يخالف دين ربي كاذب

#ابوخالد_الطويل

من انتصر للقدس فحنا ربعه
وحيا يوم القدس ماحد غايب

الجاح با تشهد وحرب القطعة
وتشهد الخوبه ورملة مارب

#حمزة_الحيمي

ياشعب ما يعرف طريق الرجعه
من يوم يومه شعب صاحب واجب

معتاد يوم القدس يظهر طبعه
في نصرة الأقصى امام الغاصب

#ذوالفقار_سفيان

ياهل الاباء والمرجله والرفعه
القـدس لا يبقى عليها غاصب

في معركة ماشي وراها هجعه
بـالقارعه والـواقعـه والـثـاقـب

جريح الحرب#رفيق_زرعان

صرخات في ساحاتنا مرتفعه
بصوت إيماني يماني غاضب

نفير نحو القدس مافي رجعه
نحرر الأقصى وندخل مارب

#ابو_برق_الظرافي

ياشعب عزك ربنا باالرفعه
اقبل بيوم القدس واخرج غاضب

لقن ابو اسرائيل اكبر صفعه
لو ما تخلي العين فوق الحاجب

#يونس_النزيلي

كلـــين يااخــــواني يحــشد ربـعه
ويجمع الاصحاب صاحب صاحب

لو كل واحــد بـس يحشــد سبــعه
لانرعب امــريك والكيان الغـاصب

#أبوحسين_العصري

إحياؤنا لليوم هذا صفعه
لأهل الخيانة والعدو الغاصب

نمسح عن أقصانا الجريح الدمعه
وفوق اليهودي با نشب اللاهب

#ابوشرف_خولان

كلين يجمع من قدر من ربعه
ومن خرج فيعتبر بيحارب

ياشعب أنا ذي منع كلا منعه
نحيي ليوم القدس ضد العايب

#ابوبراءة_الديلمي

لا بد مــانخرج كــتائــب دفــعــه
الشاب والطفل الصغير والشايب

وكــل مــن يفهم ويـوصي ربعه
الـــقدس ذكره فااليمن متواكب

#عدنان_جحوح

واجب علينا يا النشامى جمعة
نبعث رسالة للعدو الغاصب

للفتح شمرنا ومابش رجعة
عن قدسنا فالله بجنده غالب

#ابوحسين_السحاري

كلاً ليوم القـدس يحشد ربعة
ننصر قضيتنا بمـوقف صاخب

وبجمعنا يلقى اليهودي صفعة
شعب اليمن جانب وربي جانب

#الشاعر_جبر_المهدمي

لبيك يالأقصى نجي في سرعه
ونــــلبي الدعوه بموقف غاضب

فزعه معــا الأقصى ولابه رجــعه
ضـــد اليهودي والــــعدو الغاصب

#شاعر_بلاد_الروس

يااصحابنا كلن يخبر ربعه
وقفه مع الله القوي الغالب

لأجل بيت الله نحضر جمعه
ضد اليهودي المعتدي الغاصب

#صالح_حسين

خروجنا للقدس شدة وقعه
موت اليهودي والعذاب الواصب

يدعس على امريكا بثورة نقعه
يفتك بها مثل الرعيد الحاصب

 

