المجاراة السادسة في وصف مظاهر الفرح والابتهاج والسرور للكون بصفة عامة والشعب اليمني خاصة تهيئة واستعداداً لاستقبال ذكرى المولد النبوي الشريف
البداية للشاعر #عزالدين_جحاف
الكون كله بنور المصطفى نور
وزاد أرض اليمن رب الوجود انوار
من فجر غرة صفر ترقب وتتحضر
بنور أخضر جماله يخطف الأبصار
وحيث يممت وجهك تنظر الأخضر
في كل بقعه ينافس خضرة الأشجار
##يحيى_الوحيشي
يا بارق الحق في جو اليمن ثور..
وخبّر اعراب واشنطن عن المختار..
هذا رسول الهدى يا كل متهور..
ميلاده اللي كسانا العز بعد العار..
با نحتفل به وبا نحييه ونصور..
فرحاتنا واقرحوا يا آل ابو زنار..
#محمد_ابوالعز
من وحي(ذكِّر) قصيدي للورى ذكَّر
ذكرى نبـيــنا محمد اعظم الاذكـار
محمد الـمـســك و الكـافور و العنبر
محمد الوحي و الالـهـام و الاشـعـار
محمد الـود و الـعـشـــق الـذي ازهـر
محمد الفـجـر و الاصـباح و الانـوار
#عابد_المدم
الله منحنا سلاح الحرب متطور
يواكب الازمنه والعصر والاطوار...
في حين وضع التحالف صار متدهور...
على شفا جرف هالك منتهي منهار...
وحب طه وآله حب متبلور..
فينا وكنا الحواريين والانصار...
وكل مولد وله أنجاز متمحور...
في قص زنار والا ذيل او خنصار...
#منيف_ثعيل
سبح لرب الخلايق روعة المنظر
وزاده الله من فضله هدى وانوار
بمولد النور فاح المسك واتعطر
من عطر خير البرية موطن الانصار
يا رب صلي عدد ما شعبنا كبر
على النبي المصطفى والعترة الاطهار
#صالح_النقيب_الجوفي
طه به الله بشر قبل مايضهر
ويحتفل كل ما فالكون بلمختار
ويسفر الصبح واليل الطويل ادبر
وتنطفي نار كسرى في يد الكفار
وأنصار طه هم أول من معه كبر
واحنا مع ال النبي بانكمل الشوار
#أخت_شهداء_البكالي
في مولد الطهر طه الكون إستبشر
واستقبل الارض نوره سيد الاخيار
أفواج في مولده انهار تتفجر
تغيض الاعداء وتجعل حلفهم منهار
شغف وروحانيه في شعبنا يظهر
فرحه عظيمه واحنا للنبي الانصار
#جمال_الماوري
هلت تباشير طه والظـــــلام ادبر
وعمّت أنوار طه كامل الأقـــــطار
أما اليمن في قدومه سُـــرّ واتعطر
كنّ النبي قد ولد في موطن الأنصار
وما هو الا اقتبس من جده الأشتر
وزاد في ما اقتبس إيمان من عمار
#رامي_أحمد_السوداني
ياعرش بلقيس أشِّر للواء الأخضر
وقل لصنعاء عزمنا نكمل المشوار
وترتدي عاصمتنا ثوبها الأخضر
من الفضاء تلقطها كافة الاقمار
ونحتفل بالنبي في بحرها والبر
ولا نبالي من الصهيوني المكار
#الشاعر_رايد_الخمري
لبيك لبيك يامن فـ الدجى بشر
واعظم وكبر جهاده خير وستنفار
في مولدك شعبنا والأمه استنفر
ولأرض بالون الأخضر دار يتبع دار
لبيك يانور للأمة علا المنبر
ياقبلة الحق والقادات والأنصار
#أبوحسين_العصري
اعظم عبارة تجسد روعة المنظر
سبحان ربي جعلنا من بني الانصار
بحب طه و آله شعبنا قرر
يغيظ جمع النفاق و يقهر الكفار
