ياحسيــن البـدر يانبـع الصفــا
ياشهيــد أحييـت أُمــه ميتــه

لك عظيـم العهـد منـا والوفــــا
عهد يبقى فوق صنـعــا لافِتــه

ما نفرّط فيك ياْبن المصطفـى
أو نخــونك و(الولايـــه) ثابِته

شعبنـا فـي يوم ذكـراك أحتفــا
بالقلـوب السامعــه والناصِتـه

والمريض احنا علاجه والشفــا
مثلمــــا كل السنيـن الفايِتــه

ماخفينا بعدك الصرخــه خفـــا
أو سكتنا كــ الشعوب الساكِتــه

كيف با نسكت على متعجرفــا
كل خلق اللــه منــه شــامِتــه

يا قرين الوحي واجود من عفــا
بك نســدِّد كل ضربــه باغِتــه

انت نور اشرق ولا عــاد انطفى
بعــد الانوار الضعاف الخافِته

من جفاك اليوم للمصحف جفــا
والعــداوه فــي عيونــه نابِتــه

#إتحاد_الشعراء_والمنشدين