مجاراة عن الأبطال الثابتين في متارسهم رغم قسوة الشتاء
البداية #ابوراكان_السحاري
سلام الله على كمّن سنافي
في الجبهات مسلوله سيوفه
مرابط في الشدايد والعوافي
عدوه يرتعد ساعة يشوفه
مع الله والعلم ثابت ووافي
ولايحمل على الدنيا حسوفه.
بذكر الله والتسبيح دافي
وبرد المرحله ماهز جوفه
#أبوحسين_العصري
ثباته كن هو موقف خرافي
متى ما كثف الباغي زحوفه
يرد الخصم قتلى او مشافي
ويلقى جمعهم منه حتوفه
جنوبه والمضاجع في تجافي
ونفسه عن هوى الدنيا عزوفه
الا يا الله عينه وانت كافي
عبادك واحفظه من كل عوفه
#ناجي_القطيبي
انا سجّلت فى الشعر اعترافي
لمن يعلن مع (الباري )وقوفه
ويمشي داخل الجبهات حافي
تشوفه مثل (طومر) في زحوفه
وعلمه فى الحرايب علم شافي
اذا، راه العدو فِيْطير (صوفه)
سلامي له معا سجع القوافي
يصل ذلحين ويْقَبّل (كفوفه)
#عزالدين_جحاف
وماهمه إذا ماسار حافي
ولو يلقى في الهيجاء حتوفه
وماهمه معاناة الحرافي
يهمه الشعب تتحسن ظروفه
يهمه دحر قطعان الجلافي
يهمه الشعب تتماسك صفوفه
أنا اشهد مايوافيه أي وافي
ولايقدر أحد يبلغ وصوفه
#ابوسياف_البيحاني
عليك الله يا ابو قلب صافي
وصابر محتسب ثابت وقوفه
مضحي في سبيل الله حافي
ولا جاكت معه يدفى بصوفه
وثق بالله..سبحانه وكافي
ولا يشكي على العالم ظروفه
انا اشهد انه كافي. ووافي
ويسعد ناظري في يوم اشوفه
#الشاعر_أخوهيثم_نضال_حُميد
رجل مؤمن مجاهد عذب صافي
مع الله منطلق ماشي يخوفه
على روس الشوامخ والفيافي
صمد من دون ماخصمه يشوفه
وفصل من صلابتها كوافي
وخيط من مراعيها كفوفه
وداس اركابها واشعاب حافي
ولا برد الشتاء غير ضروفه
#الشاعر_صالح_النقيب_الجوفي
حماة الحد في كل الفيافي
نسيج العز دفاهم بصوفه
مجاهد داس برد اليل حافي
وماسك بلكرامه في كفوفه
ولاهمو شتا السبع العجافي
سكينه داخل المترس تطوفه
عدو الله كم سوى التفافي
ولاكن بأسهم دمر زحوفه
#ماجد_المطري
تذكَّر وانت فـــوق الفــــرش دافي
وكــم من شهـــم مــا بارح وقوفه
يذوق البرد كنه شهــد صـــــــافي
ويستحلي مع البـــــاري ضـــروفه
وتحمى الأرض تحت اقدام حافي
تلحَّف متــــرسه والرمــل صـــوفه
وشغل البعض بالشـوط الإضـــافي
والأرجنتيـن كنَّـــــه في صـفــوفه
#الشاعر_متاش
لهم منا سلام الله قافي
وشهد القول من اجمل حروفه
وجنه كلها من نهر صافي
وحور العين في الجنة تشوفه
لهم صغت المعاني والقوافي
وروحي في محاربهم شغوفه
رجال الله كمن قرم وافي
في الجبهات مايوقف وقوفه
جريح الحرب #رفيق_زرعان
انا في البيت متلحف ودافي
وهوه في البرد بيكثف زحوفه
مع الله يقتحم في البرد حافي