يفرح بميلاد طه كل عام أكثر
و ينفرد بالمحبة شيعة الكرار
جريح الحرب #رفيق_زرعان
توشح الكون ثوب الجنة الأخضر
واضـاء بالنور يوم ولادة الأنـوار
كل العوالم به اتباهت وبه تفخر
واتصدر الكون باستقباله الأنصار
جمـال ميـلاد طه هيـبة المنظـر
جمال خارق بحسنه تسحر الأنظار
#ابو_برق_الظرافي
ميلادك اشرق ضياه الكون واستنور
يامخرج الكون من جهل الظُلم والعار
في مولد الحق من سبّح او استغفر
ذا اليوم نحييه في تسبيح واستغفار
يابدر نوره توارى في زمان اغبر
يوم انتعم باالهداية واكتمل في غار
#ابوقصي_العويري
ياشعبنا افرح وبطلالت ربيع افخر
وابقى مع العيد متفائل عشي ونهار
وب خير الايام وأعظم شهر يتقدر
في كل ساح احتفل يا بلدة الاحرار
ربيع ذي عزنا الله بــه وذي بشّر
باالنور والخير والرحمه وعقبى الدار
#ابوحرب_الفقيه
من قبل يولد فرح عيسى وبه بشّر
بشّر جميع الملا عن مولد المختار
وشعبنا بلبشاره هو ذي استبشر
وامنو به وعد كان البشر كفار
وبعد ماهو ولد كنا له المعشر
وكان لامره مسٌلم معشر الأنصار
#ابو_وعدالله_هفج
ولا رأت عين كلا مثل ذا منظر
وكل الاحرار يتمنوا يجوا زوار
ودام حب النبي طه بنا تجذر
بانحتفي احتفاء ماقد وقع او صار
#شاعر_بلاد_الروس
محبة المصطفى في كل يوم اكثر
وزاد فوق الزياده. فطرة. الأنصار
الكل في حب طه. للجميع أشر
والبعض منا احتفاله يبهج الانضار
فالبيت زينه وفوق الشاص والموتر
وثوبنا اخضر. ومولدنا ورود. وازهار
#ذوالفقار_سفيان
في كل مولد وهذا الشعب يتطور
بحب طه وآله خيرة الاخيار
ونجد واذنابها تسقط وتتدهور
وعاد با تحترق في آخر المشوار
نقسم بمن للسماء والشمس قد كوّر
إنا نحب النبي لو با نطير اعشار
#ابومقدام_الخمري
في يوم عيسى لنا بالمصطفى بشر
استبشر اجدادنا به اعضم استبشار
ماحـــــْـد منهم رقد من كثر مافكر
في كيف يلقاء الرسول الهادي المختار
واحنا كماهم معه ومع الولي محور
محور مجاهد مع الســــيد له الانصـــار
#أبوخارف_ابوشوصاء
ارض السعيده كساها ضوها الأخضر
وتزينت لون باهي يسلب الأبصار
والشعب في حب طه كله اتفاخر
في حب طه لنا عبر الزمان أخبار
ليوم مولد رسول الله استنفر
يباهو الكون بالاجلال والإكبار
#أبوحسين_العرجي
قد شعشع النور في جو اليمن ب أخضر
بنور طه وآله زمرة الأخيار
وأمة الحق تتأهب وتتحضر
في حفل سيد البشر المصطفى المختار
منهو تول النبي و الآل باينصر
وأن تركناه بانهزم ويلحق عار
#علي_جارالله_داشع
الشعب حول حب المصطفى اتمحور
ولا زال حب النبي يتوارثه الانـــصار
بانحضر الحـفل مالا الـكـل يتـــصور
وانهتف بصوت لــــبيـــناك يالمخــتار
وبايــــضل احتــــــفانا دوم يتــكـــرر
لن نتركه لو نروح اعـــشار في اعشار
#علي_حشفول_الهلالي
الكون نوّر بخير الخلق واستبشر
في مولد النور قايد امة الاحرار
واتكحلت عاصمة شعبي بكحل اخضر
