قال الذي هـاجـسـه من حال الاعراب هـج
واتعكّـر الـبـال و الخاطر وضـاق الـمـزاج

شاعر محنك يماني حـرّ قـد أنـزعـج
زاد العناء و الأسـى و الضيق و الإنـزعـاج

يا أهـل الـحـمـيّـه لقد زاد الـغـوى و الـعـوج
أعـوج معيوج و عـوجـاء تعشق الإعـوجـاج

وضـع العروبه تـمـلـغـج يا عـرب و امـتـغـج
غـطّـى عليها غـبـار الـيـهـوده و الـعـجـاج

والـشـرق الأوسط تـشـنّـج بـالـخـنـا واشـتـبـج
وبـطـن غـزّه والاقصى اليوم زادت شُـبـاج

دخـل عليها ضـلام الـيهوده مـا خـرج
و أطـفـأ عليها الـضـيـاء اليعربي و الـسـراج

والـذل هـيّـج و تـزداد الـمـذلّـه وهـج
هـل شي لديكم لـداء الـذلّ جـرعـة عـلاج

حُكّامنا حـيّوا الصهيون من كل فـج
بـاعوا الـعـروبـه ببيعة رخص وسط الـحـراج

وأحـبـار صهيون ذي تنخط علينا شـنـج
لان الـيـهـودي تـزوّج بـالـغـزالـه زواج

ولا لـديـهـم مـن الـتـطـبـيـع ذِرّة حـرج
أو شجب شـفـنـاه او حتّى خطاب إحـتـجـاج

لـييـش الاعراب كـالأفـراخ داخـل مـدج
حـكّـامـهـا اتـحـوّلت مـثـل القطط والـدجـاج

كم حاكم اليوم بـاحـبـار الـيـهـود انـدمـج
والبعض وقّـع على الـتـطـبـيـع و الإنـدمـاج

وصـار عـنـده لصهيون اليهودي حـنـج
يفـرش بـأرضـه بـسـاط الـودّ لـه و الـسـيـاج

إذا رأى يوم للصهيو ضحك و ابـتـهـج
والأغلبيه مـعـه هـم في فـرح و ابـتـهـاج

راس العروبه لديهم بالعروش افـتـدج
والمصلحه والمناصب حوّلتهم 🐑 *نـعـاج*.tt 🐑

قلبي من الحال ياخبره مرض وافـتـلـج
وصـاب عقلي جـنـون الـعـقـل و الإرتـجـاج

في أي منهج تـقـولـوا كل حاكم نـهـج
كي يتبع الصهينه فـ الدرب وفـ الانـتـهـاج

ايش السبب والمسبّب وايش ايش الحُجج
ذي تجعله يقبل التطبيع لـيش الّلـبـاج

لكن قسم مـا رضينا يـا العلوج اللـغـج
مادام واحنا لبسنا ديـن الاسـلام تـاج

يا رب الاربـاب عـجّـل للـعـرب بـالـفـرج
مـاعـد لها الا انت يا ربي عليك الخراج

#إتحاد_الشعراء_والمنشدين