ويجتاح العناء واقسى ظروفه
مجاهد في سبيل الله وافي
سلام الله على جلده وصوفه
وجلد الوجه له يرجع لحافي
اذا برد الشتاء دقت دفوفه
جميع الشعر وانواع القوافي
قليلة عند من يهوى حتوفه
#عدنان_جحوح
مـرابط في الرواسي والفيافي
تعوّد بالتفاني من زُحُـوفَــــه
غضنفر تحت موج البرد حافي
كمثل الطود شامخ في وقوفـه
أسد مغوار طول الوقت وافي
مع الباري تأقلم في ظروفه
ففي وصفه بتحتار القوافي
ولا شاعر جَزِل تُوفِي حُروفه
#محمد_الداهية
وعاده داخل الـجـبـهـات حـافـي
وعالي الـمـعـنـويـة فـي وقـوفـه
مـن الـرمـلـه فـرشـه لا خـلافــي
وثقل الحرب بتـشـيـلـه كـتـوفـه
وتـلقاه لا ضـوى زاور حـرافــي
ورب العرش يعلم كيف ظروفـه
إلهي يـحفـظـة مـن كـل خـافـي
عدد ماجاء في القـرآن حـروفـه
#علي_العسكري_المكلي
سلام الله عليكم يا المطافي
لوجعة شعب ما يشكي ظروفه
رجال الله كمن قرم وافي
في الجبهات ثايرهم تشوفه
متارسهم حرم كرار صافي
حشود النصر و العزة تطوفه
#أبـو_رمـاح_شـداد
قهر جوالشتاء بالحرب دافي
مكيّف كيف ماكانت ظروفه
وخصمه في مذله وارتجافي
ولاشاف المجاهد زاد خوفه
أحيي قرم بالجبهه مواافي
مجاهد بالولاء كامل وصوفه
وتسجد له حروفي والقوافي
لشكره هاجسي رتب صفوفه
#ابوشهيد_القطمي
لهم تسجد حروفي و القوافي
وكم شاعر لهم تسجد حروفه
سكنهم و الدفاء رووس الفيافي
وروح الجيد في الجبهة شغوفه
مع الله ضد الأحلاف الجلافي
يبيدوا الشر و يصدّوا زحوفه
شتاء أو صيف ما فيهم خلافي
يحني الذيب من البارود كفوفه
#ذوالفقار_سفيان
قسم مـا بـا تـوافيهـم قـوافـي
سوى الجنات ذي داني قطوفه
هنا كمّـن بـطل مـقدام زافـي
الى رب السماء سـاند كتوفه
هنا الاحرار والقوم الصوافي
تحدو الكون في اقسى ظروفه
قلو لاهل السلاسل والكوافي
إذا جا الخصم والله ما يروفه
#عبدالواسع_صايل_الغولي
الا ياعالم اسرار الخوافي
دعوتك دعوة المشتد خوفه
اسالك يا الهي ان تعافي
من اشتدت في الجبهة ظروفه
و خليه من هموم الوقت صافي
وقوي ساعده واسند كتوفه
هم الأقوى ودونهم الضعافي
وهم عز اليمن واغلى حروفه
#محمـد_مجلـي
زنـاد اليـــد والشـاذر كوافي
ويرصد كل ماحوله يطوفه
واشـد البرد مايقرب لحافي
وعين الله من فوقه تشوفه
مجارات النشاماء فالاضافي
تسـدد كل معبر من ضروفه
#قاسم_السقاف
سلام الله على اسباع الفيافي
ومامن ليث واعداءه تخوفه
ومامن ذيب فالجبهات حافي
وتبطش بالعدو ظربة كفوفه
ويتلحم فالاعوام العجافي
وفالشدات مايعلن وقوفه
وفالشوط المقرر والاظافي
غلب للخصم وانهارت صفوفه
#ابـومـازن_الـرازحـي
لهم كل امتناني واعترافي
لموقفهم مع الحرب وضروفه