واتزينت كلها في مولد المختار
يستمتع اللي يشاهد روعة المنظر
ويسبح الله عالم كامل الاسرار
#ابوهادي_الجامع
في يوم ميلاد طه شعبنا اتحضر
ولبس العاصمه كسوه بلون اشجار
وولع الشعب كله لونه الاخضر
في مولدالمصطفا شعبي يزيداسرار
والكون كله منور. نورك الازهر
كل البلد.نورت منورك الازهار
#عبدالجبار_السيقل
مضهر يراه العوالم من ثـــــــرا المجهر
كنه كما اعشاب هشت بعد ماء الامطار
من نور افضـل بشر وانزه رجل واطهر
جانا يتمم مكارم نـحو الاخــــلاق سار
في يوم ميـلاده الجــو والبــحـر والبر
قد شــــع بخضـر وذا ما اراده المختار
#الشاعر_وردان_الحاج
في مولد النور حتا القش صار اخضر
فرحه وبهجه عضيمه تبهج الانصار
في مولد النور نستلهم ونتعبر
ونرتشف من هداه العزم والاصرار
نفرح ونرسل رساله للعدو يحذر
ان اليماني تسلح قوت الجبار
ومن يعادي رسول الله با يُدحر
وحنا علا نهج طه ضد اهل النار
#عبدالقوي_البطل
لبيك لبيك ماشعب اليمن ثور
وواجه الشر واهل الشر والاشرار
ياسيد الخلق ياطه الحبيب ابشر
انصارك اليوم اعادوا موقف الانصار
مع حفيدك على من ظل واستكبر
اعصار ثائر وماادراك ماالاعصار
#الشاعر_ابوشهيد_القطمي
سبحان رب السماء ما أجمل المنظر
الأرض والجو حتى البحر و الأحجار
اللون الأخضر غزا الدنيا و كم سيطر
حتى غزا أكباد شعب العز و الأنصار
من حب طه الملاء الأعلى اكتسى بأخضر
في مولدك يا محمد زآنت الأخبار
#الشاعرذوالفقار_القيدله
هذا اليمن يارسول الله يتصدر
حبك وصدق التولي بااقتدا واصرار
تزينت واكتست ياهيبة المنضر
والقلب ينبض بحب المصطفى المختار
ياسيدي هاهنا احفاد للأشتر
والأوس هاهم وخزرج في اليمن وانصار
#ابوثابت_المجنحي
محمد المصطفى ذي بلهدا بشر
وعز لسلام ونها صلطت الكفار
عليه صليت ماهلل وماكبر
تغشاه واله ومن والاه من لنصار
من حب ذكراه لايحزن ولايضجر
ومن تناساه يصلئ من لهيب انار
#علي_دحان_الجبري
صنعاء الوحيده بحب اﻻاال تتمحور
وحب طه كساها نصر واستبشار
في حين بعض العواصم قدبتتصووور
بين اليهود والنصارى تسرب الزنار
والفرف راه الكفيف ووحاااه كل ادور
هي جنت اﻻرض صنعاء والرياض النار
#علي_عقاب
ياشعب موصوف بالحكمه ومتمحور
من حول ال النبي والسيد المغوار
وفقه مع ربنا وفي ربيع ازهر
واتمايلت بالفرح في مولد المختار
و قرون ابليس منها اليوم تتكسر
من اخضراره ترنح معبد الكفار
#ابتسام_شرف_المحطوري
في مولد المصطفى نوره ذهل أبهر
الكون والكائنات صلي على المختار
واليوم ابن اليمن جَسّد لـ ابو الكوثر
إنه على نفس ماكانت به الانصار
تفرح وتسعد وتستبشِر ولا تغْتَر
اخــلاق طه وال البيت مهما ســار
#الشاعر_ابوقاصف_حيدان
جمال طه كسى بحر اليمن والبر
وفي رحابه تباهى موطن الأنصار
شعب اليمن زين ارجائه بلون اخضر
واذهل بلونه نجوم الكون والأقمار
والكل منا لميلاد النبي حظّر
نجدد العهد مهما كانت الاخطار