‌‎#عبدالباري_قاضي

القدس والأقصى كفاهم وَقعَه
لازم نحسّن وضعنا المتضارب

مَن عاد يملك في كيانه نزعه
يسعى إلى طرد الكيان الغاصب

#ابوعلي_البريهي

سبط النبي نادى وواجب سمعه
ياشعب والحاضر يقل للغايب

من واجب إيمان اليمن والنزعه
يخرج يغيض المعتدي والغاصب

#ابومقدام_الخمري

واجب يوجه كل واحد صفعه
ليهود خيبر يارجالي واجب

بحضورنا الفعّال نُخرج جّمعه
من كل بُقعه يارجال وّغارب

#الشاعر_ماجد_غانم

ارواحنا سبقت بقصى سرعه
لبت ولباه الشباب والشايب

خطوه قطعنها وباقي قطعه
والقدس يتحررمن ايد الغاصب

#ابو_محمد_دحان

نصرخ ونتبراء بعز ورفعه
بالموت لكيان اليهود الغاصب

تطبيق ل آيات الكتاب وشرعه
قال العدوا نعد له ونحارب

#الشاعر_بدر_أحمد_الكهالي

يا أمـة الإسـلام أكـبـر رفعة
بنصرة الأقصى وطرد الغاصب

والقول الموقف وشدة وقعة
أقوى على الصهيونية من ثاقب

#عبدالحكيم_ابوهاشم

احنا المدد والعون ناتي فزعه
ودعوة الـجمعه علـينا واجب

لابد يعـمل كـل من ما وسـعه
الكل معني شابهـا والشــايب

#كميل_الحماس

الكل يوم القدس يزهم ربعه
مضاهره وحشدشعبي غاضب

نوقف مع قدس الكرامه جمعه
ونزلزل اركان الكيان الغاصب

#الشاعر_صالح_النقيب

عيون الاقصى ذارفه بادمعه
من جور شد الحبل فوق الغارب

لبيك بانمضي ولا به رجعه
قاداتنا والشعب لك متجاوب

#شهاب_المتوكل

ياشعبنا المغوار اخر جمعه
من شهر رمضان المبارك واجب

للقدس نعلنها ونخرج جمعه
في حشد نخزق به عيون الغاصب

#الشاعر_ماجد_القادري

ابشر بعزك في صمودي تسعه
القدس عيني تحفظه بالحاجب

القدس قد نادى اليماني ربعه
نقبل مثيل الغيث مزنه ساكب

#ابو_جهاد_صبر

ياشـعـب يـمـلـك بالـعوالي رفعه
واجـب عـلـيـناء شـاب ولا شـايـب

نحيي ليوم القدس با اقصئ سرعه
تأكـيـد إن احـنـاء مـعـه بـنـحـارب

#جلال_ الحجري

من موطن الإيمان جينا جمعه
لبيك يالأقصى بكمن شارب

للقدس ياشعبي ولابه رجعه
والموت لكيان العدو الغاصب

#ابومصطفى_واصل

نظهِر غضبنا والسخط والنزعة.
على الكيان المعتدي والغاصب.

على خطى الكرار ماشي رجعة.
لإن من والآه يصبح غالب.

#أبوصخر_الجوحمي

قوم المراجل. والاباء. والفزعه
شيعة علي من كان سيفه ضارب

من. اجل اقصانا. نلبي سرعه
للقدس مفتاحه وهو في مارب

#الشاعر_أبوعزام_الشامي

واجب علينا الكل نخرج جمعه
هذا هو المطلوب وهذا الواجب

فـــنصرنا للقــدس فيه الرفــعه
إحـــنا مـــع الله الــقوي الغالب

#الشاعر_احمد_محمد_مهفل

ارحبت يا داعي الٳباء والرفعه
ترحيب من صاحب يعزّ الصاحب

للقدس هبّينا ومابش رجعه
ملعون من طنّش نداء الواجب

#ذوالفقار_القيدله

لبيك. وابشر. بانلبي جمعه
نحيي قضيه ساميه ونواكب

علي والاقصى والتولي رفعه
ومن خذل مسرا محمد عايب

#حافظ_الحماس

يبشر بنا الأقصى نبادر جمعه
في يوم نُصرة قدسنا بنحارب

هذه قضيتناوهذه نورناوالشمعه
من أول المشروع وأنطلاق القارب

#ابورحال_الجنيد

للقدس حتا لو ذرفنا الدمعه
لا بد من سوط العذاب الواصب

يااهل اليمن قدام ماشي رجعه
ل. قصئ بنا راسه مقنّف عاصب

#الشاعر_أحمد_الشريف_((ابوفاطمة))

من بعد مانقضي صلاة الجمعه
واجب علينا يالنشاما واجب

نوقف مع الأقصى وغزة جمعه
في وجه صهيون الكيان الغاصب

#عبدالكريم_ناصر_الحنيه

ياقدسنا لبيك باقوى سرعه
روحي فدى لك رغم انف الغاصب

لجلك لو اتقطعت قطعة قطعه
مسرى رسول الله وجوب نجاوب

#سامر_الضبي

انا فدا للقدس واحنا نبعه
واحنا سند له لويعيب العايب

احنا عشقنا القدس نهوى طبعه
احنا هل الفزعه لمنهو حانب

#ابوحزام _سامي_المضري

كلـــن يعممها بقــصئ الـــسرعـه
دعوه لذي حاضرومـن هــوغايب

نرسل رساله لجل الاقصئ جمعه
ومن بني صهيون شعبي غاضب

#الكرار_المشراقي

ياشعبنا الــكل يحــشد ربعــه
من حدصعده لاتعزلامــارب

لحياء يوم القدس عصرالجمعه
نغيض صهيون العدو الغاصب

#سجاد_الصبي

بنتجه للقدس نعمل ركعه
ونخرج المحتل منه هارب

ونبترع بل بيت البيض برعه
والكل قدهوه فسفينه راكب

#ابومعتـــــز

القــدس نـــادانا لاجـــل الســمـعه
القـدس اذي محـتل ارضـه راهـب

من كل نشمي جيـد يحـشد ربـعـه
فـــزعه نلـبــي مـن دعــانا واجــب

بصــوت واحد يا رجاجيل جمـعـه
القدس يامسرى الحبيب الصاحب

#عابد_المدم

لبيه يا لبيه نخرج جمعه...
الشعب بركان الحشود الغاضب..

نخرج ليوم القدس دفعه دفعه..
شعب اليمن ما قط يهمل واجب..