مواقف ما توفِّيها قوافي
وتتخلبط على الكاتب حروفه
يقوم الصبر لهممهم عكافي
ويحني العزم لقواهم انوفه
مخاوين الصحاري والفيافي
لمن يغزي يوفونه حتوفه
#هادي_حسين_الرزامي
شرى نفسه من الباري قطافي
ولا فكر بأمنه أو بخوفه
وقلبه بالهدى ساكن ودافي
ويبحث للشهاده عن حتوفه
نسي جلده يسير الليل حافي
على الصحراء يدوس بها خفوفه
#علي_الشعيثي
سلامي يملي الدنيا ومافي
جميع الارض من جوفه وحوفه
لمؤمن في السواحل والفيافي
مرابط من شروقه لاخسوفه
لانار الحرب تعشق ماتخافي
وعندالبرد لايمكن تخوفه
ولاشفتو علي والنت طافي
فهو في مترسه ينضم حروفه
#الشاعر_بشير_الشامي
قلوا للبرد يعلن بالعطافي
مدام الجيش مايهتز نوفه
انا اشهد وشهدي ياذالقوافي
وتشهد عيني اللى باتشوفه
مدام انه يدوس الحيد حافي
بذكر الله والتسبيح جوفه
بضلش ياسماء قد صار دافي
وذكر الله ينطق في حروفه
#ابو_جهاد_صبر
عــجـز حرفي وشـعري والـقوافي
لـمدح انـسان مــعـقـوده وصـوفه
مـجـاهد عـاش في روس الفيافي
ومولاء الجود قـد سـجل كشـوفه
مـع ربـه دعـس عــ الشـوك حافي
وحــر الــبـرد مـاء .أثـر. لـخــوفـه
هـدئ الرحمـن شربه عذب صافي
وجّـرع خـادم امــريكاء حـتـوفـه
#ابوعهد_شهم_الدينه
مع الرحمن ممنوع التجافي
ويثبت موقف الوافي وقوفه
وما شفناه في السبع العجافي
يجب يلقاه من ما ادت كفوفه
قلو لانصار اسرائيل كافي
تحالف نجد قد طاحت كشوفه
#ابواياد_المطري
الى من في المتـارس والفيافي
وهدي الله في ذا البرد صوفه
ثقالـي قد نفر وايضاً خفــافي
وقد فوض الى الباري ضروفه
ثباته يعجــز ابيات القـــوافي
فقرر هاجسـي ينزل يطوفه
وينــقل من ثباتي درس كافي
وتاريخ الزمن يعلن وقـــوفه
#الشاعر_ابوحمزه_المقاش
نويت اكمل في الجبهه طوافي
ونفسي للقاء دايم شغوفه
معا الجبار ما نخشى الخلافي
علا الناموس تتعالا رفوفه
يذوق الموت من داخل مشافي
ويرجع من طغاء ناقص كفوفه
يذوق المر في ساع التفافي
وهاجوس الفناء ينضم حروفه
#الشاعر_ذوالفقار_القيدله
مجاهد في القفارا. والفيافي
عرف باالصبر في قسوة ضروفه
ورغم البرد وايام العجافي
أبد مامال. ماتوهن كتوفه
وباالأقدام داس الشوك حافي
في المتراس يترصد ضيوفه
فراشه رمل والجو الحافي
ونوم الليل واعيونه تعوفه
#علي_الشاوش
بذكر أمثالهم تعجز قوافي
وبيت الشعر تتعجم حروفه
من التسبيح حاكوها كوافي
خيوطه بسملة والذكر صوفه
سلام الله منا ود صافي
لجيش الشعب ذي رتب صفوفه
شرد منهم عدو الله حافي
ومن قبضاتهم لاقى حتوفه
#بشار_عباس_الشومي
مع الرحمن مجاهد حر وافي
على الميدان متجهز سيوفه
مع افراده هجم بالليل حافي
ولا يخشى من اتمادى زحوفه