#محمد_القاضي
اليوم شعب اليمن في قمة المحضر
واصبح بلاد الرسول في عالم الكفار
واصبحت عاصمتنا تكتسي الاخضر
كما المدينة بليلة هجرة المختار
تئوي وتنصر وتثبت يوم كلاً فر
الى اليهودي يطبع صفقة الاشرار
#الكرار_المشراقي
في الكون عم الفرح والعالم استنفر
وارض اليمن تستعد وتحشدالثوار
لبيك ياسيدي يااعظم بشرواطهر
يانــوربدد ظلام الشرك والكفار
ارض اليمن خضرت وجوها اتمشقر
لبيك اهلا وسهلا مولد المختار
#الشاعر_ابوحاشد_ابوسعيد
يا كيف صنعاء ترفرف نورها الاخضر
من لون رايت محمد طاهر الأطهار
ياسعد يملأ قلوب المؤمن الاشقر
اتزينت أرضنا من أحسن الأنوار
في حب طه وآل شعبنا كبر
لبيك لبيك يامن جاهد الكفار
#عبد_الله_القبلي
الليل ادبر بضلمه والصباح اسفر
والكون نور بمولد صفوة الاخيار
وارض السعيده كساهايدهش المنضر
كنها من اهل الكساانضمت مع الاطهار
يزينة الدروالياقوت والجوهر
في عيد ميلاد طه فرحة الانصار
ياتوا رجالآ وركبانآ على الضمر
من كل اطياف شعب العز والاقطار
#أمين_الراجحي
البدر نوره أضاء للحق والبندر
والناس فرحة وربي فوقهم قهار
وتاج قصير هوى للارض وتكسر
وعرش كسرى تزلزل والسماء كرار
وتبين الحق والمبعوث ماتقهقر
واهل اليمن لبو الدعوه وجوه انصار
#نصر_حمودي
اشرق يمنّا بالاخضر والصباح اسفر
وعمت الفرحه الكبرى جميع الدّار
اتزين الشعب ولبس ثوبه الاخضر
واستقبلو مولد الهادي بكل اصرار
واعلن ولاءه وخطه بالدم الاحمر
للمصطفى وآل بيته سادة الأقطار
#مختار_البحري
في مولدك شـعـبـنا هـلل واستبــشـر
والارض من نور طه ســرجــة انــوار
والكل الئ ساحةالتـحـشـيد اسـتنـفـر
لبــيـــك والاوس والخــزرج لنا تذكـار
في مولدك ياحبيبي ذا الوجود اســفـر
واسفر شعب اليمن في مولد المــختـار
#ابومصطفى_الرضي
مدن يمنا تكست ثوبها الاخضر
وبكل قرية وعزله شعت الانوار
وصارت اليوم تتباهى وتتفاخر
بين العوالم تجسد فرحة الانصار
انوار صنعاء ضياها في الخليج أشر
وبايصل لافلسطين بارق الكرار
#ابومحمد_العفاري
سبحان سبحان من ابدع وذي صور
هذا الجمال اليوسفي فالهاشمي اختار
واختار له خير موسم والربيع ازهر
والكون كله تزين بالحسن فالاقمار
والقلب صلى عليه والنبض يتذكر
محمد المصطفى ايقونة الانصار
#ابوناصح_العزي
الكون من نور طه شع واستبشر
وكل جدبا اكتست مايسلب الانظار
باالنور الخضر قرانا والمدن تسحر
في حب طه تحدت معشر الكفار
تبعث رساله لامريكا مع خيبر
هذا نبي الهدى. في معشر الانصار
#ابوعلي_حليقه
الارض لبست لحلة ثوبها الأخضر
من الطبيعه بفضل الله باالامطار
من غير محنا نلونها بدا مظهر
جميل زاهي جماله يسحر الانظار
كأن ربي امر هذي السماء تمطر
من اجل مولد ربيع المصطفى المختار
#الشاعر_بشير_الشامي
الارض تعلن فرحاء وابتهاج انضر
والكون كله بيحيي مولد المختار
يا لون بين الكواكب لونك الاخضر