#عماد_النهاري (ابوسجَّاد)

احـنا تحديــنا العــوالم جـمعه
من اجل عينك والوفاء للصاحب

ياقـدس جـينا لك بـأكـبر فـزعه
نحـررك ونـدق راس الغـاصـب

#طـه_حسن_النواري

واعلان موقفنا يشكل صفعة
في خد اسرائيل تحت الحاجب

القدس مقصدنا وحنی درعه
قل لليهودي والكيان الغاصب

#ابوالعز_الشهابي

ياقدس لبيك بانلبي جمعه
والشعـب كامل بايلبـي قاطب

في سلم والاحرب مابه رجعه
مـهما علينا الكون ذا متكالـب

#محمد_محمد_زيد

في كل ساحه با نقمس جمعه
تحرير القصا ياجماعه واجب

نرفع شعار النصر راس البقعه
نفزع بيوم القدس مانا غايب

#ابو_صماد_الفليتي

واجب وهبـــــوا يا النشاما جمعه..
نوقف مع الاقصـى وندي الواجب..

نحشد الئ السـاحات فزعه فزعه..
والله مــــــــــــولانا العزيز الغالب..

#أحمد_الضمدي

احنا مع الله من نصرْنا شرعه..
نخرج بأمر الله والله غالب..

نسقي اليهود الموت جرعه جرعه..
ومن يطبّع لليهودي الغاصب..

#الشاعر_زياد_زيـد

الكـل مــنـا با يـنـــادي ربــــعـــه
واجب على الحاضر يقل الغايب

مسـارنا للـقـدس مافـيـه رجـعـه
هذا هو الصـح والـقـرار الصايب

#ابوسالم_العنقره

منهاجنا واحد ولا به رجــعه
ماهما يكون الوقت مت قالب

بانقتحم سهيون دار الــقلـعـه
ولقدس مايبقا لديهم حـانـب

#ابو_وعدالله_هفج

لبـيك يالمـسرى بوجـه السرعه
وذالفقار الشـعب جنبك ضـارب

القـدس احنـا لـه واحنـا ربعــه
واحنـا معه بانقـتتـل ونحــارب

#ابوعبدالملك_الغولي

شعب اليمن يابو رواسي جمعه
با يحيو الذكرئ حسب الواجب

لان الـوفـاء والـمـكـرمه والفزعه
لهل اليمن شيعه علي بن طـالب

#وضحى_الهمداني

نسرع كما للبرق اقوى لمعه
ونشد مسرى بالقوي الغالب

ونمــد يدنا لليهود ابقمعه
واللي موالي من حلوب او حالب

#ابو_زايد_ذياب

جمعه نلبي داعي الشرف والرفعه
واجب علينا هذا الكلام الصايب

شعب اليمن شعب الوفاء والنخوه
نخرج نغيض الكفر شباننا والشايب

#اكرم_النيعاني_ابونبيل

خرجه عنجرج للميادين جمعه
نرفع شعار الموت بوجه الغاصب

وكلنا الاقصئ ومحور تبعه
نهجم ونبذل لو يطرح الصايب

#الشاعر_أبوأحمد_الوايلي

با نحيي الذكرى ونحضر جمعه
الـقـدس مطلـبنا نقل لـلـعـايب

من يـوم جاهـدنا بـوادي نـقـعـه
هــذه قـضــيـتـنا وربــي غــالـب

#ابوكنعان_الروس

هبو ليوم القدس باقصى سرعه..
نوقف بوجهه الاحتلال الغاصب

تخسى القرود مصل اليهود البشعه..
وكل منهو في حباله حانب

#ناجي_القعود

لازم علينا الكل نحضر جمعه
لاساحه الميدان اخ وصاحب

فوق الطقوم الخضر وابو زرعه
نوقف معاء الأقصى بكمن جانب

#جلال_المظل

فوق طقم الشاص والبا زرعه
هبه رضا لله بفعل الصايب

يتشرف القايد باعضم طلعه
ويرضي عننا الإلاااه الغالب

#ابوالفتــح_الجــــرادي

ياشعب اولي بأس شديد ومنعه
نادا المنـادي داعــي الله جــاوب

نفـــير واستنــفار يـــوم الجــمعه
الكل لايبـقــــى علــــيها شــــارب

#أبوتراب_الوادعي

القدس نادى يارجال الفزعة
كلن يبادر في اداء الواجب

يحشد ليوم القدس كامل ربعة
ميعادنا الجمعة وربي غالب

#الشاعر_يوسف_الحداد_ابوحيدر

القدس موعدنا باقصى سرعه
واجب على الحاضر يقول الغايب

خروجنا في يوم ذكراه جـــــمعه
شبانها يالابتي والشايــــــــــب

#زيـاد_السنافـي

كلـن إلي الساحـات يَـحْـشُد ربـعه
نـادى المـنـادي ياليـمانـــي جاوب

مسرى النبي من جسمنا هو قطعه
لــن نتــركه قل . للكـيـان الغاصب

#المنشد_محمد_القواس

لي منعكم ياشعب هبوا جمعه
القدس. ياقومي نخانا حانب

محنا مثل حكام باعو القلعه
كمن مطبع لليهودي كاذب

#إتحاد_الشعراء_والمنشدين