انا احييه واحيي كل وافي
ومن بادر وشامخ في وقوفه
وجب يا كل شاعر بالقوافي
نجاريهم على واقع نشوفه
#ابورصيد_المرهبي
سلام خاص يوصل كل حافي
مع الله انطلق واعلن و قوفه
يدك اوكار الاعداء و المصافي
و يكسر للعدو كامل زحوفه
برغم البرد يمسي الليل دافي
و يقهر في الزمن هذا ظروفه
#عبدالقوي_البطل
وجند الله تبقى في اصطفافي
مايمكن احد يمحق صفوفه
كما ان الحرب للمؤمن عوافي
به يزداد في صيته وشوفه
يصد المعتدي في الزحف حافي
وبالايمان يكسر له زحوفه
فقل للمعتدي يادهر كافي
او يبشر بضربتنا تطوفه
#الشاعر_صقر_الريمي
مع الله في سبيله يا عوافي
صقيع البرد وحد له صفوفه
ووعد الله في القران كافي
ولا همه لو اتقطع كفوفه
ولا هو من مع الله با يخافي
تجاره رابح وين المخوفه
ودام الله معه شافي وعافي
يمده كل ما اشتدت ضروفه
#وضحى_الهمداني
حجاب الله على مقدام كافي
في المتراس ابد ماهو يعوفه
كأن البرد له محماس دافي
واشواك المعارك مثل صوفه
حمل روح التفاؤل والتصافي
حمل حمل النوايف في كتوفه
دروع المجد اذي ظاهر وخافي
نزل نجم الكواكب لجل شوفه
#ابوالفتح_الجرادي
مع الله فـي سبيله لاخــلافــي
توفق من صدق واثبت وقوفه
صموده والثبات بان كل خافي
وبين قوة الايمـــــان جوفــــه
هزم عدوان متعجرف وهـافـي
اذاقه ويل وتلقــا حتــــوفـــه
ووضعه صاربالعكس اختلافي
وكل الناس والعالم يشوفـــه
#ابو_يحيى_الشوكاني
حروف الشعرتعجز والقوافي
وحتا الشعريعجز في حروفه
فكيف اوفي وانا في البيت دافي
وكمن حرا في الميدان اشوفه
رجال الله كمن قرم حافي
مع الرحمن ماهانت كتوفه
سلام الله تعداد الفيافي
على الاحرارمن نالو سيوفه
#الشاعر_ماجد_القادري
كمن شهم بالجبهات حافي
بساحات الجهاد فعلا يطوفه
هم الأبطال فعلا والفيافي
لهم شكرا وعطره من حروفه
حذاهم في مجالسنا كوافي
وتاج النصر من هيبة ضيوفه
لهم رب السماء بالبرد شافي
يقدرهم بعزه عن ضروفه
#ابن_دغشر_الشومي
رفيقي محزمي درعي كتافي
بطل مغوار ساندني وقوفه
عظيم اخلص جهاده لنتصافي
عشان الشعب ينزع كل خوفه
فمثله مثل ابو نصر الشعافي
ردع خصمه وصل لا وسط جوفه
#ابوهاجس_الشومي
رفيق الحرب سطر درس مافي
مثيله في العالم الأرضي أشوفه
بطل مغوار مؤمن حر صافي
ذهب تعجز حروفي في وصوفه
رغم الحرب تشعل نار اظافي
بذل نفسه وأصدق في وقوفه
#أبوصخر_الجوحمي
سلامي من صميم القلب وافي
لكم ممزوج في اعظم حروفه
لمن هوداخل الجبهه يجافي
ويتلذذ مع ربي ظروفه
نرى معظم رجال الله حافي
ويمشي للعدو يقطع زحوفه
لحافه ذكروالتسبيح كافي
ورحمة ربناكانت تطوفه
جريح الحرب/
#ابوجمال_الدين_المرشحي.
