كلمــا لسِلــم في الهــدنة سعينـا
قام عــدوان الخليج يلعب بذيله

حـرب يوقفهـا ولاكن مش علينـا
نعــرف انه من وراها الف حيــله

مالهــا الا نبتــديــها من صلينـــا
معــركة والحـرب بانشعل فتيله

ما ابتغينــا غير هاذا ما ابتغينــا
يـايمنـــا كل من يشـــفي غليــله

عام "ثامن" راح و"التـاسع" لفينا
والله انه عــام الاحــداث الهويله

با تــجي أشيــاء تتحقــق يقينــآ
نشــوفها ويشــوفها حلف الهبيله

حـرب باتحصـل ولا مثـله راينــا
بيـن أهل الحـق والشلة الدخيـله

حــرب شعوى داميه فيها اعتلينا
نخــوضها وشوقنــا يشعل شعيله

با يقــوم "المحور" الي له بنينــا
يجتث إســرائيل والمحتل يـزيله

با يصيــر للحلف كل ماصار فينـا
وبا نخلي المملكة تصبــح عليـله

والنهــاية باتــجي لآبنـاء اللذينـاء
مخـــزية بـ العــار وبالـذلة وبيـله

با نشـردهم الى "صحــراء سيناء"
وبايتــوهوا تيهت العُمـر الطويلة

وبا يقــولوا ليـت واحنـا ما اتينـا
ندخل الحـرب الذي ماهي سهيله

العميل يقــول للامريكي انتهينـا
ويلعنة وهو يقــوم يلعن عمــيله

دورهــم يــبكوا كما نحنــا بكينـا
يذوقوا ما ذاق اليمن في كل ليلة

الصـواريخ موت من مصنع يدينا
قل لذي نحــو اليمن اقبـل بفــيله

في الأبـابيل ويلكـم لا قد رمينـا
من سمـانا ويل حلف الشــر ويـله

محــال نخضع لليهــودي لو فنينا
محال واحد فوقنا يفرض صميله

دام ربي مـــا تركنــا مــا نسينـــا
وهو لشعب العــز ناصــره وكفيله

با نعيش ابحــرية طول ما حيينا
ولعن ابوها النفس لاعاشت ذليله

#إتحاد_الشعراء_والمنشدين