يسعد به الشعب فالفرحه وفستقرار
بايفرح الشاب واشيبه وذي ازغر
في مولده بايفج الشعب بالانوار
#الشاعر_ماجد_القادري
الكل في مولدك في جوها والبر
يشارك الحفل يشارك موطن الانصار
ويحتفل يوم عيدك موطن الاشتر
شعب يحتفل بك موطن الكرار
ويحتفل شعبنا في مولدك قرر
بكل عام يحتفل ياسيد الأخيار
#ابو_جهاد_صبر
شعب اليمن يوم ميلاد النبي ثور
لبيك يالمصطفئ ياقاهر الكفار
الشعب في مولدك حالي به المنظر
محلاه بالون الاخضر للعداء قهار
صلئ عليك عد ماهلل وما كبر
صلئ عليك يامحمد ربي الجبار
#ابواياد_المطري
أمنيّة الكون جنـــب الشعب يتصور
من شدة المضهر اللي يروي الأنضار
الشعب باللون الاخضر كله اتسور
حتى القلوب الكريمه ضائت الانوار
وكل عام شعبـــــــــنا بالله يتطـــور
في احتـــــــفاله بمولد سيد الاطهار
#ابوجبريل_شريف
ياسيدالكون اشرف خلقه الاطهر
صلى عليك الله ياطه نبي مختار
وشعبناصادق ايمانه ومتجذر
بحب طه وآله سيفه الاحرار
يحيون مولد وبااحيامولده نفخر
بكل شوقاولهفه زائد الائيثار
اجدادناآوه وحيوياطلوع الفجر
اوساوخزرج وقالواانناالانصار
#ضيف_الله_هجوان
الكل في مـــــــولد المختار قد شمر
شوق ومحبه لطــــــــه وآله الاطهار
في موسم اغلا ربيع الباهي المنضر
شعب اليمن بابتهاجه يلفت الانظار
مولد محمد على مـــــر الزمن يذكر
ماينقطع له ذكـــــر دايم علينا العار
#ابومازن_عمران
الله أكبر على من ضل و اتكبر
في مولد النور قلناها مع الإصرار
يا سيدي يا رسول الله ضوء أخضر
في موطن الدين هذا آخر الإصدار
زينة ، سعادة ، فرح بالموسم الأنور
نزرع و نحصد ، نحارب ، نستعيد الثار
#الكرار_العقيبي
من هوه يحب النبي في مولده يحضر
ويحتفل في الرسول المصطفى المختار
شعب اليمن يارسول الله قال ابشر
لبيك رغم انف من طبع مع الاشرار
صلاة ربي عدد ماسحبها تمطر
على النبي واله الاخيار والاطهار
#بشار_عباس_الشومي
الشعب جاهز ملبي سيلهم يظهر
اسود جيش اليمن واقحاحها الأنصار
ياشعب الإيمان ثق بالله واستبشر
في يوم قادم يظهر سيلك الإعصار
الفضل لله ثم السيد الاشتر
من قادنا للتولي اصغارنا وكبار
#مناع_شريم
باالضوالاخضر يمن الايمان قد خضر
والجو والبر وصنعاء تسحر الانظار
والشعب في حب طه البدر ما اتغير
لك الولاء يارسول الله مدى الاعمار
من شهر واكثر نجهز حبك الاكبر
الكل تحضر يشار ك مولد المختار
#فتى_عنس_الثائر
ميلادك اشـرق علينا بـ اجمل المنظر
واتزينت سمـانا ليل وصبح ونـْهــــار
والكــــون واهله تجهز بل وقد حضّر
يستقبل الميـلاد بـ الأكليل والأزهـــار
وشعب الايمـــان في ميـلادك الأجدر
شعب الرســـالـه يمانيون هم الأنصار
وعمّت الأفراح مع الزينه بلون اخضر
صلى عليك الله وآلك خيرة الأطهــار
#ابوشرف_خولان
ياسيدي ساحه السبعين تتحضر
تستقبلك يارسول الله بستنفار
البيت والحي والشارع بلون اخضر