وكل نشمي كافي وافي
ثقه بالله دومآ بجوفه
مع الله جو بارد ودافي
نار جهنم أشد مخاوفه
وكل من ف البيت دافي
ينفق بما يستطيع يوفه
#أبويونس_العويري
طقوس الجو عنده كالعوافي
ولأجل الدين ما همه ظروفه
مع الله في سبيله لاخلافي
يصدوا أعداه ويصدوا زحوفه
يهّم البعض شرب الموك كافي
وهّمه عالعدو يقهر صفوفــه
#أخت_شهداء_البكالي
سلام الله على ابطال الفيافي
من اتسلح بإيمانه وقوفه
فلا شاعر يوفيهم قوافي
ولاتقدر توفيهم حروفه
بوجه الظلم والجيش الرهافي
برز مثل الاسد حامي كهوفه
ومنه فر جند البغي حافي
يهرول مابقي ريقٍ بجوفه
#مختار_البحري
رجال احرار كمن قرم وافي
في الميدان قد نفسة شغوفة
علئ حر الجمر دعاس حافي
مع الباري قد اعلن وقوفة
مرابط في المخاطر والعوافي
لغير الله مايبدي ظروفة
في ايام الرخاء ولا العجافي
مع الرحمان مسلولة سيوفة
#جميل_الجنيد
حروفي والقصايد والقوافي
خجولة صاغرة مما تشوفه
تشوف أبطال في كل الفيافي
شتاء أوصيف ما تفرق ظروفه
بساحات الوغى تنفر خفافي
تدق المعتدي تكسر زحوفه
لهم تاريخ بالأمجاد وافي
تُسَطّر بالدم الزاكي حروفه
#ابوالكرار_المجنحي
معا ربي ثقالآ أو خفافي
نفرآ طوع ما جينا كلوفه
وباندخل في الشوط الاضافي
معا العدوان وحنا بانشوفه
رجال الله كم جيد وافي
طلع قاسي على قسوة ضروفه
عيونه ما يفارقها المشافي
والاربيجي بها سنح كتوفه
#الكرار_المشراقي
رجال الله كــمـن قــرم وافــي
حروف الشعرتعجزفي وصوفه
مجاهد حيدري نشمي سنافي
معى الله والنبي اعلن وقوفه
مرابط في السحاري والفيافي
يدك الخصم يتصـدا زحوفه
من ايات الهدى من كاس صافي
تحزم ورتوا نفسه شغوفه
#الشاعر_يوسف_الحداد
اذا قلت احترافي احترافي
بعنى القول في كامل ضروفه
دعس فوق الطغاة والحر حافي
وفوق الحلف لاصعد زحوفه
سلاحه والهدى بالله كافي
على المحراب مايحنى قطوفه
قسم مابا توافيه القوافي
بموقف بالشجاعه والعروفه
#الشاعر_عبدالله_الحداد
مـع الله خيلو ضرغام وافي
ياقوم دافيه بعشرين صوفه
يسلوه المعنويات قال كـافي
معي رب السماء دايم وقوفه
ف البرد الشديد الجسم دافي
ولاحسي صقيع ساكن بجوفه
على جناح الملائك جو صافي
مكيف كيف يعجزني وصوفه
#أسـامـة_المـعبـاء
مابـا توافيهــم جــزال القــوافـي
لوكل شــاعر جاب اجمل حروفه
للقرم ذي عاش السمان والعجافي
ثابـت مع الله ماتــزعزع وقــوفه
في بــرد ولا حــر مــابه خــلافي
لــو حتى تتقطع اصــابع كفــوفه
عنده يعيش الشعب شابع ودافي
وآمن ولا عد شئ بيعيد خــوفه
#الشاعر_ابوحيدر_عامر
مرابط في سهول وفي فيافي
معى الرحمان فالجبهه كيوفه
مجاهد حيدري مؤمن ثقافي
عجزت اوفيه حقه من وصوفه
قصيدي له سجد بعد القوافي
سجد حرفي وحرفي من حروفه
#الشاعر_ماجد_غانم
بمحراب الاباء صلت قوافي
وبحرالشعر والهاجس يطوفه
عليهم سلمت بقعاء اعترافي
وكون الكون اذهلهم وقوفه
وقف شامخ ومجهوده خرافي
يهاجم يقتحم تبهر زحوفه
رقاء طومر مقاتل احترافي
ومشهد يقلق الغازي يشوفه