يستقبلونك بلهفه.. حي حي ودار
وكله الشعب ياطه بيتجمهر
من كل قريه وعزله يخرجون انصار
#الشاعر_ابوحيدر_عامر
بالسندس الشعب مكسي شاهده يجهر
العقل والسعد فوقه والفرح مدرار
في مولد المصطفى جاهز وقد ازهر
والارض نسخه من الجنة على الانوار
من فضل ربي القوي الواحد الاكبر
شعب اليمن يحتفل في مولد المختار
#ناديه_السقطي
صنــعاء بحُله جميله زانها المنظر
بفضـل ربي وقائــدنا مع الانصـار
نور المسيره اعـاد النور ذي اتقهقر
باللون الاخضر قهرنا ابليس والكفار
لك يارســــول الله العــالم اتعطر
والفرح عم اليمن في كل ارض ودار
#ابوحيدر_الحامس
فرحه كبـــيره بمــيلاد النبي الاطهر
بهجه واشواق وطـرائات وستبشار
في حب طه اليمن صادق ويتصدر
إحــــيا مـولد رسول الله بستــمرار
ياســــيد الكـون لــو ننسف ونتبعثر
مانــتركك يانبي ويصير مهما صار
#أبـو_رمـاح_شـداد
لبيـك لبيـك ولّـعـنـا ســراج اخـضر
ونحتفل في مولدك يالهادي المختار
لبيـك لبيـك بــــك نـنـهـي الـمـنـكـر
بالإقتـداء بـك يامـحمـد ننهي الكفار
لبيـك لبيـك مـهمـا الـوضـع يـدهـور
ياسيدي انت الذي بك نكمل المشوار
#ابوكنعان_الروس
لبيك يامن بنورك شعبنا ثوور..
لبيك يامن بنهجك ينهج الأنصار
اللون الأخضر يضاهي في سماء المحور..
محور موالي «ل طه»وٱله الأطهار
لبيك ماسبح المؤمن وما كبر..
عد البشر والحجر لبيك والأشجار
#صدام_شايف_الغولي
يامرحبا مرحبا مليار يتكرر
بيوم ذكرى نبينا المصطفى المختار
اثنى عشر يوم ميلاد النبي الإطهر
كلين يقطب يسرج موطنه والدار
من حيد مران إلى أرض اللوا الأخضر
تتشكل انوار تسر البال والأنظار
#ابوسام_المرحبي
شرفتنا يارسول الله ضيف انور
نارت قلوب الملأ وغاضت الكفار
لبيك بحضور في الساحات لايحصر
نجدد العهد والميثاق والمشوار
لباك شعب اليمن منهاج متبلور
نحييه رغم الألم والجرح والأخطار
#بشير_الكبسي
في يوم ميلاد طه شعبنا قرر
واعلن خياراته الكبرى مع الانصار
وجيشنا الحر ل قد نوه وقد حذر
ومستمد قوته من قوة الجبار
وكل طامع وغازي بارضنا يقبر
لنا مواقف قوية ضد الاستعمار
#شهاب_ المتوكل
ارض اليمن زاهيه في ثوبها الاخضر
تفرح بميلاد طه الهادي المختار
ترسم بحب النبي لوحه لها منظر
من شافهاقال حيا معشر الانصار
#مهيوب_عزام
نجم النبوه ظهر والكون قد نور
ثاني عشر من ربيع ذكرى النبي المختار
وكل ارض اليمن تلمع بنور اخضر
وفي سما العاصمة قد شعت الأنوار
لبيك مليار في مليار بل اكثر
لبيك لبيك واحنا جندك الأنصار
#ابوفاطمة_الشريف
بمولدك شعبنا فارح ومستبشر
ياسيدي يارسول الله يالمختار
الشعب ذا يارسول الله بك يفخر
ويغيظ أهل النفاق ويقهر الكفار
مضى على منهجك وبذكرك اتعطر
ياخير وافضل بشر ياقدوة الأحرار
#المولد_النبوي_الشريف 1444هـ
#إتحاد_الشعراء_والمنشدين
طباعة الصفحة
قصائد ضد العدوان
فيسبوك 
تويتر 
يوتيوب 