#ابوعبدالله_عنبل
نصير الحق والجوعى الضعافي
امامه ضيع الهاجس حروفه
بساحات الوغي اسطوري خرافي
قوى العدوان تغنمها صفوفه
تحمل شدت السبع العجافي
وجاء بالثامنه يشحذ سيوفه
#أبومالك_الكوماني
سديدين الظواهر والخوافي
اطاحوا ف العدو وافنوا زحوفه
بكمن قرم خاض الحرب حافي
وحاز السبق في قاسي ظروفه
بنى بايمانه المجد الإضافي
ومن زاكي دمه صدر حروفه
سقى العدوان كأس الموت صافي
واذاقه ف الوغى كامل صنوفه
#ابوناصح_العزي
سلام الله على صاحي وغافي
في المتراس ماهمه ظروفه
يدوس المعتدي بأقدام حافي
وسقاه المذلق،من كفوفه
ثباته درس للاجيال كافي
صموده مدرسه تكمل وصوفه
شحن قلبه بعلام الخوافي
ولا للبرد شمل جلدصوفه
#ناديه_السقطي
الى كمن بطل وسط الفيافي
مع الله انطلق واعلن وقوفه
تحية نصــر تُرفع بالقوافي
لمن اسقى الغزاه دلة حتوفه
ثباته في سبيل الله خرافي
بايمانه تعـــدا كل خوفه
رجال الله كمن قرم حافي
قهر برد الشتاء باقسى ظروفه
لهم منا الدعاء من قلب صافي
وماخاب من رفع لله كفوفه
#عيسى_الهروجي
حروف الشعر تعجز والقوافي
على كم من بطل تكمل وصوفه
اسد كرار فوق الجمر حافي
على حر اللضاء مثل وقوفه
كفاها الله ربه خير كافي
وأمن ممن الخيفات خوفه
شموخه فاق هامات الفيفي
وعانق في سماء العزة قنوفه
#شهاب_المتوكل
وجندي الله في الجبهات حافي
ومتلحف بصخر احنا نشوفه
ورغم البرد هوبالحق دافي
ولايهتز جلده او كفوفه
من اجلود العدا فصل كوافي
ومن دمهم دفي صدره وجوفه
خرافي في بطولاته خرافي
ولطف الرب والرحمه ضيوفه
#بشير_سفيان
سلا الله لكمن جيد وافي
في الجبهات بيرتب صفوفه
مجهز عدته لأجل الطوافي
ملبي محتزم درعه وسيفه
مع الله مرتبط والله كافي
ومن يخلص معه هيا ضروفه
ومن هول الشديد ما يخافي
ومن ربي معه من با يخيفه
ذكر الله دواء القلب شافي
تسطره الملحم لي نشوفه
#الشاعر_زياد_زيـد
في الجبهه صمدروس الفيافي
مع الرحمٰن قد وحد صفوفه
مع الله موقفه شاهد وكافي
في الجبهات حن نفذ زحوفه
امام الخصم في الميدان حافي
ورغـم البرد قـد اعلن وقوفـه
#عدنان_سالم_الذويبي
على روس القمم وسط الفيافي
رجالن ما اشتكوى الجو وظروفه
ولااحدن منهم علن للنصرافي
ولا لدفى قدم له بروفه
من الله باع ف حربه والعوافي
غريزه ساكنه في وسط جوفه
وطبع الصبر به ظاهر وخافي
شتاء او صيف ما اتزلزل وقوفه
#ابوشامخ_المهدي.
عوافي قل لهم ياخي عوافي
مدام الحق يتعدا صروفه
ضهر من بندقي ما كان خافي
وقاتي في يدي داخل قروفه
وما عمر الشلي يشكي حرافي
ولو في الفطر ياكل له نشوفه
زبادي عندنا اطعم من خرافي
علا الباطل وذله في صفوفه
#أبوزيد_الزبدي
غرقت اليوم في بحر القوافي
وشعري جا يشارك في حروفه
مع ربي نفرنا بثقال وبلخفافي
ولاجا الحلف مانخشى زحوفه
معك يا سيدي لاخر مطافي
على الاقصي ونظرنتا نشوفه
عهدنا ان بلاقصى الطوافي
ومنهوا بلخليل يرحب في ضيوفه
#إتحاد_الشعراء_والمنشدين
طباعة الصفحة
قصائد ضد العدوان
فيسبوك 
تويتر 
يوتيوب 